ಕ್ಷಯರೋಗಿ ಮೇಲೆ ಅತ್ಯಾಚಾರ

ಲಖನೌ:  ಸರ್ಕಾರಿ ಆಸ್ಪತ್ರೆಗೆ ದಾಖ­ಲಾಗಿದ್ದ ಕ್ಷಯರೋಗಿಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆದ ಘಟನೆ  ಉತ್ತರಪ್ರದೇಶ ಮೀರಠ್‌ನಲ್ಲಿ ನಡೆದಿದೆ.

‘ಕೆಲ ದಿನಗಳ ಹಿಂದೆ ನಾನು ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದೆ. ಶನಿವಾರ ನಸುಕಿನಲ್ಲಿ ನನ್ನ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆದಿದೆ’ ಎಂದು ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದಾರೆ.

‘ನನ್ನೊಂದಿಗೆ ವಾರ್ಡ್‌ನಲ್ಲಿ ಇನ್ನಿಬ್ಬರು ರೋಗಿಗಳು ಕೂಡ ಇದ್ದರು. ಘಟನೆ ನಡೆದಾಗ ಅವರು ನಿದ್ದೆ ಮಾಡುತ್ತಿದ್ದರು. ವಾರ್ಡ್‌ಗೆ ನುಗ್ಗಿದ ದುರುಳರು ನನ್ನನ್ನು ಮೊಗಸಾಲೆಗೆ ಎಳೆದುಕೊಂಡು ಬಂದು ಅತ್ಯಾಚಾರ ಎಸಗಿದರು. ಈ ವಿಷಯವನ್ನು ನಾನು ದಾದಿಯರಿಗೆ ತಿಳಿಸಿದೆ. ಆದರೆ ಅವರು ಏನೂ ಮಾತನಾಡದೇ ಸುಮ್ಮನಿದ್ದರು’ ಎಂದೂ ಅವರು ದೂರಿನಲ್ಲಿ ತಿಳಿಸಿದ್ದಾರೆ.