ನವದೆಹಲಿ: ಉಕ್ರೇನ್ ಮೇಲೆ ರಷ್ಯಾ ಸೇನೆ ಆಕ್ರಮಣ ಮುಂದುವರಿಸಿರುವುದನ್ನು ಗಂಭೀರವಾಗಿ ಪರಿಗಣಿಸಿರುವ ಅಮೆರಿಕ ಮತ್ತು ಕೆನಡಾ,ರಷ್ಯಾ ಉತ್ಪಾದಿತ ಮದ್ಯ ಮಾರಾಟವನ್ನು ನಿರ್ಬಂಧಿಸಿವೆ.
ಸರ್ಕಾರದ ವೈನ್‌ ಮತ್ತು ಮದ್ಯ ಮಾರಾಟ ಕೇಂದ್ರಗಳಲ್ಲಿರಷ್ಯನ್‌ ಬ್ರ್ಯಾಂಡ್‌ನ ಮದ್ಯ ಮಾರಾಟಕ್ಕೆ ನಿರ್ಬಂಧ ಹೇರಲಾಗಿದೆ ಎಂದುಅಮೆರಿಕದ ನ್ಯೂ ಹ್ಯಾಂಪ್‌ಶೈರ್‌ ರಾಜ್ಯದ ಗವರ್ನರ್ಕ್ರಿಸ್ ಸುನುನು ಘೊಷಿಸಿದ್ದಾರೆ. ಒಹಿಯೊ ರಾಜ್ಯದಲ್ಲಿಯೂ ಇದೇ ರೀತಿಯ ಆದೇಶ ಹೊರಡಿಸಲಾಗಿದೆ.
ಕೆನಡಾದ ಮನಿಟೊಬ, ನ್ಯೂಫೌಂಡ್‌ಲ್ಯಾಂಡ್, ಒಂಟಾರಿಯೊ ಸೇರಿದಂತೆ ಹಲವು ಪ್ರಾಂತ್ಯಗಳಲ್ಲಿನಮದ್ಯ ಮಾರಾಟ ಮಳಿಗೆಗಳಿಂದ ರಷ್ಯನ್ ಬ್ಯಾಂಡ್‌ನ ಮದ್ಯ ಮತ್ತು ಇತರ ಪಾನೀಯಗಳನ್ನು ತೆರವುಗೊಳಿಸಲಾಗಿದೆ.
ಕೆನಡಾದಲ್ಲಿ ವಿಸ್ಕಿಯನ್ನು ಬಿಟ್ಟರೆ ಅತಿಹೆಚ್ಚು ಸೇವಿಸುವ ಮದ್ಯ ವೋಡ್ಕಾ. ಇದು ರಷ್ಯಾ ಮೂಲದ್ದಾಗಿದೆ.
ಸದ್ಯ ಅಮೆರಿಕ ಮತ್ತು ಕೆನಡಾಕೈಗೊಂಡಿರುವ ನಿರ್ಧಾರಗಳು ರಷ್ಯಾದ ಮದ್ಯತಯಾರಿಕಾ ಕಂಪೆನಿಗಳ ಆದಾಯದ ಮೇಲೆ ಭಾರಿ ಪರಿಣಾಮ ಬೀರುವ ಸಾಧ್ಯತೆ ಇದೆ.
