ವಾಷಿಂಗ್ಟನ್: ಅಮೆರಿಕದ ಎರಡು ಯುದ್ಧನೌಕೆಗಳು ಭಾನುವಾರ ತೈವಾನ್ ಜಲಸಂಧಿ ಹಾದು ಹೋಗಿವೆ ಎಂದು ಅಮೆರಿಕದ ನೌಕಾಪಡೆ ಹೇಳಿದೆ.
ತೈವಾನ್ ಸುತ್ತಲು ಚೀನಾ ಸಮರಾಭ್ಯಾಸ ಕೈಗೊಂಡ ನಂತರ ಇದೇ ಮೊದಲ ಬಾರಿಗೆ ಅಮೆರಿಕದ ಯುದ್ಧನೌಕೆಗಳು ಜಲಸಂಧಿ ಹಾದಿವೆ.
‘ಮುಕ್ತ, ಶಾಂತಿಯುತ ಇಂಡೋ-ಪೆಸಿಫಿಕ್’ ಪ್ರದೇಶದ ನಮ್ಮ ಬದ್ಧತೆಯನ್ನು ಈ ಬೆಳವಣಿಗೆ ಪ್ರತಿಬಿಂಬಿಸಿದೆ ಎಂದು ಅಮೆರಿಕ ಹೇಳಿಕೊಂಡಿದೆ.
ಅಮೆರಿಕ ಸಂಸತ್ನ ಸ್ಪೀಕರ್ ನ್ಯಾನ್ಸಿ ಪೆಲೋಸಿ ತೈಪೆಗೆ ಭೇಟಿ ನೀಡಿದ ನಂತರ ತೈವಾನ್ ಜಲಸಂಧಿಯಲ್ಲಿ ಸಂಘರ್ಷಮಯ ವಾತಾವರಣ ಸೃಷ್ಟಿಯಾಗಿತ್ತು. ಹೀಗಿರುವಾಗಲೇ ಯುದ್ಧನೌಕೆಗಳು ಹಾದುಹೋಗಿರುವುದು ಚೀನಾದ ಹುಬ್ಬೇರುವಂತೆ ಮಾಡಿದೆ.