<p><strong>ಪಣಜಿ (ಐಎಎನ್ಎಸ್): </strong>ಗೋವಾದಲ್ಲಿ ನಡೆಯುತ್ತಿರುವ 44ನೇ ಭಾರತೀಯ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ (ಐಎಫ್ಎಫ್ಐ)ಕ್ಕೆ ಶನಿವಾರ ವರ್ಣರಂಜಿತ ತೆರೆ ಬಿದ್ದಿತು.<br /> <br /> ಬೆಟಿ ರೇಸ್ ಮತ್ತು ಲ್ಯೂಗಿ ಅಕ್ವಿಸ್ಟೊ ನಿರ್ದೇಶನದ ಪೋರ್ಚುಗೀಸ್ ಸಾಕ್ಷ್ಯಚಿತ್ರ ‘ಬೀಟ್ರಿಜಸ್ ವಾರ್’ ಪ್ರತಿಷ್ಠಿತ ‘ಸ್ವರ್ಣ ಮಯೂರ’ ಫಲಕ ಮತ್ತು 40 ಲಕ್ಷ ರೂಪಾಯಿ ನಗದು ಪುರಸ್ಕಾರಕ್ಕೆ ಪಾತ್ರವಾಯಿತು.<br /> <br /> ಆಸ್ಟ್ರೇಲಿಯಾ ಮತ್ತು ಪೂರ್ವ ತಿಮೋರ್ ಸಹಯೋಗದಲ್ಲಿ ಈ ಸಾಕ್ಷ್ಯ ಚಿತ್ರ ನಿರ್ಮಾಣಗೊಂಡಿದೆ. ಅಂತಿಮ ಸುತ್ತಿನಲ್ಲಿ ತೀರ್ಪುಗಾರರು ಈ ಚಿತ್ರವನ್ನು ಅವಿರೋಧವಾಗಿ ಪ್ರಶಸ್ತಿಗೆ ಆಯ್ಕೆ ಮಾಡಿದರು.<br /> <br /> ಕಮಲೇಶ್ವರ್ ಮುಖರ್ಜಿ ನಿರ್ದೇಶನದ ಬಂಗಾಳಿ ಚಿತ್ರ ‘ಮೇಘೆ ಢಾಕಾ ತಾರಾ’ ರಜತ ಮಯೂರ ಮತ್ತು 15 ಲಕ್ಷ ರೂಪಾಯಿ ನಗದು ತನ್ನದಾಗಿಸಿ ಕೊಂಡಿತು.<br /> <br /> ಬಂಗಾಳಿ ಚಿತ್ರ ‘ಅಪುರ್ ಪಾಂಚಾಲಿ’ ನಿರ್ದೇಶಕ ಕೌಶಿಕ್ ಗಂಗೂಲಿ ಅವರು ‘ಉತ್ತಮ ನಿರ್ದೇಶಕ’ (ರಜತ ಮಯೂರ ಮತ್ತು 15 ಲಕ್ಷ ರೂಪಾಯಿ ನಗದು) ಪ್ರಶಸ್ತಿ ಪಡೆದರು.<br /> <br /> ಇಸ್ರೇಲ್ ನಟ ಅಲೋನ್ ಮೋನಿ ಅಬೌಟ್ಬೌಲ್ ಅವರು ‘ಪ್ಲೇಸ್ ಇನ್ ಹೆವೆನ್’ ಚಿತ್ರಕ್ಕಾಗಿ ‘ಉತ್ತಮ ನಟ’ (ರಜತ ಪದಕ ಮತ್ತು 10 ಲಕ್ಷ ರೂಪಾಯಿ ನಗದು) ಮತ್ತು ಪೋಲೆಂಡಿನ ‘ ಇನ್ ಹೈಡಿಂಗ್ ’ ಚಿತ್ರದ ನಟನೆಗಾಗಿ ಮಗ್ಡಾಲೇನಾ ಬೋಕ್ಜಾ ರ್ಸಕಾ ‘ಉತ್ತಮ ನಟಿ’ (ಬೆಳ್ಳಿ ಪದಕ ಮತ್ತು 10 ಲಕ್ಷ ರೂಪಾಯಿ ನಗದು) ಪ್ರಶಸ್ತಿ ಪಡೆದರು.<br /> <br /> ತುರ್ಕಿ ಭಾಷೆಯ ಚಿತ್ರ ‘ದೌ ಗಿಲ್ಡ್ಸ್ ದ ಈವನ್’ ಮತ್ತು ಅದರ ನಿರ್ದೇಶಕ ಓನೂರ್ ಉನ್ಲು ತೀರ್ಪುಗಾರರ ವಿಶೇಷ ಮೆಚ್ಚುಗೆ ಪಡೆದ ಪ್ರಶಸ್ತಿ (ರಜತ ಪದಕ ಮತ್ತು 15 ಲಕ್ಷ ರೂಪಾಯಿ) ಗಿಟ್ಟಿಸಿಕೊಂಡರು.<br /> <br /> ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಮನೀಶ್ ತಿವಾರಿ, ನಟಿ ಆಶಾ ಪಾರೇಖ್, ಮಲೇಷ್ಯಾ ನಟಿ ಮೈಕೆಲ್ ಯೋ ಅವರು ಪ್ರಶಸ್ತಿ ವಿತರಿಸಿ ದರು. ಗೋವಾ ಮುಖ್ಯಮಂತ್ರಿ ಮನೋ ಹರ್ ಪರಿಕ್ಕರ್ ಮಾತನಾಡಿದರು.<br /> <br /> ಗೋವಾದ ಖ್ಯಾತ ಪಾಪ್ ಗಾಯಕ ರೆಮೊ ಫರ್ನಾಂಡಿಸ್ ಮತ್ತು ತಂಡ ‘ಹಮ್ಮಾ ...ಹಮ್ಮಾ ...’ , ‘ಓ ಮೇರಿ ಮುನ್ನಿ, ಮುನ್ನಿ ಮುನ್ನಿ ಬೇಬಿ’ ಪಾಪ್ ಗೀತೆಗಳು ಮೆರುಗು ನೀಡಿದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪಣಜಿ (ಐಎಎನ್ಎಸ್): </strong>ಗೋವಾದಲ್ಲಿ ನಡೆಯುತ್ತಿರುವ 44ನೇ ಭಾರತೀಯ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ (ಐಎಫ್ಎಫ್ಐ)ಕ್ಕೆ ಶನಿವಾರ ವರ್ಣರಂಜಿತ ತೆರೆ ಬಿದ್ದಿತು.<br /> <br /> ಬೆಟಿ ರೇಸ್ ಮತ್ತು ಲ್ಯೂಗಿ ಅಕ್ವಿಸ್ಟೊ ನಿರ್ದೇಶನದ ಪೋರ್ಚುಗೀಸ್ ಸಾಕ್ಷ್ಯಚಿತ್ರ ‘ಬೀಟ್ರಿಜಸ್ ವಾರ್’ ಪ್ರತಿಷ್ಠಿತ ‘ಸ್ವರ್ಣ ಮಯೂರ’ ಫಲಕ ಮತ್ತು 40 ಲಕ್ಷ ರೂಪಾಯಿ ನಗದು ಪುರಸ್ಕಾರಕ್ಕೆ ಪಾತ್ರವಾಯಿತು.<br /> <br /> ಆಸ್ಟ್ರೇಲಿಯಾ ಮತ್ತು ಪೂರ್ವ ತಿಮೋರ್ ಸಹಯೋಗದಲ್ಲಿ ಈ ಸಾಕ್ಷ್ಯ ಚಿತ್ರ ನಿರ್ಮಾಣಗೊಂಡಿದೆ. ಅಂತಿಮ ಸುತ್ತಿನಲ್ಲಿ ತೀರ್ಪುಗಾರರು ಈ ಚಿತ್ರವನ್ನು ಅವಿರೋಧವಾಗಿ ಪ್ರಶಸ್ತಿಗೆ ಆಯ್ಕೆ ಮಾಡಿದರು.<br /> <br /> ಕಮಲೇಶ್ವರ್ ಮುಖರ್ಜಿ ನಿರ್ದೇಶನದ ಬಂಗಾಳಿ ಚಿತ್ರ ‘ಮೇಘೆ ಢಾಕಾ ತಾರಾ’ ರಜತ ಮಯೂರ ಮತ್ತು 15 ಲಕ್ಷ ರೂಪಾಯಿ ನಗದು ತನ್ನದಾಗಿಸಿ ಕೊಂಡಿತು.<br /> <br /> ಬಂಗಾಳಿ ಚಿತ್ರ ‘ಅಪುರ್ ಪಾಂಚಾಲಿ’ ನಿರ್ದೇಶಕ ಕೌಶಿಕ್ ಗಂಗೂಲಿ ಅವರು ‘ಉತ್ತಮ ನಿರ್ದೇಶಕ’ (ರಜತ ಮಯೂರ ಮತ್ತು 15 ಲಕ್ಷ ರೂಪಾಯಿ ನಗದು) ಪ್ರಶಸ್ತಿ ಪಡೆದರು.<br /> <br /> ಇಸ್ರೇಲ್ ನಟ ಅಲೋನ್ ಮೋನಿ ಅಬೌಟ್ಬೌಲ್ ಅವರು ‘ಪ್ಲೇಸ್ ಇನ್ ಹೆವೆನ್’ ಚಿತ್ರಕ್ಕಾಗಿ ‘ಉತ್ತಮ ನಟ’ (ರಜತ ಪದಕ ಮತ್ತು 10 ಲಕ್ಷ ರೂಪಾಯಿ ನಗದು) ಮತ್ತು ಪೋಲೆಂಡಿನ ‘ ಇನ್ ಹೈಡಿಂಗ್ ’ ಚಿತ್ರದ ನಟನೆಗಾಗಿ ಮಗ್ಡಾಲೇನಾ ಬೋಕ್ಜಾ ರ್ಸಕಾ ‘ಉತ್ತಮ ನಟಿ’ (ಬೆಳ್ಳಿ ಪದಕ ಮತ್ತು 10 ಲಕ್ಷ ರೂಪಾಯಿ ನಗದು) ಪ್ರಶಸ್ತಿ ಪಡೆದರು.<br /> <br /> ತುರ್ಕಿ ಭಾಷೆಯ ಚಿತ್ರ ‘ದೌ ಗಿಲ್ಡ್ಸ್ ದ ಈವನ್’ ಮತ್ತು ಅದರ ನಿರ್ದೇಶಕ ಓನೂರ್ ಉನ್ಲು ತೀರ್ಪುಗಾರರ ವಿಶೇಷ ಮೆಚ್ಚುಗೆ ಪಡೆದ ಪ್ರಶಸ್ತಿ (ರಜತ ಪದಕ ಮತ್ತು 15 ಲಕ್ಷ ರೂಪಾಯಿ) ಗಿಟ್ಟಿಸಿಕೊಂಡರು.<br /> <br /> ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಮನೀಶ್ ತಿವಾರಿ, ನಟಿ ಆಶಾ ಪಾರೇಖ್, ಮಲೇಷ್ಯಾ ನಟಿ ಮೈಕೆಲ್ ಯೋ ಅವರು ಪ್ರಶಸ್ತಿ ವಿತರಿಸಿ ದರು. ಗೋವಾ ಮುಖ್ಯಮಂತ್ರಿ ಮನೋ ಹರ್ ಪರಿಕ್ಕರ್ ಮಾತನಾಡಿದರು.<br /> <br /> ಗೋವಾದ ಖ್ಯಾತ ಪಾಪ್ ಗಾಯಕ ರೆಮೊ ಫರ್ನಾಂಡಿಸ್ ಮತ್ತು ತಂಡ ‘ಹಮ್ಮಾ ...ಹಮ್ಮಾ ...’ , ‘ಓ ಮೇರಿ ಮುನ್ನಿ, ಮುನ್ನಿ ಮುನ್ನಿ ಬೇಬಿ’ ಪಾಪ್ ಗೀತೆಗಳು ಮೆರುಗು ನೀಡಿದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
