ಸಂಧಾನ ಸಭೆ ನಡುವೆ ಉಕ್ರೇನ್‌ ಮೇಲೆ ದಾಳಿ ಮುಂದುವರಿಸಿದ ರಷ್ಯಾ

ವಿಡಿಯೊ ಕಾನ್ಫರೆನ್ಸ್‌ ಮೂಲಕ ಸೋಮವಾರ ನಾಲ್ಕು ಸುತ್ತಿನ ಮಾತುಕತೆಗಳು ನಡೆದಿವೆ. ಉಭಯ ರಾಷ್ಟ್ರಗಳ ಉನ್ನತ ನಾಯಕರನ್ನು ಒಳಗೊಂಡ ಸಭೆಯು ಯಾವುದೇ ಮಹತ್ವದ ನಿರ್ಧಾರವಿಲ್ಲದೆ ಮುಗಿದಿದೆ. ಉಕ್ರೇನ್‌ ಅಧ್ಯಕ್ಷ ವೊಲೊಡಿಮಿರ್‌ ಝೆಲೆನ್‌ಸ್ಕಿ ಅವರು, 'ಸಂಧಾನಕಾರರು ತಾಂತ್ರಿಕ ವಿರಾಮವನ್ನು ಪಡೆದಿದ್ದಾರೆ. ಮಂಗಳವಾರ ಪುನಃ ಯೋಜಿತ ಸಭೆ ನಡೆಸಲು ಮುಂದಾಗಿದ್ದಾರೆ' ಎಂದು ತಿಳಿಸಿದ್ದಾರೆ.

'ರಷ್ಯಾ ಜೊತೆಗಿನ ಮಾತುಕತೆಗೆ ಉಕ್ರೇನ್‌ ಭಾಗವಹಿಸುವಿಕೆಯನ್ನು ಅಮೆರಿಕ ಬೆಂಬಲಿಸುತ್ತದೆ. ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಅವರು ಉಲ್ಬಣಗೊಳ್ಳುತ್ತಿರುವ ಪರಿಸ್ಥಿತಿಯನ್ನು ಸುಧಾರಿಸುವ ನಿಟ್ಟಿನಲ್ಲಿ ಮನಸ್ಸು ಮಾಡುವ ಮೂಲಕ ವಿಶ್ವಾಸವನ್ನು ಉಳಿಸಿಕೊಳ್ಳಬೇಕು' ಎಂದು ಶ್ವೇತಭವನದ ಮಾಧ್ಯಮ ಕಾರ್ಯದರ್ಶಿ ಜೆನ್‌ ಸಾಕಿ ತಿಳಿಸಿದ್ದಾರೆ.

ಅಮೆರಿಕದ ರಕ್ಷಣಾ ಪಡೆಯ ಹಿರಿಯ ಅಧಿಕಾರಿಗಳ ಪ್ರಕಾರ, ರಷ್ಯಾ ಪಡೆಗಳು ಕೀವ್‌ನ ಹೃದಯ ಭಾಗಕ್ಕೆ ಲಗ್ಗೆಯಿಡಲು ಕೇವಲ 15 ಕಿ.ಮೀ. ಅಂತರದಲ್ಲಿವೆ.

ಪಾಕ್‌ ಮೇಲೆ ಭಾರತ ಕ್ಷಿಪಣಿ ಉಡಾಯಿಸಿಲ್ಲ, ಅದು ಆಕಸ್ಮಿಕ: ಅಮೆರಿಕ