ಸೈಬರ್‌ ದಾಳಿ ಮೂಲಕ ಉತ್ತರ ಕೊರಿಯಾ ಭಾರಿ ಹಣ ಗಳಿಕೆ

’ಉತ್ತರ ಕೊರಿಯಾದ ಹೆಸರು ಹೇಳಲು ಇಚ್ಛಿಸದ ಮೂಲಗಳ ಪ್ರಕಾರ ಸೈಬರ್‌ ಹ್ಯಾಕರ್‌ಗಳು 2020ರಿಂದ 2021ರ ಮಧ್ಯಭಾಗದವರೆಗೆ ಉತ್ತರ ಅಮೆರಿಕ, ಯೂರೋಪ್‌ ಮತ್ತು ಏಷ್ಯಾದ ಮೂರು ಕ್ರಿಪ್ಟೋಕರೆನ್ಸಿ ವಿನಿಮಯ ಸಂಸ್ಥೆಗಳ ಮೇಲೆ ದಾಳಿ ಮಾಡಿ 50 ದಶಲಕ್ಷ ಡಾಲರ್‌ ಕಳ್ಳತನ ಮಾಡಿದ್ದಾರೆ. ಈ ಸೈಬರ್‌ ಅಪರಾಧವು ವಿವಿಧ ಸ್ಥಳಗಳಿಂದ ನಡೆದಿದೆ‘ ಎಂದು ವಿಶ್ವಸಂಸ್ಥೆಯ ತಜ್ಞರ ಸಮಿತಿ ತಿಳಿಸಿದೆ.

ಸೈಬರ್‌ ದಾಳಿ ಮೂಲಕ ಡಿಜಿಟಲ್‌ ಆರ್ಥಿಕ ಸಂಪನ್ಮೂಲ ಮತ್ತು ಹಲವು ತಂತ್ರಜ್ಞಾನಗಳಿಗೆ ಕನ್ನ ಹಾಕುವ ಉತ್ತರ ಕೊರಿಯಾದ ಸೈಬರ್‌ ದಾಳಿಕೋರರು 2021ರಲ್ಲಿ ಏಳು ಕ್ರಿಪ್ಟೋಕರೆನ್ಸಿ ವಿನಿಮಯ ಮತ್ತು ಹೂಡಿಕೆ ಸಂಸ್ಥೆಗಳ ಮೇಲೆ ದಾಳಿ ನಡೆಸಿ, 400 ದಶಲಕ್ಷ ಡಾಲರ್‌ ಮೌಲ್ಯದ ಕ್ರಿಪ್ಟೋಕರೆನ್ಸಿಯನ್ನು ಕಳ್ಳತನ ಮಾಡಿದ್ದಾರೆ ಎಂದು ಸೈಬರ್‌‌ ಸೆಕ್ಯೂರಿಟಿ ಸಂಸ್ಥೆ ವರದಿ ಮಾಡಿದೆ.