ಮಂಗಳವಾರ, ಮೇ 24, 2022
30 °C

ಬ್ರಿಟನ್‌ನಲ್ಲಿ ಮತ್ತಷ್ಟು ಹೊಸ ರೂಪಾಂತರಿ ಕೊರೊನಾ ವೈರಸ್‌: 43 ಪ್ರಕರಣಗಳು ಪತ್ತೆ

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

ಲಂಡನ್‌: ಬ್ರಿಟನ್‌ನ ಬ್ರಿಸ್ಟಲ್ ಮತ್ತು ಲಿವರ್‌ಪೂಲ್‌ನಲ್ಲಿ ಹೊಸ ರೂಪಾಂತರಿ ಕೊರೊನಾ ವೈರಸ್‌ಗಳ ಒಟ್ಟು 43 ಸೋಂಕು ಪ್ರಕರಣಗಳು ಪತ್ತೆಯಾಗಿವೆ ಎಂದು ಬ್ರಿಟಿಷ್ ಆರೋಗ್ಯ ಸಚಿವ ಮ್ಯಾಟ್ ಹ್ಯಾನ್‌ಕಾಕ್ ಮಂಗಳವಾರ ಹೇಳಿದ್ದಾರೆ. 'ರೂಪಾಂತರಿ ಕೊರೊನಾ ವೈರಸ್‌ಗಳು ಕಾಣಿಸಿಕೊಳ್ಳುತ್ತಿರುವುದರ ಅರ್ಥ ಸರ್ಕಾರ ಅತ್ಯಂತ ಜಾಗರೂಕವಾಗಿರಬೇಕು ಎಂಬುದಾಗಿದೆ,' ಎಂದು ಅವರು ಹೇಳಿದ್ದಾರೆ.

'ಬ್ರಿಸ್ಟಲ್‌ನಲ್ಲಿ 11 ಮತ್ತು ಲಿವರ್‌ಪೂಲ್‌ನಲ್ಲಿ 32 ರೂಪಾಂತರಿ ವೈರಸ್‌ನ ಸೋಂಕು ಪ್ರಕರಣಗಳು ನಮಗೆ ಕಂಡು ಬಂದಿವೆ,' ಎಂದು ಹ್ಯಾನ್‌ಕಾಕ್ ಸಂಸದರಿಗೆ ತಿಳಿಸಿದ್ದಾರೆ. ಇದರ ಜೊತೆಗೆ ದಕ್ಷಿಣ ಆಫ್ರಿಕಾ ಮಾದರಿಯ 11 ಪ್ರಕರಣಗಳೂ ಪತ್ತೆಯಾಗಿವೆ. ಆದರೆ, ಯಾರಿಗೂ ಅಂತರರಾಷ್ಟ್ರೀಯ ಪ್ರಯಾಣದ ಹಿನ್ನೆಲೆ ಇಲ್ಲ,' ಎಂದು ಅವರು ತಿಳಿಸಿದ್ದಾರೆ.

ಬ್ರಿಟನ್‌ ಮಾದರಿಯ ರೂಪಾಂತರಿ ಕೊರೊನಾ ಸೋಂಕು ಈಗಾಗಲೇ ಎರಡನೇ ಹಂತದ ಬೆದರಿಕೆಯನ್ನು ಜಗತ್ತಿಗೆ ಎಸೆದಿದ್ದಾಗಿದೆ. ಹೀಗಿರುವಾಗಲೇ ಬ್ರಿಟನ್‌ನಲ್ಲಿ ಮತ್ತಷ್ಟು ಹೊಸ ರೂಪಾಂತರಿ ವೈರಸ್‌ಗಳು ಕಾಣಿಸಿಕೊಂಡಿರುವುದು ಆತಂಕಕ್ಕೆ ಕಾರಣವಾಗಿದೆ.

'ನಾವು ಅತ್ಯಂತ ಜಾಗರೂಕವಾಗಿ ಮುಂದೆ ಸಾಗಬೇಕಿದೆ. ಹೊಸ ಮಾದರಿಯ ರೂಪಾಂತರಿ ಕೊರೊನಾ ವೈರಸ್‌ಗಳಿಂದ ಹೊಸ ಬಗೆಯ ಸವಾಲುಗಳು ನಮಗೆ ಎದುರಾಗುತ್ತಿವೆ,' ಎಂದು ಹ್ಯಾನ್‌ಕಾಕ್‌ ಅಭಿಪ್ರಾಯಪಟ್ಟಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು