ವಾಷಿಂಗ್ಟನ್: ಅಮೆರಿಕದಲ್ಲಿರುವ ಕೆಲವು ಜಿಂಕೆಗಳಲ್ಲೂ ಅತಿ ವೇಗವಾಗಿ ಹರಡಬಹುದಾದ ಕೊರೊನಾ ವೈರಸ್‌ನ ಒಮೈಕ್ರಾನ್ ತಳಿ ಪತ್ತೆಯಾಗಿದೆ ಎಂದು ಅಮೆರಿಕದ ಸಂಶೋಧಕರು ತಿಳಿಸಿದ್ದಾರೆ.
‘ದೇಹದ ಪ್ರತಿಕಾಯ ಶಕ್ತಿಗಳನ್ನು ತಟಸ್ಥಗೊಳಿಸುವ ಒಮೈಕ್ರಾನ್ ವೈರಸ್ ಜಿಂಕೆಗಳಲ್ಲೂ ಮನುಷ್ಯರ ರೀತಿಯಲ್ಲಿ ಮರುಸೋಂಕಿಗೆ ಕಾರಣವಾಗಲಿದೆ. ನಮ್ಮ ಈ ಅಧ್ಯಯನವು ಸೋಂಕಿನಿಂದ ಮತ್ತೊಂದು ಭೀತಿಯಿರುವುದನ್ನು ಸ್ಪಷ್ಟಪಡಿಸುತ್ತದೆ’ ಎಂದು ಪೆನ್ನ್ ಸ್ಟೇಟ್ ಸಹಾಯಕ ಸಂಶೋಧಕ ಪ್ರಾಧ್ಯಾಪಕ ಕುರ್ತ್ ವಂದೆಗ್ರಿಫ್ಟ್ ಹೇಳಿದ್ದಾರೆ.
ಕಳೆದ ವರ್ಷ ಅಮೆರಿಕದ ಐಒವಾದಲ್ಲಿ ಶೇ80ರಷ್ಟು ಜಿಂಕೆಗಳಲ್ಲಿ ಕೊರೊನಾ ವೈರಸ್ ಇರುವುದನ್ನು ಈ ಸಂಶೋಧಕರು ಪತ್ತೆ ಹಚ್ಚಿದ್ದರು.
