‌ಇರಾನ್‌ ತಿರಸ್ಕರಿಸಿದ ನಂತರವೂ ಪರಮಾಣು ಒಪ್ಪಂದ ಮಾತುಕತೆಗೆ ಅಮೆರಿಕ ಸಿದ್ಧ

ಜೋ ಬೈಡನ್ ಆಡಳಿತದಲ್ಲಿರುವ ಹಿರಿಯ ಅಧಿಕಾರಿಯೊಬ್ಬರು ‘ಐರೋಪ್ಯ ಒಕ್ಕೂಟದ ಆಹ್ವಾನವನ್ನು ತಿರಸ್ಕರಿಸಿರುವುದಕ್ಕೆ ಅಮೆರಿಕ ನಿರಾಶೆ ವ್ಯಕ್ತಪಡಿಸಿದೆ. ಆದರೆ, ರಾಜತಾಂತ್ರಿಕ ಪ್ರಕ್ರಿಯೆಯ ಭಾಗವಾಗಿ ಯೂರೋಪ್‌ನ ಆಹ್ವಾನವನ್ನು ತಿರಸ್ಕರಿಸಿರುವ ಸಮಯ ಮತ್ತು ಸ್ವರೂಪವನ್ನು ಅದು ಗಮನಿಸಿದೆ. ಈ ಹಿನ್ನೆಲೆಯಲ್ಲಿ ಬ್ರಿಟನ್, ಚೀನಾ, ಫ್ರಾನ್ಸ್‌, ಜರ್ಮನಿ, ರಷ್ಯಾ ಮತ್ತು ಐರೋಪ್ಯ ಒಕ್ಕೂಟಗಳೊಂದಿಗೆ ಅಮೆರಿಕ ಸಮಾಲೋಚನೆ ನಡೆಸುತ್ತಿದೆ‘ ಎಂದು ಹೇಳಿದ್ದಾರೆ.

‘ಈ ಒಪ್ಪಂದದ ಮಾತುಕತೆಯಲ್ಲಿ ಭಾಗವಹಿಸಲು ಕಾಲ ಪಕ್ವವಾಗಿಲ್ಲ. ಈ ಮಾತುಕತೆಯಲ್ಲಿ ಅಮೆರಿಕ ವೀಕ್ಷಕರಾಗಿ ಭಾಗವಹಿಸಬಹುದು‘ ಎಂದು ಹೇಳುವ ಮೂಲಕ ಇರಾನ್‌, ಐರೋಪ್ಯ ಒಕ್ಕೂಟದ ಆಹ್ವಾನವನ್ನು ಭಾನುವಾರ ತಿರಸ್ಕರಿಸಿತು.