ಶುಕ್ರವಾರ ಅಲ್‌–ಸವಾಬರ್‌ ಜಿಲ್ಲೆಯ ಮಸೀದಿಯಲ್ಲಿ ನೂರಾರು ಮಂದಿ ಷಿಯಾ ಮುಸ್ಲಿಮರು ಪ್ರಾರ್ಥನೆಯಲ್ಲಿ ತೊಡಗಿದ್ದ ವೇಳೆ ಆತ್ಮಾಹುತಿ ದಾಳಿಕೋರ ತನ್ನನ್ನು ತಾನು ಸ್ಫೋಟಿಸಿಕೊಂಡ ಪರಿಣಾಮ 25 ಮಂದಿ ಮೃತಪಟ್ಟು 222ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದರು.
ಕುವೈತ್ ನಗರದ ಅಲ್‌–ಇಮಾಮ್‌–ಸಾದಿಕ್‌ ಮಸೀದಿಯಲ್ಲಿ ನಡೆದ ಈ ದಾಳಿಗೆ ತಾವೇ ಹೊಣೆ ಎಂದು ಐ.ಎಸ್‌ ಉಗ್ರರು ಹೇಳಿಕೊಂಡಿದ್ದರು. ಇದಕ್ಕೆ ಸಬಂಧಿಸಿದಂತೆ 18 ಮಂದಿಯನ್ನು ಬಂಧಿಸಲಾಗಿದೆ. ಶನಿವಾರ ಶೋಕ ದಿನವಾಗಿ ಘೋಷಿಸಲಾಗಿದೆ ಎಂದು ಕುವೈತ್ ಟೈಮ್ಸ್‌ ವರದಿ ಮಾಡಿದೆ.
‘ಉಗ್ರರ ದಾಳಿಯಿಂದ ಯಾವುದೇ ದೇಶ ವಿನಾಯ್ತಿ ಪಡೆದಿಲ್ಲ ಎನ್ನುವುದಕ್ಕೆ ಈ ದಾಳಿ ಉದಾಹರಣೆ’ ಎಂದು ಕುವೈತ್‌ನ ಮಾಜಿ ಮಾಹಿತಿ ತಂತ್ರಜ್ಞಾನ ಸಚಿವ ಸಾದ್‌ ಅಲ್‌ ಅಜ್ಮಿ ಹೇಳಿದ್ದಾರೆ.
