ನೆರವಿಗೆ ಬಾರದ ಪಾಶ್ಚಾತ್ಯ ರಾಷ್ಟ್ರಗಳ ವಿರುದ್ಧ ಝೆಲೆನ್‌ಸ್ಕಿ ಆಕ್ರೋಶ

ಟೆಲಿಗ್ರಾಂನಲ್ಲಿ ವಿಡಿಯೊ ಬಿಡುಗಡೆ ಮಾಡಿರುವ ಉಕ್ರೇನ್‌ ಅಧ್ಯಕ್ಷ ಝೆಲೆನ್‌ಸ್ಕಿ ಪಾಶ್ಚಾತ್ಯ ರಾಷ್ಟ್ರಗಳ ನಡೆಯನ್ನು ತೀವ್ರವಾಗಿ ಟೀಕಿಸಿದ್ದಾರೆ.

‘ರಷ್ಯಾದ ಆಕ್ರಮಣ ಆರಂಭವಾಗಿ 13 ದಿನಗಳು ಕಳೆದವು. ಭರವಸೆಗಳನ್ನು ಕೇಳುತ್ತಲೇ ಇದ್ದೇವೆ. ನಮ್ಮ ವಾಯುಪ್ರದೇಶವನ್ನು ರಕ್ಷಿಸಲಾಗುತ್ತದೆ, ವಿಮಾನಗಳು ಬರಲಿವೆ, ಅವುಗಳನ್ನು ನಮಗೆ ತಲುಪಿಸಲಾಗುತ್ತದೆ ಎಂದು 13 ದಿನಗಳಿಂದ ಹೇಳುತ್ತಲೇ ಬರಲಾಗುತ್ತಿದೆ’ ಎಂದು ಪಾಶ್ಚಾತ್ಯ ರಾಷ್ಟ್ರಗಳ ಭರವಸೆಯನ್ನು ಖಂಡಿಸಿದರು.

ರಷ್ಯಾದ ಯುದ್ಧ ವಿಮಾನಗಳನ್ನು ತಡೆಯಲು ಉಕ್ರೇನ್‌ನಲ್ಲಿ ‘ಹಾರಾಟ ನಿಷೇಧ ವಲಯ’ (ನೋ ಫ್ಲೈ ಜೋನ್‌) ರಚಿಸುವಂತೆ ಝೆಲೆನ್‌ಸ್ಕಿ ನ್ಯಾಟೊವನ್ನು ಕೇಳುತ್ತಲೇ ಬಂದಿದ್ದಾರೆ. ಆದರೆ, ಹಾಗೆ ಹಾರಾಟ ನಿಷೇಧ ವಲಯ ರಚಿಸಿದರೆ ಅದು ಯುದ್ಧದಲ್ಲಿ ಪಾಲ್ಗೊಂಡಂತೆ ಆಗುತ್ತದೆ ಎಂದು ಹೇಳಿರುವ ನ್ಯಾಟೊ, ಝೆಲೆನ್‌ಸ್ಕಿ ಪ್ರಸ್ತಾವವನ್ನು ತಿರಸ್ಕರಿಸುತ್ತಲೇ ಬಂದಿದೆ.