ಶನಿವಾರ, ಮೇ 15, 2021
26 °C

ಯೂರಿ ಗಗಾರಿನ್‌ ಅಂತರಿಕ್ಷಯಾನಕ್ಕೆ 60 ವರ್ಷ: ರಷ್ಯಾದಲ್ಲಿ ಸಂಭ್ರಮಾಚರಣೆ

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

Prajavani

ಮಾಸ್ಕೊ: ಅಂತರಿಕ್ಷಯಾನ ಮಾಡಿದ ಪ್ರಥಮ ಮಾನವ ಎಂಬ ಕೀರ್ತಿಗೆ ಪಾತ್ರರಾದ  ದಂತಕಥೆ ಯೂರಿ ಗಗಾರಿನ್‌ ಬಾಹ್ಯಾಕಾಶಕ್ಕೆ ಕಾಲಿಟ್ಟು 60 ವರ್ಷಗಳು ತುಂಬಿದ್ದು, ರಷ್ಯಾದಲ್ಲಿ ಸೋಮವಾರ ಸಂಭ್ರಮಿಸಲಾಯಿತು.

ರಷ್ಯಾದ ಬಾಹ್ಯಾಕಾಶ ಉದ್ಯಮವು ಇತ್ತೀಚಿನ ವರ್ಷಗಳಲ್ಲಿ ಹಲವು ಅವಘಡಗಳನ್ನು ಎದುರಿಸಿ, ಸರಣಿ ವೈಫಲ್ಯಗಳನ್ನು ಅನುಭವಿಸುತ್ತಿದೆ. ಆದರೆ, ಆದರೆ 1961ರ ಏಪ್ರಿಲ್ 12ರಂದು ಮನುಷ್ಯನನ್ನು ಬಾಹ್ಯಾಕಾಶಕ್ಕೆ ಕಳುಹಿಸಿದ ಮೊದಲ ರಾಷ್ಟ್ರ ಎನ್ನುವ ಹಿರಿಮೆಗೆ ಸೋವಿಯತ್ ಒಕ್ಕೂಟ ಪಾತ್ರವಾಗಿದೆ.

ವೋಲ್ಗಾ ನದಿಯ ದಡದಲ್ಲಿರುವ ದಕ್ಷಿಣ ನಗರ ಏಂಗಲ್ಸ್‌ನಲ್ಲಿ ಗಗನಯಾತ್ರಿ ಇಳಿದ ಸ್ಥಳದಲ್ಲಿ ಐತಿಹಾಸಿಕ ಅಂತರಿಕ್ಷ ಯಾನ ಗೌರವಿಸಲು ಸ್ಮಾರಕವಿದೆ.

ಗಗಾರಿನ್ ನಡೆಸಿದ ಅಂತರಿಕ್ಷಯಾನದ ದಿನವನ್ನು ರಷ್ಯಾದಲ್ಲಿ ಪ್ರತಿವರ್ಷ ಕಾಸ್ಮೊನಾಟಿಕ್ಸ್ ದಿನವೆಂದು ಆಚರಿಸಲಾಗುತ್ತದೆ. ಈ ವರ್ಷ 60ನೇ ವಾರ್ಷಿಕೋತ್ಸವ ನಿಮಿತ್ತ ದೇಶದಾದ್ಯಂತ ವಿವಿಧ ಕಾರ್ಯಕ್ರಮಗಳು ನಡೆಯುತ್ತಿವೆ.

ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿರುವ ನೌಕೆಯಿಂದ ನಾಲ್ವರು ರಷ್ಯಾದ ಗಗನಯಾತ್ರಿಗಳು, ನೆಲದ ದೇಶವಾಸಿಗಳಿಗೆ ವಂದಿಸಿದ್ದು, ದೇಶ ಬಾಂಧವರ ಸಾಧನೆಯನ್ನು ಶ್ಲಾಘಿಸಿ ಭೂಮಿಗೆ ಸಂದೇಶ ರವಾನಿಸಿದ್ದಾರೆ.

‘ರಷ್ಯಾ ಮುಂದಿನ ಪೀಳಿಗೆಯ ಬಾಹ್ಯಾಕಾಶ ನೌಕೆಯಲ್ಲಿ ಮತ್ತು ಚಂದ್ರಯಾನದಲ್ಲಿ ತುಂಬಾ ಮಹತ್ವದ ಬದಲಾವಣೆಗಳನ್ನು ನೋಡುವ ಹಾದಿಯಲ್ಲಿದೆ’ ಎಂದು ರಷ್ಯಾದ ರೋಸ್ಕೋಸ್ಮೋಸ್ ಬಾಹ್ಯಾಕಾಶ ಸಂಸ್ಥೆಯ ಮುಖ್ಯಸ್ಥ ಡಿಮಿಟ್ರಿ ರೋಗೊಜಿನ್‌ ಇದೇ ಸಂದರ್ಭದಲ್ಲಿ ವಿಡಿಯೊ ಸಂದೇಶ ಹಂಚಿಕೊಂಡಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು