ಕರಾಚಿ: ನಿರಂತರ ಮಳೆಯ ಬಳಿಕ ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದ ಮೊಹೆಂಜೊ–ದಾರೊ ಸಮೀಪದಲ್ಲಿ ಪುರಾತನ ಕಾಲದ ವಿಶಿಷ್ಟವಾದ ‘ಬುದ್ಧ ಪೆಂಡೆಂಟ್’ ಪತ್ತೆಯಾಗಿದೆ ಎಂದು ಮಾಧ್ಯಮವೊಂದು ಶುಕ್ರವಾರ ವರದಿ ಮಾಡಿದೆ.
‘ಜಡಿ ಮಳೆಯಿಂದಾಗಿ ಸೃಷ್ಟಿಯಾದ ಗುಂಡಿಯಲ್ಲಿ ಪುರಾತನ ವಸ್ತುವೊಂದು ಪತ್ತೆಯಾಗಿತ್ತು. ಕೂಡಲೇ ಪುರಾತನ ವಸ್ತು ಸಂರಕ್ಷಕ ಅಧಿಕಾರಿ ಸವೀದ್ ಸಂಗಹ್ ಅವರಿಗೆ ಮಾಹಿತಿ ನೀಡಿದೆ’ ಎಂದು ಇರ್ಶಾದ್ ಅಹ್ಮದ್ ಸೋಲಂಗಿ ತಿಳಿಸಿದ್ದಾರೆ.
ಪುರಾತತ್ವ ಇಲಾಖೆಯ ಮಾಜಿ ಮುಖ್ಯ ಎಂಜಿಯರ್ ಮೋಹನ್ ಲಾಲ್ ಅವರು ಅದನ್ನು ಪರಿಶೀಲಿಸಿ, ಇದು ಬುದ್ಧ ಪೆಂಡೆಂಟ್ ಎಂದು ಗುರುತಿಸಿದ್ದಾರೆ. ಜೊತೆಗೆ ಇದು ವಿಶಿಷ್ಟವಾದ ಪುರಾತನ ವಸ್ತು ಎಂದು ತಿಳಿಸಿದ್ದಾರೆ ಎಂದು ವರದಿಯಾಗಿದೆ.