<p>ಹೆಣ್ಣಿಗೆ ತಿಂಗಳಚಕ್ರ ಒಂದು ಸ್ವಾಭಾವಿಕ ಕ್ರಿಯೆ. ಹಿಂದೆ ಈ ಬಗ್ಗೆ ವಯಸ್ಸಿಗೆ ಬಂದ ಮಗಳಿಗೆ ತಿಳಿ ಹೇಳುವುದು ಹೇಗೆ ಎಂಬುದು ಎಲ್ಲಾ ತಾಯಂದಿರ ಸಂಕೋಚ ಹಾಗೂ ಕಳವಳವೂ ಆಗಿತ್ತು. ಆದರೀಗ ಆ ಸಮಸ್ಯೆಯಿಲ್ಲ, ಇಂದು ಶಾಲಾ–ಕಾಲೇಜಿಗಳಲ್ಲಿ ಈ ಬಗ್ಗೆ ತಿಳಿವಳಿಕೆ ನೀಡಲಾಗುತ್ತದೆ.<br /> <br /> ಅಲ್ಲದೇ, ಇಂತಹ ಉತ್ಪನ್ನಗಳ ಜಾಹೀರಾತುಗಳೂ ಸಹ ಸಾಕಷ್ಟು ಪ್ರಚಾರಕ್ಕಿಳಿದಿವೆ. ಇವು ಎಲ್ಲೊ ಒಂದು ಕಡೆ ಮುಜುಗರವನ್ನುಂಟು ಮಾಡಿದರೂ, ನಮ್ಮ ಜವಾಬ್ದಾರಿಯನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಿವೆ ಎಂಬುದನ್ನೂ ಒಪ್ಪಲೇಬೇಕು. ಅಂತೆಯೇ ಈಗ ಋತುಚಕ್ರ ಕುರಿತ ಸಂಕೋಚ ಹಿಂದಿನಷ್ಟಿಲ್ಲ.<br /> <br /> ಆದರೆ ನಾವೀಗ ಸ್ವಲ್ಪ ಮುಂದೆ ಹೋಗಿ ಆ ಸಮಯದಲ್ಲಿ ಕಾಪಾಡಿಕೊಳ್ಳಬೇಕಾದ ವೈಯುಕ್ತಿಕ ಸ್ವಚ್ಛತೆ, ನೈರ್ಮಲ್ಯ, ನ್ಯಾಪ್ ಕೀನ್ ಬಳಕೆ ಮತ್ತು ವಿಲೇವಾರಿ ಬಗ್ಗೆ ಗಮನಹರಿಸಬೇಕಿದೆ.<br /> <br /> ಹಿಂದೆ ಮಹಿಳೆಯರು ಈ ಸಂದರ್ಭಕ್ಕಾಗಿ ಹಳೆಯ ಹತ್ತಿಯ ಸೀರೆಯ ತುಂಡುಗಳನ್ನು ಉಪಯೋಗಿಸುತ್ತಿದ್ದರು. ಅವುಗಳನ್ನು ಒಗೆಯುವುದು ಒಣಗಿಸುವುದು ರೇಜಿಗೆಯ ಕೆಲಸವಾಗಿತ್ತು. ಈ ನಿಟ್ಟಿನಿಂದ ನೋಡಿದಾಗ ಅತ್ಯಾಧುನಿಕ ತಂತ್ರಜ್ಞಾನ ಬಳಸಿ ಸಿದ್ಧಪಡಿಸಿದ ಸ್ಯಾನಿಟರಿ ಪ್ಯಾಡುಗಳು ಹೆಣ್ಣಿಗೆ ಒಂದರ್ಥದಲ್ಲಿ ಮುಕ್ತಿ ನೀಡಿವೆ ಎಂದು ಹೇಳಬಹುದು.