ನವದೆಹಲಿ (ಪಿಟಿಐ): ಮಂಗಳವಾರ ಮಧ್ಯರಾತ್ರಿಯಿಂದಲೇ ಜಾರಿಗೆ ಬರುವಂತೆ ಪೆಟ್ರೋಲ್‌ ದರದಲ್ಲಿ ಲೀಟರ್‌ಗೆ 54 ಪೈಸೆ ಕಡಿತವಾಗಿದೆ.
ಐದು ವರ್ಷದಲ್ಲಿ ಮೊದಲ ಬಾರಿಗೆ ಡೀಸೆಲ್‌ ಬೆಲೆಯಲ್ಲಿಯೂ ಇಳಿಕೆಯಾಗುವ ಸಾಧ್ಯತೆ ಇದ್ದು, ಅಮೆರಿಕ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಬುಧವಾರ ಮರಳಿದ ನಂತರ ಅದರ ಕುರಿತು ತೀರ್ಮಾನ ತೆಗೆದುಕೊಳ್ಳಲಾಗುವುದು ಎನ್ನಲಾಗಿದೆ.
ಸ್ಥಳೀಯ ಮಾರಾಟ ತೆರಿಗೆ (ವ್ಯಾಟ್‌) ಹೊರತುಪಡಿಸಿ ಪೆಟ್ರೋಲ್‌ 54 ಪೈಸೆಯಷ್ಟು ಅಗ್ಗವಾಗಿದೆ. ದೆಹಲಿಯಲ್ಲಿ 65 ಪೈಸೆಯಷ್ಟು ಪೆಟ್ರೋಲ್‌ ದರ ಇಳಿಕೆಯಾಗಿದೆ. ಮುಂಬೈನಲ್ಲಿ 68 ಪೈಸೆಯಷ್ಟು ಬೆಲೆ ಕಡಿಮೆಯಾಗಿದೆ.
