ಶುಕ್ರವಾರ, ಏಪ್ರಿಲ್ 23, 2021
22 °C
ಸಂದೀಪ್ ಸಿಂಗ್ ಧಲಿವಾಲ್ ಹೆಸರಿಡುವ ಆದೇಶಕ್ಕೆ ಟ್ರಂಪ್ ಸಹಿ

ಹ್ಯೂಸ್ಟನ್ ಅಂಚೆ ಕಚೇರಿಗೆ ಭಾರತೀಯ–ಅಮೆರಿಕನ್ ಪೊಲೀಸ್ ಅಧಿಕಾರಿ ಹೆಸರು

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್: ವರ್ಷದ ಹಿಂದೆ ಹ್ಯೂಸ್ಟನ್‌ಲ್ಲಿ ಕರ್ತವ್ಯದಲ್ಲಿದ್ದಾಗ ಹತ್ಯೆಯಾದ ಸಿಖ್‌ ಪೊಲೀಸ್ ಅಧಿಕಾರಿ ಸಂದೀಪ್‌ ಸಿಂಗ್ ಧಲಿವಾಲ್ ಅವರ ಹೆಸರನ್ನು ಟೆಕ್ಸಾಸ್ ಅಂಚೆ ಕಚೇರಿಗೆ ನಾಮಕರಣ ಮಾಡುವ ಆದೇಶಕ್ಕೆ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸೋಮವಾರ ಸಹಿ ಹಾಕಿದ್ದಾರೆ.

ಭಾರತದಲ್ಲಿ ಹುಟ್ಟಿದ ಪೊಲೀಸ್ ಅಧಿಕಾರಿ ಸಂದೀಪ್ ಸಿಂಗ್ ಧಲಿವಾಲ್, ಕೆಲವು ವರ್ಷಗಳ ಹಿಂದೆ ತಮ್ಮ ಪೋಷಕರೊಂದಿಗೆ ಹ್ಯೂಸ್ಟನ್‌ನಲ್ಲಿ ಬಂದು ನೆಲೆಸಿದ್ದರು. ಕಳೆದ ವರ್ಷ ಸೆಪ್ಟೆಂಬರ್‌ 27ರಂದು ಟೆಕ್ಸಾಸ್‌ನ ಹ್ಯೂಸ್ಟನ್ ನಲ್ಲಿ ಸಂಚಾರ ನಿಲುಗಡೆ ಸ್ಥಳದಲ್ಲಿ ಕರ್ತವ್ಯನಿರತರಾಗಿದ್ದ ಸಂದೀಪ್‌ರನ್ನು ಗುಂಡು ಹಾರಿಸಿ ಹತ್ಯೆ ಮಾಡಲಾಗಿತ್ತು.

ಟೆಕ್ಸಾಸ್‌ನ ಹ್ಯೂಸ್ಟನ್‌ನಲ್ಲಿರುವ 315 ಅಡ್ಡಿಕ್ಸ್‌ ಹೋವೆಲ್‌ ರಸ್ತೆಯ ಅಂಚೆ ಕಚೇರಿಗೆ ‘ಡೆಪ್ಯುಟಿ ಸಂದೀಪ್ ಸಿಂಗ್ ಧಲಿವಾಲ್ ಅಂಚೆ ಕಚೇರಿ ಕಟ್ಟಡ‘ ಎಂದು ಹೆಸರಿಡುವ ಎಚ್‌ಆರ್‌ 5137 ಆದೇಶಕ್ಕೆ ಟ್ರಂಪ್ ಸಹಿ ಹಾಕಿದ್ದಾರೆ.

ಅಮೆರಿಕದಲ್ಲಿ ಅಂಚೆ ಕಚೇರಿಯೊಂದಕ್ಕೆ ಭಾರತೀಯ–ಅಮೆರಿಕನ್‌ ಹೆಸರಿಟ್ಟಿರುವ ಎರಡನೇ ಪ್ರಕರಣ ಇದಾಗಿದೆ. ಈ ಮೊದಲು 2006ರಲ್ಲಿ ದಕ್ಷಿಣ ಕ್ಯಾಲಿಫೋರ್ನಿಯಾದಲ್ಲಿ ಅಂಚೆ ಕಚೇರಿಯೊಂದಕ್ಕೆ ಭಾರತೀಯ –ಅಮೆರಿಕನ್ ಸಂಸದ ದಲೀಪ್ ಸಿಂಗ್‌ ಸೌಂದ್‌ ಅವರ ಹೆಸರನ್ನು ಇಡಲಾಗಿತ್ತು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು