ಸಿಂಗಪುರ: ‘ಸಿಂಗಪುರ ಏರ್ ಷೋ’ಗೆ ಮಂಗಳವಾರ ಸರಳವಾಗಿ ಚಾಲನೆ ನೀಡಲಾಯಿತು. ಈ ವೈಮಾನಿಕ ಪ್ರದರ್ಶನ ಮೂರು ದಿನಗಳ ಕಾಲ ನಡೆಯಲಿದೆ.
ಕೋವಿಡ್–19 ಪಿಡುಗಿನ ಕಾರಣದಿಂದಾಗಿ ಕಳೆದ ಎರಡು ವರ್ಷಗಳಿಂದ ಈ ವೈಮಾನಿಕ ಪ್ರದರ್ಶನ ನಡೆದಿರಲಿಲ್ಲ. ಕೋವಿಡ್ಗೆ ಸಂಬಂಧಿಸಿದ ನಿರ್ಬಂಧಗಳನ್ನು ಸಂಪೂರ್ಣವಾಗಿ ಸಡಿಲಗೊಳಿಸದ ಕಾರಣ, ಇಂದು ಆರಂಭಗೊಂಡ ಷೋಗೆ ಸಾರ್ವಜನಿಕರಿಗೆ ಪ್ರವೇಶ ನೀಡಲಾಗಿಲ್ಲ.
600 ಉದ್ದಿಮೆಗಳು ತಮ್ಮ ಉತ್ಪನ್ನಗಳು ಹಾಗೂ ಸೇವೆಗಳನ್ನು ಈ ಕಾರ್ಯಕ್ರಮದಲ್ಲಿ ಪ್ರದರ್ಶನ ಮಾಡಲಿವೆ. ಬೋಯಿಂಗ್, ಏರ್ಬಸ್, ಲಾಕ್ಹೀಡ್ ಮಾರ್ಟಿನ್ ಪಾಲ್ಗೊಂಡಿರುವ ಪ್ರಮುಖ ಕಂಪನಿಗಳಾಗಿವೆ. 2020ರಲ್ಲಿ ನಡೆದ ಏರ್ ಷೋನಲ್ಲಿ 930 ಕಂಪನಿಗಳು ಭಾಗವಹಿಸಿದ್ದವು.
ಕೋವಿಡ್ಗೆ ಸಂಬಂಧಿಸಿದ ತನ್ನ ನೀತಿಗಳ ಕಾರಣದಿಂದಾಗಿ ಚೀನಾದ ಕಂಪನಿಗಳು ಈ ಪ್ರದರ್ಶನದಿಂದ ದೂರ ಉಳಿದಿವೆ.