ಯುಎಇಯಿಂದ 4 ತಿಂಗಳು ಭಾರತದ ಗೋಧಿ ರಫ್ತು ಸ್ಥಗಿತ

ಜಾಗತಿಕ ವ್ಯಾಪಾರ ವಹಿವಾಟಿನಲ್ಲಿ ಎದುರಾಗಿರುವ ಅಡ್ಡಿಗಳಿಂದಾಗಿ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ ಎಂದು ಸರ್ಕಾರಿ ಸ್ವಾಮ್ಯದ ಡಬ್ಲ್ಯುಎಎಂ ಸುದ್ದಿಸಂಸ್ಥೆ ತಿಳಿಸಿದೆ.

ಜಾಗತಿಕವಾಗಿ ಗೋಧಿಯನ್ನು ಬೆಳೆಯುವ ಎರಡನೇ ದೊಡ್ಡದೇಶವಾದ ಭಾರತದಿಂದ ಯುಎಇ ಗೋಧಿ ತರಿಸಿಕೊಳ್ಳುತ್ತದೆ.ಮೇ 14ರಂದು ಗೋಧಿ ರಫ್ತನ್ನು ನಿಷೇಧಿಸಿರುವ ಭಾರತವು, ಈ ದಿನಕ್ಕೂ ಮುನ್ನ ಗೋಧಿ ಖರೀದಿಗೆ ಸಂಬಂಧಿಸಿದಂತೆ‘ಲೆಟರ್ ಆಫ್ ಕ್ರೆಡಿಟ್’ (ಎಲ್‌ಸಿ) ಪಡೆದಿರುವ ದೇಶಗಳಿಗೆ ಮಾತ್ರ ರಫ್ತು ಮಾಡುವುದಕ್ಕೆ ಅವಕಾಶ ಕಲ್ಪಿಸಿದೆ. ಆ ಬಳಿಕವೂ 4.69 ಲಕ್ಷ ಟನ್ ಗೋಧಿಯ ರಫ್ತಿಗೆ ಭಾರತ ಅವಕಾಶ ಕಲ್ಪಿಸಿದೆ.