<br /> <br /> ಅಗತ್ಯಕ್ಕೆ ತಕ್ಕ ಅಳತೆಯ ಪ್ಯಾಡ್ ಸ್ಯಾನಿಟರಿ ಪ್ಯಾಡುಗಳ ಕುರಿತು ವಾಣಿಜ್ಯ ಪ್ರಕಟಣೆ ೧೯00ರ ವೇಳೆಗೆ ಮೊದಲ ಬಾರಿಗೆ ಪ್ರಕಟವಾಗಿತ್ತು. ಅಂದು ಕೊಡ ವಿವಿಧ ಅಳತೆಗಳಲ್ಲಿ ಪ್ಯಾಡುಗಳು ಲಭ್ಯವಾಗುತ್ತಿದ್ದ ಬಗ್ಗೆ ದಾಖಲೆಗಳಿವೆ. ವರ್ಷಗಳು ಉರುಳಿದಂತೆ ಈ ಪ್ಯಾಡುಗಳಲ್ಲಿ ಬದಲಾವಣೆಗಳೂ ಆಗಿವೆ. ಬೇಕಾದ ಅಳತೆಯಲ್ಲಿ, ವಿನ್ಯಾಸದಲ್ಲಿ, ಬೆಲೆಯಲ್ಲಿ ಈಗ ಅವು ಲಭ್ಯ. ಶಾಲಾ–ಕಾಲೇಜಿಗೆ ಹೋಗುವ ಮಕ್ಕಳಿಗೆ, ದುಡಿಯುವ ಮಹಿಳೆಯರಿಗೆ, ಸ್ಥೂಲಕಾಯಿಗಳಿಗೆ, ಅತಿಯಾಗಿ ಬ್ಲೀಡಿಂಗ್ ಆಗುವವರಿಗೆ.... ಹೀಗೆ ವಿವಿಧ ಅಗತ್ಯಕ್ಕೆ ತಕ್ಕಂತೆ ಪ್ಯಾಡುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.<br /> <br /> <strong>ರಾಸಾಯನಿಕಗಳ ಪರಿಣಾಮ...</strong><br /> ಸ್ಯಾನಿಟರಿ ಪ್ಯಾಡುಗಳ ತಯಾರಿಕೆಗೆ ವುಡ್ ಪಲ್ಪ್ ಬಳಸಲಾಗುತ್ತದೆ. ಅದರ ಬಿಳಿಯ ಬಣ್ಣಕ್ಕಾಗಿ ಹತ್ತಿಯನ್ನು ತೀಕ್ಣವಾಗಿ ಕ್ಲೋರಿನ್ನಿಂದ ಬ್ಲೀಚ್ ಮಾಡಲಾಗುತ್ತದೆ. "ಡ್ರೈ ಫೀಲ್" ಪೆಟ್ರೋಲಿಯಂ ಆಧಾರಿತ ಪಾಲಿ ಅಕ್ರೇಲಿಕ್ ಬಳಕೆಯಾಗುತ್ತದೆ. ಇಂತಹ ರಾಸಾಯನಿಕಗಳನ್ನು ಬಳಸಿ ಮಾಡುವ ಈ ಸ್ಯಾನಿಟರಿ ಪ್ಯಾಡುಗಳ ಸಂಪರ್ಕಕ್ಕೆ ಬಂದಾಗ ಸೂಕ್ಷ್ಮ ಅಂಗದ ಮೇಲೆ ಉಂಟಾಗಬಹುದಾದ ಪರಿಣಾಮಗಳನ್ನೂ ನಾವಿಲ್ಲಿ ತಳ್ಳಿಹಾಕುವಂತಿಲ್ಲ.<br /> <br /> ಅಧ್ಯಯನವೊಂದರ ಪ್ರಕಾರ ಒಬ್ಬ ಮಹಿಳೆ ತನ್ನ ಜೀವಿತಕಾಲದಲ್ಲಿ ಸರಿ ಸುಮಾರು ೧೬-ರಿಂದ೧೭ ಸಾವಿರ ಸ್ಯಾನಿಟರಿ ಪ್ಯಾಡುಗಳನ್ನು ಬಳಸಬಹುದಾಗಿದೆ. ಈ ಅವಧಿಯಲ್ಲಿ ರಾಸಾಯನಿಕಗಳ ಸಂಪರ್ಕದಿಂದಾಗಿ ನವೆ, ತುರಿಕೆ, ಹಾರ್ಮೋನ್ಗಳ ಏರುಪೇರು ಮುಂತಾದ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು.<br /> <br /> ಹಾಗಾದರೆ ಮಾರುಕಟ್ಟೆಯಲ್ಲಿ ಲಭ್ಯವಾಗುವ ಪ್ಯಾಡ್ಗಳನ್ನು ಬಳಸಬಾರದೇ? ಎಂಬ ಪ್ರಶ್ನೆಗೆ ಪರಿಹಾರ ನೈರ್ಮಲ್ಯದಲ್ಲಿದೆ ಎಂದೇ ಹೇಳಬಹುದು. ನವೆ ಉಂಟಾಗುವವರೆಗೂ ಕಾಯದೇ, ನಿಯಮಿತವಾಗಿ ಪ್ಯಾಡ್ಗಳನ್ನು ಬದಲಿಸಬೇಕು (ಸರಿಸುಮಾರು ೪ ಗಂಟೆಗಳಿಗೊಮ್ಮೆ), ತಪ್ಪದೇ ಸ್ನಾನ ಮಾಡಬೇಕು, ಸಾಕಷ್ಟು ನೀರು ಕುಡಿಯಬೇಕು. ಸರಿಯಾಗಿ ಊಟ ಮಾಡಬೇಕು. ಅಲ್ಲದೇ, ಇದೀಗ ಮಾರುಕಟ್ಟೆಯಲ್ಲಿ ಆರ್ಗ್ಯಾನಿಕ್ ಪ್ಯಾಡ್ಗಳು ಲಭ್ಯವಿದ್ದು, ಅವುಗಳ ಬಳಕೆ ಉತ್ತಮ ಎಂದು ನಂಬಲಾಗಿದೆ. ರಾಸಾಯನಿಕ ಬಳಕೆಯಿಂದ ಉಂಟಾಗುವ ಕಿರಿಕಿರಿಯನ್ನು ಇದರಿಂದ ತಪ್ಪಿಸಿಕೊಳ್ಳಬಹುದು.<br /> <br /> <strong>ವಿಲೇವಾರಿ ಕಡೆಗಣನೆ ಬೇಡ</strong><br /> ಉಪಯೋಗಿಸಿದ ಪ್ಯಾಡ್ಗಳ ವಿಲೇವಾರಿಯೂ ಅಷ್ಟೇ ಮುಖ್ಯ ಎನ್ನುವುದನ್ನು ಮರೆಯುವಂತಿಲ್ಲ. ಉಪಯೋಗಿಸಿದ ಪ್ಯಾಡುಗಳನ್ನು ತೊಳೆದು ಪೇಪರಿನಲ್ಲಿ ಸುತ್ತಿ "ವೈದ್ಯಕೀಯ ವೆಟ್"ಗಳನ್ನು ವಿಸರ್ಜಿಸುಂತೆ ಮಾಡಬೇಕು. ಅಂದರೆ ತ್ಯಾಜ್ಯ ಸಂಗ್ರಹಕನಿಗೆ ಈ ತ್ಯಾಜ್ಯವನ್ನು ಬೇರೆಯಾಗಿ ನೀಡುವುದಲ್ಲದೇ ಕವರಿನ ಮೇಲೆ ದಪ್ಪವಾಗಿ x ಚಿನ್ಹೆಯನ್ನು ಬರೆದು ನಂತರ ವಿಲೇವಾರಿ ಮಾಡಬೇಕು.<br /> <br /> ಸರಿಯಾದ ರೀತಿಯಲ್ಲಿ ಕಸದ ವಿಂಗಡಣೆಯಾಗದಿದ್ದರೆ ಹಾದಿಬದಿ ಕಸ ಮೇಯುವ ಹಸುವಿನ ಹೊಟ್ಟೆಗೂ ಇವು ಸೇರಬಹುದು.<br /> ಹಿಂದೆ ಪ್ಯಾಡುಗಳ ಖರೀದಿಗೆ ಸಂಕೇತವನ್ನು ಬಳಸುತ್ತಿದ್ದರು. ಅಂಗಡಿಗಳಲ್ಲಿ ಅದಕ್ಕೆಂದೇ ವಿಶೇಷ ಡಬ್ಬವಿರಿಸುತ್ತಿದ್ದರಂತೆ, ಯಾರಿಗೆ ಬೇಕೋ ಅವರು ಅ ಡಬ್ಬಿಯ ಮೇಲೆ ಹಣವಿರಿಸಿದರೆ ಅವರ ಅಗತ್ಯಕ್ಕೆ ತಕ್ಕ ಪ್ಯಾಡ್ ಅವರ ಕೈ ಸೇರುತಿತ್ತಂತೆ.<br /> <br /> ಇಂದು ಅಂಗಡಿಗೆ ಹೋಗಿ ನಮಗೆ ಬೇಕಾದ ಕಂಪೆನಿಯ ಹೆಸರನ್ನೂ, ಹೇಳುತ್ತೇವೆ. ಅಂಗಡಿಯಾತ ಅದನ್ನು ಕರಿಯ ಪ್ಲಾಸ್ಟಿಕ್ ಕವರಿನಲ್ಲಿ ಮುಚಿಟ್ಟು ಕೊಡುತ್ತಾನೆ.. ನಾವದನ್ನು ಮನೆಯಲ್ಲಿ ಬಟ್ಟೆಗಳ ಸಂದಿನಲ್ಲಿ ಮುಚ್ಚಿಡುತ್ತೇವೆ, ಇಷ್ಟಕ್ಕೂ ಋತುಚಕ್ರ ನೈಸರ್ಗಿಕ ಕ್ರಿಯೆ. ಬಳಕೆಯಂತೆಯೇ ವಿಲೇವಾರಿಯೂ ವೈಜ್ಞಾನಿಕ ರೀತಿಯಲ್ಲಾದರೆ ಒಳಿತು ಅಲ್ಲವೆ. ಆ ನಿಟ್ಟಿನಲ್ಲಿ ಹಿಂಜರಿಯುವುದೇಕೆ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹೆಣ್ಣಿಗೆ ತಿಂಗಳಚಕ್ರ ಒಂದು ಸ್ವಾಭಾವಿಕ ಕ್ರಿಯೆ. ಹಿಂದೆ ಈ ಬಗ್ಗೆ ವಯಸ್ಸಿಗೆ ಬಂದ ಮಗಳಿಗೆ ತಿಳಿ ಹೇಳುವುದು ಹೇಗೆ ಎಂಬುದು ಎಲ್ಲಾ ತಾಯಂದಿರ ಸಂಕೋಚ ಹಾಗೂ ಕಳವಳವೂ ಆಗಿತ್ತು. ಆದರೀಗ ಆ ಸಮಸ್ಯೆಯಿಲ್ಲ, ಇಂದು ಶಾಲಾ–ಕಾಲೇಜಿಗಳಲ್ಲಿ ಈ ಬಗ್ಗೆ ತಿಳಿವಳಿಕೆ ನೀಡಲಾಗುತ್ತದೆ.<br /> <br /> ಅಲ್ಲದೇ, ಇಂತಹ ಉತ್ಪನ್ನಗಳ ಜಾಹೀರಾತುಗಳೂ ಸಹ ಸಾಕಷ್ಟು ಪ್ರಚಾರಕ್ಕಿಳಿದಿವೆ. ಇವು ಎಲ್ಲೊ ಒಂದು ಕಡೆ ಮುಜುಗರವನ್ನುಂಟು ಮಾಡಿದರೂ, ನಮ್ಮ ಜವಾಬ್ದಾರಿಯನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಿವೆ ಎಂಬುದನ್ನೂ ಒಪ್ಪಲೇಬೇಕು. ಅಂತೆಯೇ ಈಗ ಋತುಚಕ್ರ ಕುರಿತ ಸಂಕೋಚ ಹಿಂದಿನಷ್ಟಿಲ್ಲ.<br /> <br /> ಆದರೆ ನಾವೀಗ ಸ್ವಲ್ಪ ಮುಂದೆ ಹೋಗಿ ಆ ಸಮಯದಲ್ಲಿ ಕಾಪಾಡಿಕೊಳ್ಳಬೇಕಾದ ವೈಯುಕ್ತಿಕ ಸ್ವಚ್ಛತೆ, ನೈರ್ಮಲ್ಯ, ನ್ಯಾಪ್ ಕೀನ್ ಬಳಕೆ ಮತ್ತು ವಿಲೇವಾರಿ ಬಗ್ಗೆ ಗಮನಹರಿಸಬೇಕಿದೆ.<br /> <br /> ಹಿಂದೆ ಮಹಿಳೆಯರು ಈ ಸಂದರ್ಭಕ್ಕಾಗಿ ಹಳೆಯ ಹತ್ತಿಯ ಸೀರೆಯ ತುಂಡುಗಳನ್ನು ಉಪಯೋಗಿಸುತ್ತಿದ್ದರು. ಅವುಗಳನ್ನು ಒಗೆಯುವುದು ಒಣಗಿಸುವುದು ರೇಜಿಗೆಯ ಕೆಲಸವಾಗಿತ್ತು. ಈ ನಿಟ್ಟಿನಿಂದ ನೋಡಿದಾಗ ಅತ್ಯಾಧುನಿಕ ತಂತ್ರಜ್ಞಾನ ಬಳಸಿ ಸಿದ್ಧಪಡಿಸಿದ ಸ್ಯಾನಿಟರಿ ಪ್ಯಾಡುಗಳು ಹೆಣ್ಣಿಗೆ ಒಂದರ್ಥದಲ್ಲಿ ಮುಕ್ತಿ ನೀಡಿವೆ ಎಂದು ಹೇಳಬಹುದು.<br /> <br /> ಅಗತ್ಯಕ್ಕೆ ತಕ್ಕ ಅಳತೆಯ ಪ್ಯಾಡ್ ಸ್ಯಾನಿಟರಿ ಪ್ಯಾಡುಗಳ ಕುರಿತು ವಾಣಿಜ್ಯ ಪ್ರಕಟಣೆ ೧೯00ರ ವೇಳೆಗೆ ಮೊದಲ ಬಾರಿಗೆ ಪ್ರಕಟವಾಗಿತ್ತು. ಅಂದು ಕೊಡ ವಿವಿಧ ಅಳತೆಗಳಲ್ಲಿ ಪ್ಯಾಡುಗಳು ಲಭ್ಯವಾಗುತ್ತಿದ್ದ ಬಗ್ಗೆ ದಾಖಲೆಗಳಿವೆ. ವರ್ಷಗಳು ಉರುಳಿದಂತೆ ಈ ಪ್ಯಾಡುಗಳಲ್ಲಿ ಬದಲಾವಣೆಗಳೂ ಆಗಿವೆ. ಬೇಕಾದ ಅಳತೆಯಲ್ಲಿ, ವಿನ್ಯಾಸದಲ್ಲಿ, ಬೆಲೆಯಲ್ಲಿ ಈಗ ಅವು ಲಭ್ಯ. ಶಾಲಾ–ಕಾಲೇಜಿಗೆ ಹೋಗುವ ಮಕ್ಕಳಿಗೆ, ದುಡಿಯುವ ಮಹಿಳೆಯರಿಗೆ, ಸ್ಥೂಲಕಾಯಿಗಳಿಗೆ, ಅತಿಯಾಗಿ ಬ್ಲೀಡಿಂಗ್ ಆಗುವವರಿಗೆ.... ಹೀಗೆ ವಿವಿಧ ಅಗತ್ಯಕ್ಕೆ ತಕ್ಕಂತೆ ಪ್ಯಾಡುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.<br /> <br /> <strong>ರಾಸಾಯನಿಕಗಳ ಪರಿಣಾಮ...