ಎಂಥದ್ದೋ ಭಯ

7

ಎಂಥದ್ದೋ ಭಯ

Published:
Updated:
Deccan Herald

ಉಸಿರಾಡುತ್ತಿರುವ
ಶ್ವಾಸಕೋಶಗಳ
ನಡುವೆ ಸಿಕ್ಕಿಕೊಂಡ
ಹೃದಯದಲ್ಲಿ
ಕೇಳುವವರಿಗೆ
ಸದ್ದಷ್ಟೇ
ಕೇಳಬಹುದು;
ನಾನು ಕಿವಿಗಳನ್ನು
ಕತ್ತರಿಸೆಸೆದು
ಕೇಳುವುದನ್ನು
ಹೃದಯದಿಂದಲೇ
ಅಭ್ಯಸಿಸಿಕೊಂಡ ಮೇಲೆ
ಪ್ರೀತಿಗಿರುವ ಕಿಟಕಿ
ಕಂಡುಕೊಂಡೆ.

 

ಆಮೇಲೇನಾಯ್ತೆಂದರೆ;
ವೀರ‍್ಯದ ಲಿಪಿ ಅರ್ಥವಾಗಿ,
ಅಂಡದ ಮೃದುತ್ವ ತಿಳಿದಂತಾಗಿ,
ಸಮುದ್ರಕ್ಕೆ ಉಪ್ಪಿನ ಸ್ವಭಾವ ತಾಗಿ,
ಅಮಾವಾಸ್ಯೆಯ ಭಾರಹೊತ್ತ
ಆಕಾಶ ನೋಡುವಂತಾಗಿ,
ಮೇಲಿಂದ ಸುರಿದ
ಮಳೆಗೆ ಭಾವಾವೇಶದಲ್ಲಿ ಬಾಗಿದಂತಾಗಿ,
ಹರಾಜು ಕಟ್ಟೆಯಲ್ಲಿ
ಹರಾಜಿಗೆ
ನಗ್ನ ನಿಂತೆ
ನೆರಳಿಗೇನು ಚಿಂತೆ?

 

ವಿಧಿವಿಲಾಸದ ರಮಣಿ
ಗರ್ಭ ಧರಿಸಿ
ತಳುಕಿ ಹಾಕಿಕೊಂಡಂತೆ ಬಳಗದೊಂದಿಗೆ
ಜುಳುಜುಳು ನಿನಾದ
ಹಗೆತನದ್ದು, ಜಾಗಟೆ ಬಾರಿಸಿದೆ ಬೆಂಕಿ
ಹೊಗೆತನದ್ದು:
ಪ್ರೀತಿಗೆ ಅಂಟಿರುವ ಕಥೆಗಳ
ದುರಸ್ತಿ ಕಾರ‍್ಯ
ಈಗೀಗ
ಕೈಗೆತ್ತಿಕೊಂಡಿದ್ದೇನೆ,
ಗರತಿಯಾಗುವ ಭಯ
ಕಲ್ಲಿಗೆ,
ಅದನ್ನು ಕೆತ್ತುವ ಚಾಣಕ್ಕೆ,
ಮನಸು ಬಾಣಕ್ಕೆ...

 

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !