ಮೆಲ್ಬರ್ನ್‌ (ಪಿಟಿಐ): ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಭಾರತೀಯ ಸಮುದಾಯದವರು ಸಿಡ್ನಿಯಲ್ಲಿ ಹಮ್ಮಿಕೊಂಡಿದ್ದ ಸ್ವಾಗತ ಕಾರ್ಯಕ್ರಮದ ನಿರೂಪಕಿ ರಾಶಿ ಕಪೂರ್‌ ಅವರು ಪೇಚಿಗೆ ಸಿಲುಕಿದ ಪ್ರಸಂಗ ನಡೆಯಿತು
‘ರಾಶಿ ಕಪೂರ್‌ ಅವರು ತಾವು ‘ಮಿಸ್‌ ಇಂಡಿಯಾ ಆಸ್ಟ್ರೇಲಿಯಾ’ ಸೌಂದರ್ಯ ಸ್ಪರ್ಧೆಯಲ್ಲಿ ಗೆದ್ದಿರುವುದಾಗಿ ಮಾಧ್ಯಮಗಳ
ಮೂಲಕ ಬಿಂಬಿಸಿಕೊಂಡಿದ್ದಾರೆ. ಆದರೆ ಇದು ಸುಳ್ಳು’ ಎಂದು ಮಿಸ್‌ ಇಂಡಿಯಾ ಆಸ್ಟ್ರೇಲಿಯಾ ಕಾರ್ಪೋರೇಷನ್‌ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಇದಕ್ಕೆ ತಮ್ಮ ಫೇಸ್ಬುಕ್ ಪೇಜ್‌ನಲ್ಲಿ ಪ್ರತಿಕ್ರಿಯೆ ನೀಡಿರುವ ಕಪೂರ್‌, ತಾವು ೨೦೧೩ರಲ್ಲಿ ‘ಮಿಸ್‌ ಇಂಡಿಯಾ ಗ್ಲೋಬಲ್‌ ಯುನೈಟೆಡ್‌’ ಸ್ಪರ್ಧೆಯಲ್ಲಿ ಗೆದ್ದಿದ್ದನ್ನು ಕೆಲವು ಮಾಧ್ಯಮಗಳು ಈ ರೀತಿ ತಪ್ಪಾಗಿ ವರದಿ ಮಾಡಿರುವ ಸಾಧ್ಯತೆ ಇದೆ ಎಂದಿದ್ದಾರೆ.
