ಕವಿತೆ

ಕರುಣಾಳು ಕತ್ತಲೆಗೆ ವಂದಿಸುತ್ತಾ... ಝಲ್ ಅನ್ನುತ್ತೆ ಎದೆ ಉಲ್ಟಾ ಹೊಡೆಯುತ್ತೆ ತಲೆ ಪಕ್ಕದಲ್ಲಿ ಕೈ ಮೇಲಕ್ಕೆ ಕೆಳಕ್ಕೆ ಆಡುತ್ತೆ ಕಾಲು ಅದೆಷ್ಟೋ ದೂರದ ಕಾರಿನ ಸದ್ದಿಗೆ

. ಮೂಲೇಲಿ ದೂಳಿಡಿದ ಟೋಪಿ ತಲೆಮೇಲ್ ಕೂತಾಗ ಬೆತ್ತ ಕೈ ಹಿಡಿದು ಪೋಲೀಸನ ಠೀವಿ ಬಂದಂಗೆ ಹುಮ್ಮಸ್ಸಲ್ಲಿ ಬೀಗ್ತದೆ ಮನಸ್ಸು ನೆನಪಿಸುತ್ತೆ ತಾನಿರೋದನ್ನ ನಿಂತ ಕಾಲುಗಳು ಮಾತ್ರ ಕ್ರೂರ ಬೆಳಕಿನಲ್ಲಿ

. ಅಲೆದಾಡುವಾಗ ಯಾಮಿಕನಾಗಿ ಮೆಲುಕು ಹಾಕುತ್ತೆ ಉಸಿರು ಬೆಚ್ಚಗಿದ್ದ ನೆನಪುಗಳ ತನ್ನ ನುಂಗುವ ಚಳಿಯ ಅಂಗೈಯಲ್ಲಿ

. ಓಡುವಾಗ ಮಾಲೀಕನ ಹಿಂದೆ ಸುಸ್ತಾಗಿ ಬೆವರುತ್ತೆ ಮೈಯಿ ಮುಖದ ಮೇಲಿದ್ದರೂ ಅವನ ಉಗುಳು ಒರೆಸಿಕೊಳ್ಳದೆ ಬೆರೆಸಿಕೊಳ್ಳುತ್ತಾ ಮಂಜ ಹನಿ ಮಾಡಿಕೊಂಡು

. ಸಹಿಸುತ್ತದೆ ಕಣ್ಣುರೆಪ್ಪೆ ಕೆಂಪಾಗಿ ಸೂತಕದ ದಿನಗಳು ಸರಿಯುವಾಗ ಅದಲಿ ಬದಲಿಯಾದ ವರ್ತಮಾನದಲ್ಲಿ ಕರುಣಾಳು ಕತ್ತಲೆಗೆ ವಂದಿಸುತ್ತಾ

. ಇದನ್ನೆಲ್ಲಾ ಹೊತ್ತ ನಾನೂ ನೇವರಿಸಿಕೊಳ್ಳುತ್ತೇನೆ ನಂಬಿಕೆಯ ನನ್ನದೇ ಕೈಗಳಿಂದ ಕತ್ತಲೆ ತೋರಿಸಿದ ಔದಾರ್ಯ ಬೆಳಕಿಗೂ ಬರಲಿ ಅಂತ -ಸತ್ಯಮಂಗಲ ಮಹದೇವ. *****************************************************************************************************

. ಎರಡು ಕವಿತೆ ಎಸ್. ಮಂಜುನಾಥ್

. ರೊಟ್ಟಿ ಕಡೆಗೆ ಕಂಡಿದ್ದು ರೊಟ್ಟಿ ಬಡಿಯುವ ಕೈಯಿ ನಟರಾಜನ ಭೂವ್ಯೋಮ ನರ್ತನದ ಅಷ್ಟೂ ಕೈಗಳಿಳಿಸಿ ಈ ಎರಡು ಕೈಯಿ

. ಖಾನಾವಳಿಯ ಕತ್ತಲಲ್ಲಿ ಬೆಂಕಿ ಹೊಗೆ ಸುರುಳಿ ಸೂರಿಂದಿಳಿದ ಕಿರಣಾವಳಿ ಕುಣಿದಿದೆ ಮುಂಗೈ ಮೇಲೆ ತದಿಕಿಟ ತದಿಕಿಟ ಲಯಕೆ

. ಕಾದಿವೆ ಬಾಯ್ಕಳಿದು ಹಸುಮಕ್ಕಳಾಗಿ ದೇವ ದಾನವ ಮನುಜರು ಬೀಳುವ ರೊಟ್ಟಿಗಾಗಿ

. ಹರಿದಾಡುವ ಇರ ಕ್ರಿಮಿ ಅದರ ಕಣಕಾಗಿ

. ಬೆಂಕಿಯಲಿ ಸುಟ್ಟಿದ್ದು ಬೆಂಕಿಯನೆ ತಣಿಸುವುದು ಬೆಂಕಿಯನು ಇಟ್ಟಂಥ ಮಾಕಾಲನ!

