ಟೆಂಡರ್‌: ಹೊಸ ಷರತ್ತು ವಿಧಿಸಲು ನಿರ್ಧಾರ

ಸಂಪುಟದ ಇತರ ನಿರ್ಧಾರಗಳು
* ರಾಜ್ಯಪಾಲರ ಜಂಟಿ ಕಾರ್ಯದರ್ಶಿಯಾಗಿ ಅಹಮದಾಬಾದ್‌ನ ಆರ್‌.ಬಿ.ಸಾಗರ್‌ ಕಾಲೇಜ್‌ ಆಫ್‌ ಎಜುಕೇಷನ್‌ನ ಸಹಾಯಕ ಪ್ರಾಧ್ಯಾಪಕ ಡಾ.ಅಜಿತ್‌ಸಿನ್‌ ಪಿ.ರಾಣಾ ಗುತ್ತಿಗೆ ಆಧಾರದಲ್ಲಿ ನೇಮಕ

* ರಾಜ್ಯದ 12 ಸಿ ಗುಂಪಿನ  ಗಣಿಗುತ್ತಿಗೆಗಳಲ್ಲಿ 3ನೇ ಹಂತದ ಅದಿರು ನಿಕ್ಷೇಪ ಅಂದಾಜಿಸುವ ಕಾರ್ಯವನ್ನು ಎಂಇಸಿಎಲ್ ಸಂಸ್ಥೆಗೆ ( ₹ 42.90 ಕೋಟಿ) ವಹಿಸಲು ತೀರ್ಮಾನ.

* ರಾಷ್ಟ್ರೀಯ ಮತ್ತು ಜಾಗತಿಕ ಮಟ್ಟದಲ್ಲಿ ಬಂಡವಾಳ ಆಕರ್ಷಿಸಲು ಇನ್ವೆಸ್ಟ್‌ ಕರ್ನಾಟಕ ಕಂಪೆನಿ ಸ್ಥಾಪನೆಗೆ  ₹ 10 ಕೋಟಿ ಅನುದಾನ ನೀಡಲು ಸಮ್ಮತಿ. ಬೃಹತ್‌ ಕೈಗಾರಿಕಾ ಸಚಿವರು ಅಧ್ಯಕ್ಷರಾಗಿರುವ ಈ ಕಂಪೆನಿಯಲ್ಲಿ ಕೈಗಾರಿಕೋದ್ಯಮಿಗಳೂ ಸೇರಿದಂತೆ 9 ಸದಸ್ಯರು ಇರಲಿದ್ದಾರೆ.

* ವಿಧಾನ ಪರಿಷತ್ತಿನ ಸದಸ್ಯ ಲೆಹರ್‌ ಸಿಂಗ್‌ ಅವರ ಅವಧಿ ಈ ತಿಂಗಳು  ಪೂರ್ಣಗೊಳ್ಳಲಿದೆ. ಅವರ ಬದಲು ಇನ್ನೊಬ್ಬ ಸದಸ್ಯರನ್ನು ನಾಮನಿರ್ದೇಶನ ಮಾಡುವ ಬಗ್ಗೆ ತೀರ್ಮಾನ ಕೈಗೊಳ್ಳಲು ಮುಖ್ಯಮಂತ್ರಿಗೆ ಅಧಿಕಾರ

* ಬಿಬಿಎಂಪಿಯ ಆರ್ಥಿಕ ಅಧಿಕಾರ  ವ್ಯಾಪ್ತಿ ಮೀರಿದ ಎಲ್ಲ ಕಾಮಗಾರಿಗಳ ಅಂದಾಜುಪಟ್ಟಿಗಳಿಗೆ ಆಡಳಿತಾತ್ಮಕ ಹಾಗೂ ಟೆಂಡರ್‌ ಅನುಮೋದನೆ ನೀಡಲು  ಮುಖ್ಯ ಕಾರ್ಯದರ್ಶಿ ಅಧ್ಯಕ್ಷತೆಯಲ್ಲಿ ಸಮಿತಿ ರಚನೆ.

* ಬೆಂಗಳೂರು– ಮೈಸೂರು ರೈಲ್ವೆ ಮಾರ್ಗದಲ್ಲಿ ನಾಯಂಡಹಳ್ಳಿ ರೈಲ್ವೆ ನಿಲ್ದಾಣಗಳ ನಡುವೆ ರೈಲ್ವೆ ಕೆಳ ಸೇತುವೆ ಕಾಮಗಾರಿಗೆ ₹ 14.93 ಕೋಟಿ

* ಬೆಂಗಳೂರು ನಗರದ ಸಂಸ್ಕರಿಸಿದ ಕೊಳಚೆ ನೀರನ್ನು ಆನೆಕಲ್‌ ತಾಲ್ಲೂಕಿನ ಮುತ್ತಸಂದ್ರ ಬಳಿ ದಕ್ಷಿಣ ಪಿನಾಕಿನಿ ನದಿಯಿಂದ 60 ಕೆರೆಗಳಿಗೆ ಹಾಗೂ ಕನಕಪುರ ತಾಲ್ಲೂಕಿನ ರಾವತನಹಳ್ಳ, ಮಾವತ್ತೂರು ಕೆರೆಗಳಿಗೆ ತುಂಬಿಸುವ ಯೋಜನೆಗೆ ₹ 240 ಕೋಟಿ

* ಮಲಪ್ರಭಾ ನದಿಗೆ ಅಡ್ಡಲಾಗಿ ಕೂಡಲ ಸಂಗಮ–ಅಡವಿಹಾಳ ಸೇತುವೆಗೆ ₹ 59.80 ಕೋಟಿ

* ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ ರಾಜ್‌ ಇಲಾಖೆಯಲ್ಲಿ ಕೇಂದ್ರದಿಂದ ಬಿಡುಗೆಯಾದ ₹ 495 .88 ಕೋಟಿ ಹಣವನ್ನು ಚಾಲ್ತಿಯಲ್ಲಿರುವ ಕುಡಿಯುವ ನೀರು ಪೂರೈಕೆ ಯೋಜನೆಗಳಿಗೆ ಬಳಸಲು ಅನುಮೋದನೆ.