ನೂತನ ಪಂಚಾಯಿತಿ: ಅಪಾರ ನಿರೀಕ್ಷೆ

ಬ್ರಹ್ಮಾವರ: ಹೊಸದಾಗಿ ಅಸ್ತಿತ್ವಕ್ಕೆ ಬಂದ ಆರೂರು ಗ್ರಾಮ ಪಂಚಾಯಿತಿಯ ಪ್ರಥಮ ಗ್ರಾಮಸಭೆ ಇದೇ 30ರಂದು ಕುಂಜಾಲಿನಲ್ಲಿರುವ ಗ್ರಾಮ ಪಂಚಾಯಿತಿ ಯ ಸಭಾಂಗಣದಲ್ಲಿ ನಡೆಯಲಿದೆ. ಹೊಸ ಪಂಚಾಯಿತಿ, ಹೊಸ ಆಡಳಿತ, ಅಪಾರ ನಿರೀಕ್ಷೆಯಲ್ಲಿರುವ ಜನತೆಗೆ ಪ್ರಥಮ ಗ್ರಾಮಸಭೆ ಕುತೂಹಲ ಮೂಡಿಸಿದೆ.

2989.92 ಹೆಕ್ಟೇರ್‌ ವಿಸ್ತೀರ್ಣ ಹೊಂದಿರುವ ಈ ಗ್ರಾಮ  2011ರ ಜನಗಣತಿ ಪ್ರಕಾರ ಒಟ್ಟು 3,609 ಜನಸಂಖ್ಯೆಯನ್ನು ಹೊಂದಿತ್ತು. ಇದರಲ್ಲಿ 1,841 ಮಹಿಳೆಯರು ಮತ್ತು 1,768 ಪುರುಷರು. ಈ ಮೊದಲು ಕೇವಲ 2 ವಾರ್ಡ್‌ಗಳನ್ನು ಹೊಂದಿದ್ದ ಈ ಪಂಚಾ ಯಿತಿ ಇದೀಗ ಹೊಸ ಪಂಚಾಯಿತಿಯಾಗಿ ಬದಲಾವಣೆ ಆಗಿ 4 ವಾರ್ಡ್‌ಗಳನ್ನು ಹೊಂದಿದೆ. 10 ಸದಸ್ಯ ಬಲದ ಈ ನೂತನ ಪಂಚಾಯಿತಿ ಇದೀಗ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳ ಅಧಿಕಾರ ದಲ್ಲಿದ್ದು, (8 ಬಿಜೆಪಿ ಬೆಂಬಲಿತ, 2 ಕಾಂಗ್ರೆಸ್‌ ಬೆಂಬಲಿತ) ರಾಜೀವ ಕುಲಾಲ ಅಧ್ಯಕ್ಷರಾಗಿ, ಗಣೇಶ ಕುಲಾಲ ಉಪಾಧ್ಯಕ್ಷ ರಾಗಿ ಆಡಳಿತದ ಚುಕ್ಕಾಣಿ ಹಿಡಿದಿದ್ದಾರೆ.

ಅಭಿವೃದ್ಧಿ ಕನಸು: ರಾಜೀವ ಕುಲಾಲರ ನೇತೃತ್ವದಲ್ಲಿ ಐದು ವರ್ಷಗಳ ಕಾಲ ಅಧಿಕಾರದ ಚುಕ್ಕಾಣಿ ಹಿಡಿದಿರುವ ಸದಸ್ಯರು ಅನೇಕ ಅಭಿವೃದ್ಧಿ ಕನಸು ಕಂಡಿದ್ದಾರೆ. ‘ಪ್ರಜಾವಾಣಿ’ಯೊಂದಿಗೆ ಮಾತನಾಡಿದ ಅವರು, ಪ್ರಥಮವಾಗಿ ಗ್ರಾಮದಲ್ಲಿಯೇ ಗ್ರಾಮ ಪಂಚಾಯಿತಿಯ ಕಟ್ಟಡ ನಿರ್ಮಾಣಕ್ಕೆ ಆದ್ಯತೆ ನೀಡಲಾಗು ವುದು. ಗ್ರಾಮ ಲೆಕ್ಕಿಗರ ಕಚೇರಿ, ಸಭಾಭವನ, ಗ್ರಂಥಾಲಯ ಮತ್ತು ವಿವಿಧ ಇಲಾಖೆಗಳ ಕಚೇರಿಗೆ ಅನುಕೂಲವಾಗು ವಂತೆ ಸುಮಾರು 1ಎಕರೆ ವಿಸ್ತೀರ್ಣದ ಜಾಗಕ್ಕಾಗಿ ಹುಡುಕಾಟ ಮಾಡಲಾಗು ತ್ತಿದೆ.