</strong><br /> ಸ್ಯಾನಿಟರಿ ಪ್ಯಾಡುಗಳ ತಯಾರಿಕೆಗೆ ವುಡ್ ಪಲ್ಪ್ ಬಳಸಲಾಗುತ್ತದೆ. ಅದರ ಬಿಳಿಯ ಬಣ್ಣಕ್ಕಾಗಿ ಹತ್ತಿಯನ್ನು ತೀಕ್ಣವಾಗಿ ಕ್ಲೋರಿನ್ನಿಂದ ಬ್ಲೀಚ್ ಮಾಡಲಾಗುತ್ತದೆ. "ಡ್ರೈ ಫೀಲ್" ಪೆಟ್ರೋಲಿಯಂ ಆಧಾರಿತ ಪಾಲಿ ಅಕ್ರೇಲಿಕ್ ಬಳಕೆಯಾಗುತ್ತದೆ. ಇಂತಹ ರಾಸಾಯನಿಕಗಳನ್ನು ಬಳಸಿ ಮಾಡುವ ಈ ಸ್ಯಾನಿಟರಿ ಪ್ಯಾಡುಗಳ ಸಂಪರ್ಕಕ್ಕೆ ಬಂದಾಗ ಸೂಕ್ಷ್ಮ ಅಂಗದ ಮೇಲೆ ಉಂಟಾಗಬಹುದಾದ ಪರಿಣಾಮಗಳನ್ನೂ ನಾವಿಲ್ಲಿ ತಳ್ಳಿಹಾಕುವಂತಿಲ್ಲ.<br /> <br /> ಅಧ್ಯಯನವೊಂದರ ಪ್ರಕಾರ ಒಬ್ಬ ಮಹಿಳೆ ತನ್ನ ಜೀವಿತಕಾಲದಲ್ಲಿ ಸರಿ ಸುಮಾರು ೧೬-ರಿಂದ೧೭ ಸಾವಿರ ಸ್ಯಾನಿಟರಿ ಪ್ಯಾಡುಗಳನ್ನು ಬಳಸಬಹುದಾಗಿದೆ. ಈ ಅವಧಿಯಲ್ಲಿ ರಾಸಾಯನಿಕಗಳ ಸಂಪರ್ಕದಿಂದಾಗಿ ನವೆ, ತುರಿಕೆ, ಹಾರ್ಮೋನ್ಗಳ ಏರುಪೇರು ಮುಂತಾದ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು.<br /> <br /> ಹಾಗಾದರೆ ಮಾರುಕಟ್ಟೆಯಲ್ಲಿ ಲಭ್ಯವಾಗುವ ಪ್ಯಾಡ್ಗಳನ್ನು ಬಳಸಬಾರದೇ? ಎಂಬ ಪ್ರಶ್ನೆಗೆ ಪರಿಹಾರ ನೈರ್ಮಲ್ಯದಲ್ಲಿದೆ ಎಂದೇ ಹೇಳಬಹುದು. ನವೆ ಉಂಟಾಗುವವರೆಗೂ ಕಾಯದೇ, ನಿಯಮಿತವಾಗಿ ಪ್ಯಾಡ್ಗಳನ್ನು ಬದಲಿಸಬೇಕು (ಸರಿಸುಮಾರು ೪ ಗಂಟೆಗಳಿಗೊಮ್ಮೆ), ತಪ್ಪದೇ ಸ್ನಾನ ಮಾಡಬೇಕು, ಸಾಕಷ್ಟು ನೀರು ಕುಡಿಯಬೇಕು. ಸರಿಯಾಗಿ ಊಟ ಮಾಡಬೇಕು. ಅಲ್ಲದೇ, ಇದೀಗ ಮಾರುಕಟ್ಟೆಯಲ್ಲಿ ಆರ್ಗ್ಯಾನಿಕ್ ಪ್ಯಾಡ್ಗಳು ಲಭ್ಯವಿದ್ದು, ಅವುಗಳ ಬಳಕೆ ಉತ್ತಮ ಎಂದು ನಂಬಲಾಗಿದೆ. ರಾಸಾಯನಿಕ ಬಳಕೆಯಿಂದ ಉಂಟಾಗುವ ಕಿರಿಕಿರಿಯನ್ನು ಇದರಿಂದ ತಪ್ಪಿಸಿಕೊಳ್ಳಬಹುದು.