ಸಂಪೂರ್ಣ ಬ್ಯಾಂಕಿಂಗ್ ವಲಯ ಮತ್ತು ತೈಲ ಉದ್ಯಮ ಸೇರಿದಂತೆ ರಷ್ಯಾ ವಿರುದ್ಧ ಹೆಚ್ಚಿನ ನಿರ್ಬಂಧಗಳಿಗೆ ಝೆಲೆನ್ಸ್ಕಿ ಮತ್ತೊಮ್ಮೆ ಕರೆ ನೀಡಿದರು. ‘ಪಾಶ್ಚಿಮಾತ್ಯ ದೇಶಗಳನ್ನು ಅಸ್ಥಿರಗೊಳಿಸಲು ರಷ್ಯಾ ಬಹಿರಂಗವಾಗಿ ತನ್ನ ಶಕ್ತಿ ಬಳಸುವುದನ್ನು ಯುರೋಪ್ ಮತ್ತು ಅಮೆರಿಕದಲ್ಲಿನ ಪ್ರತಿಯೊಬ್ಬರೂ ನೋಡುತ್ತಿದ್ದಾರೆ’ಎಂದು ಝೆಲೆನ್ಸ್ಕಿ ಹೇಳಿದರು. ‘ಹೀಗಾಗಿ, ಇದಕ್ಕೆಲ್ಲ ಕೊನೆ ಹಾಡಲು ಪಾಶ್ಚಿಮಾತ್ಯ ದೇಶಗಳು ರಷ್ಯಾ ವಿರುದ್ಧ ವೇಗವಾಗಿ ಹೊಸ, ಶಕ್ತಿಯುತ ನಿರ್ಬಂಧಗಳ ಪ್ಯಾಕೇಜ್ ಅನ್ನು ಸಿದ್ಧಪಡಿಸುವ ಅಗತ್ಯವಿದೆ.’ ಎಂದು ಅವರು ಕರೆ ನೀಡಿದರು.