ನ್ಯೂಜೆರ್ಸಿ: 22 ತಿಂಗಳ ಮಗುವೊಂದು ತನ್ನ ತಾಯಿಯ ಮೊಬೈಲ್‌ನಿಂದ ಸುಮಾರು ₹1.44 ಲಕ್ಷ ಮೌಲ್ಯದಪಿಠೋಪಕರಣಗಳನ್ನು ಆನ್‌ಲೈನ್‌ ಆರ್ಡರ್ ಮಾಡಿರುವ ಘಟನೆ ಅಮೆರಿಕದ ನ್ಯೂಜೆರ್ಸಿಯಲ್ಲಿ ನಡೆದಿರುವುದು ವರದಿಯಾಗಿದೆ.
ಆಯನ್‌ಕುಮಾರ್ ಎನ್ನುವ ಮಗುವೊಂದು ವಾಲ್‌ಮಾರ್ಟ್‌ ವೆಬ್‌ಸೈಟ್‌ನಿಂದಪಿಠೋಪಕರಣಗಳನ್ನು ಆರ್ಡರ್ ಮಾಡಿದೆ.
ತನ್ನ ತಾಯಿ ಬಳಿ ಇದ್ದ ಮೊಬೈಲ್ ತೆಗೆದುಕೊಂಡು ಈ ರೀತಿಯಾಗಿ ಮಗು ಮಾಡಿರುವುದು ಆಕಸ್ಮಿಕವಾಗಿ ನಡೆದಿದೆ. ಪಿಠೋಪಕರಣಗಳು ಮನೆಗೆ ಡೆಲಿವರಿ ಬಂದ ಮೇಲೆಯೇಇದು ತಮಗೆ ಗೊತ್ತಾಗಿದ್ದು ಎಂದು ಮಗುವಿನ ತಾಯಿ ಮಧು ಹೇಳಿದ್ದಾರೆ.
ಮಕ್ಕಳ ಕೈಗೆ ಮೊಬೈಲ್ ಫೋನ್ ಕೊಡುವ ಮುನ್ನ ಸಾಕಷ್ಟು ಎಚ್ಚರಿಕೆ ವಹಿಸಬೇಕು ಎಂದು ಮಗುವಿನ ತಂದೆ ಪ್ರಮೋದ್ ಕುಮಾರ್ ಹೇಳಿರುವುದಾಗಿ ಎನ್‌ಬಿಸಿ ವಾಹಿನಿ ವರದಿ ಮಾಡಿದೆ.