<br /> <br /> <strong>ವಿಲೇವಾರಿ ಕಡೆಗಣನೆ ಬೇಡ</strong><br /> ಉಪಯೋಗಿಸಿದ ಪ್ಯಾಡ್ಗಳ ವಿಲೇವಾರಿಯೂ ಅಷ್ಟೇ ಮುಖ್ಯ ಎನ್ನುವುದನ್ನು ಮರೆಯುವಂತಿಲ್ಲ. ಉಪಯೋಗಿಸಿದ ಪ್ಯಾಡುಗಳನ್ನು ತೊಳೆದು ಪೇಪರಿನಲ್ಲಿ ಸುತ್ತಿ "ವೈದ್ಯಕೀಯ ವೆಟ್"ಗಳನ್ನು ವಿಸರ್ಜಿಸುಂತೆ ಮಾಡಬೇಕು. ಅಂದರೆ ತ್ಯಾಜ್ಯ ಸಂಗ್ರಹಕನಿಗೆ ಈ ತ್ಯಾಜ್ಯವನ್ನು ಬೇರೆಯಾಗಿ ನೀಡುವುದಲ್ಲದೇ ಕವರಿನ ಮೇಲೆ ದಪ್ಪವಾಗಿ x ಚಿನ್ಹೆಯನ್ನು ಬರೆದು ನಂತರ ವಿಲೇವಾರಿ ಮಾಡಬೇಕು.<br /> <br /> ಸರಿಯಾದ ರೀತಿಯಲ್ಲಿ ಕಸದ ವಿಂಗಡಣೆಯಾಗದಿದ್ದರೆ ಹಾದಿಬದಿ ಕಸ ಮೇಯುವ ಹಸುವಿನ ಹೊಟ್ಟೆಗೂ ಇವು ಸೇರಬಹುದು.<br /> ಹಿಂದೆ ಪ್ಯಾಡುಗಳ ಖರೀದಿಗೆ ಸಂಕೇತವನ್ನು ಬಳಸುತ್ತಿದ್ದರು. ಅಂಗಡಿಗಳಲ್ಲಿ ಅದಕ್ಕೆಂದೇ ವಿಶೇಷ ಡಬ್ಬವಿರಿಸುತ್ತಿದ್ದರಂತೆ, ಯಾರಿಗೆ ಬೇಕೋ ಅವರು ಅ ಡಬ್ಬಿಯ ಮೇಲೆ ಹಣವಿರಿಸಿದರೆ ಅವರ ಅಗತ್ಯಕ್ಕೆ ತಕ್ಕ ಪ್ಯಾಡ್ ಅವರ ಕೈ ಸೇರುತಿತ್ತಂತೆ.<br /> <br /> ಇಂದು ಅಂಗಡಿಗೆ ಹೋಗಿ ನಮಗೆ ಬೇಕಾದ ಕಂಪೆನಿಯ ಹೆಸರನ್ನೂ, ಹೇಳುತ್ತೇವೆ. ಅಂಗಡಿಯಾತ ಅದನ್ನು ಕರಿಯ ಪ್ಲಾಸ್ಟಿಕ್ ಕವರಿನಲ್ಲಿ ಮುಚಿಟ್ಟು ಕೊಡುತ್ತಾನೆ.. ನಾವದನ್ನು ಮನೆಯಲ್ಲಿ ಬಟ್ಟೆಗಳ ಸಂದಿನಲ್ಲಿ ಮುಚ್ಚಿಡುತ್ತೇವೆ, ಇಷ್ಟಕ್ಕೂ ಋತುಚಕ್ರ ನೈಸರ್ಗಿಕ ಕ್ರಿಯೆ. ಬಳಕೆಯಂತೆಯೇ ವಿಲೇವಾರಿಯೂ ವೈಜ್ಞಾನಿಕ ರೀತಿಯಲ್ಲಾದರೆ ಒಳಿತು ಅಲ್ಲವೆ. ಆ ನಿಟ್ಟಿನಲ್ಲಿ ಹಿಂಜರಿಯುವುದೇಕೆ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