. ಅದಾವ ಗೊಡವೆಯೂ ಇರದೆ ಆಡುತ್ತಲಿದೆ ಕೈಯಿ ತನ್ನದೇ ಪರಿವೆಯಲ್ಲಿ

. ಎದ್ದು ಹೊರಟಾಗ ಬಿಟ್ಟು ಕೊಣವೆ ಮಣೆ ಕಾವಲಿ ಆಗಸದಲೊಂದು ರೊಟ್ಟಿ ಬೆಳಗಿ ಆ ತಾಯಿಗಾಗಿ

. ಅದಕೆಂತಲೇ ಈ ಬಡಿತ ಡಮರುವಿನ ಮೂಲ ಮಿಡಿತ

. ಐಹೊಳೆಯ ಜೋಡಿಶಿಲ್ಪಗಳು ಉಳಿ ಚಾಣ ಮತ್ತೊಂದ ಬಳಸಿ ಕಟೆದಿದ್ದಲ್ಲ; ಗಾಳಿಘಟ್ಟಿಯ ಮಾಡಿ ಇಳಿಸಿಟ್ಟರೋ ಮುದ ತುಂಬಿ ಮಿಡಿಯುತ್ತ ನಿಂತೆವು

. ನಿರಾಕಾರ ನಿರಾಬಂಧದಲ್ಲಿದ್ದವರಿಗೆ ಆಕೃತಿಯ ಆನಂದ ಸಿಕ್ಕಂತೆ

. ಬೇಕಿತ್ತು ನಮಗೂ ಮಾತು, ಸ್ಪರ್ಶ ಮಾತು ಬಂದ ಮಕ್ಕಳಂತೆ ಉಲಿದಾಡಿ ನವುರಾಗಿ ಮುಟ್ಟುತ್ತ ಪುಲಕಿತರಾಗಿ;

. ಹುಡುಕುತ್ತಲೇ ಇತ್ತು ಗಾಳಿ ಕರೆಯುತ್ತ ಸೆಳೆಯುತ್ತಲೇ ಇತ್ತು ಬಾನು ತೊರೆದ ಮಕ್ಕಳನು ಈ ಜೀವ ಸಂಭ್ರಮಿತ ದೇವರುಗಳನ್ನು

. ಬಂದೆವೋ ಬಂದುಬಿಟ್ಟೆವು ಎನ್ನುತ್ತಲೇ ಉಳಿದೆವು ಕಾಲನ ಕಲ್ಲೇಟು ಸುತ್ತಿಗೆಯೇಟು ಒಂದೊಂದಕೂ ಉಕ್ಕಿ ಸಂತಸದ ಬಿತ್ತಗಳ ಒಕ್ಕಿ

. ಕೆತ್ತಿ ಹೋದರೂ ದಿವ್ಯ ಮುಖ ಕಣ್ಣು ಮುರಿದುಬಿದ್ದರೂ ಬಿನ್ನಾಣ ಕಾಲು ಊನವಾಗದೆ ಪ್ರಾಣ ಹಿಗ್ಗುತ್ತ

. ಗರ್ಭಗುಡಿ ಲಿಂಗ ಕೈಲಾಸಕ್ಕೆ ಮಿಂಚಿ ಹಾರಿದ ಗಳಿಗೆ ಒಮ್ಮೆ ಅವಾಕ್ಕಾಗಿ ಮತ್ತೆ ನುಡಿ ಹೂಗಳ ಸುರಿಸುತ್ತಲಿರುವ ಗಿಡಗಳಾಗಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವಿತೆ

ಚಿನಕುರುಳಿ | ಶುಕ್ರವಾರ, 05 ಡಿಸೆಂಬರ್‌ ‌2025

ಬಿಗ್‌ಬಾಸ್ ವಿಜೇತ ಸೂರಜ್ ಚವಾಣ್ ಅದ್ಧೂರಿ ವಿವಾಹ; ಚಿತ್ರಗಳು ಇಲ್ಲಿವೆ

ಚುರುಮುರಿ: ಕೋಳಿ ರಾಜಕೀಯ!

ಕೆಂಗೇರಿ ಮೆಟ್ರೊ ನಿಲ್ದಾಣದಲ್ಲಿ ರೈಲಿನಡಿಗೆ ಹಾರಿ ಯುವಕ ಆತ್ಮಹತ್ಯೆ

ಏಷ್ಯನ್ ಗೇಮ್ಸ್: ಯಾದವ್ ಚೆಫ್ ಡಿ ಮಿಷನ್

ದ.ಆಫ್ರಿಕಾ ವಿರುದ್ಧ ಅಂತಿಮ ಏಕದಿನ ಪಂದ್ಯ ಇಂದು: ಸರಣಿ ಜಯದತ್ತ ಭಾರತ ತಂಡ ಚಿತ್ತ

ಐಸಿಸಿ ತಿಂಗಳ ಆಟಗಾರ್ತಿ ರೇಸ್‌ನಲ್ಲಿ ಶಫಾಲಿ ವರ್ಮಾ

ಟಿ–20 ಕ್ರಿಕೆಟ್‌ | 600 ವಿಕೆಟ್‌: ಸುನಿಲ್ ನಾರಾಯಣ್ ಮೈಲಿಗಲ್ಲು

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಒಳನೋಟ: ಕಮರಿತೆ 'ಉತ್ಕೃಷ್ಟ' ಶಿಕ್ಷಣದ ಕನಸು?

ಒಳನೋಟ | Bengaluru Tunnel Road: ಸುರಂಗ; ವಿ–ವಾದ ತರಂಗ

ಚಿನಕುರುಳಿ | ಶುಕ್ರವಾರ, 05 ಡಿಸೆಂಬರ್‌ ‌2025

ಬಿಗ್‌ಬಾಸ್ ವಿಜೇತ ಸೂರಜ್ ಚವಾಣ್ ಅದ್ಧೂರಿ ವಿವಾಹ; ಚಿತ್ರಗಳು ಇಲ್ಲಿವೆ

ಚುರುಮುರಿ: ಕೋಳಿ ರಾಜಕೀಯ!

ಕೆಂಗೇರಿ ಮೆಟ್ರೊ ನಿಲ್ದಾಣದಲ್ಲಿ ರೈಲಿನಡಿಗೆ ಹಾರಿ ಯುವಕ ಆತ್ಮಹತ್ಯೆ