19ನೇ ಶತಮಾನದದಲ್ಲಿ ಅಬ್ರಹಾಂ ಲಿಂಕನ್ರು ಕೊಟ್ಟಿದ್ದ ಪ್ರಜಾಪ್ರಭುತ್ವದ ವ್ಯಾಖ್ಯೆ ಬಹಳಷ್ಟು ಬದಲಾಗಿದೆ.
‘ರಾಜಕಾರಣಿಗಳಿಂದ, ರಾಜಕಾರಣಿಗಳಿಗಾಗಿ ನಡೆಯುವ ಪ್ರಭುತ್ವ’ ಎಂದಾಗಿ, ಕಾಲಾಂತರದಲ್ಲಿ ‘ಅಪರಾಧಿಗಳಿಂದ ಅಪರಾಧಿಗಳಿಗಾಗಿ ನಡೆಯುವ ಪ್ರಭುತ್ವ’ ಎಂದು ಬದಲಾಗಿ ಇದೀಗ ‘ಕುಟುಂಬದವರಿಂದ ಕುಟುಂಬದವರಿಗಾಗಿ ನಡೆಯುವ ಪ್ರಭುತ್ವ’ ಎಂದು ಮಾರ್ಪಾಡಾಗಿ ‘ಡೆಮಾಕ್ರಸಿ’ ಎಂಬುದು ‘ಹಿಪಾಕ್ರಸಿ’ ಎಂಬಂತಾಗಿದೆ.
ಪಾರ್ಲಿಮೆಂಟು, ಅಸೆಂಬ್ಲಿ, ನಗರಪಾಲಿಕೆ, ಪಂಚಾಯಿತಿ ಚುನಾವಣೆಗಳಲ್ಲಿ ಗಂಡ, ಹೆಂಡತಿ, ಮಗ, ಮಗಳು, ಅಳಿಯ, ಅಪ್ಪ, ಚಿಕ್ಕಪ್ಪ ಇವರೇ ಅಭ್ಯರ್ಥಿಗಳು! ನಮಗೆ ‘ಲಾ’ (ಕಾನೂನು) ಮುಖ್ಯವಲ್ಲ. ‘ಇನ್ಲಾ’ಗಳು (ಸಂಬಂಧಿಗಳು) ಮುಖ್ಯ! ಪ್ರಜಾತಂತ್ರ ಎಂದರೆ ಕುತಂತ್ರ!