ವಾಷಿಂಗ್ಟನ್‌(ಪಿಟಿಐ): ಪ್ಲೂಟೊ ಕಕ್ಷೆ ತಲುಪಿರುವ ನಾಸಾ ಗಗನನೌಕೆ ಆ ಗ್ರಹದಲ್ಲಿ 11 ಸಾವಿರ ಅಡಿ ಎತ್ತರದ ಹಿಮ ಪರ್ವತವನ್ನು ಪತ್ತೆ ಹಚ್ಚಿದೆ.
ಈ ಹಿಮ ಪರ್ವತ ಸುಮಾರು ಹತ್ತು ಕೋಟಿ ವರ್ಷಗಳ ಹಿಂದೆಯೇ ಉದ್ಭವಿಸಿರಬಹುದು ಎಂದು ನಾಸಾ ಹೇಳಿದೆ. ನ್ಯೂ ಹೊರೈಜನ್‌ ಗಗನನೌಕೆ ಅತ್ಯಂತ ಹತ್ತಿರದಿಂದ ಈ ಪರ್ವತದ ಚಿತ್ರಗಳನ್ನು ಸೆರೆ ಹಿಡಿದಿದೆ.
ತನ್ನ ಸುತ್ತಮುತ್ತ ಅತ್ಯಂತ ಕಡಿಮೆ ಗುರುತ್ವಾಕರ್ಷಣೆ ಹೊಂದಿರುವ ಗ್ರಹಗಳನ್ನು ಹೊಂದಿರುವ ಪ್ಲೂಟೊದಲ್ಲಿ ಈ ಪರ್ವತಗಳ ಉಗಮಕ್ಕೆ ಕಾರಣವಾದ ಅಂಶಗಳು ಏನಿರಬಹುದು ಎಂಬ ಪ್ರಶ್ನೆ ವಿಜ್ಞಾನಿಗಳನ್ನು ಕಾಡತೊಡಗಿದೆ.
ಪ್ಲೂಟೊದ ಕೇವಲ ಶೇ 1ರಷ್ಟು ಸ್ಥಳದಲ್ಲಿ ಈ ಹಿಮ ಪರ್ವತ ವ್ಯಾಪಿಸಿದೆ. ಗ್ರಹದ ಬೇರೆ ಎಲ್ಲಿಯೂ ಇದುವರೆಗೂ ಮಂಗಳ ಗ್ರಹದಂತೆ ಗುಳಿಗಳು ಗೋಚರಿಸಿಲ್ಲ. ಪ್ಲೂಟೊ ಮೇಲ್ಮೈ ವಾತಾವರಣದಲ್ಲಿ ಮೀಥೇನ್‌ ಹಾಗೂ ನೈಟ್ರೋಜನ್ ಹೇರಳವಾಗಿದ್ದು ಇವುಗಳಿಂದ ಗಟ್ಟಿ ಹಿಮ ರಚನೆ ಸಾಧ್ಯವಿಲ್ಲ. ನೀರಿನ ಕಣಗಳಿಂದಾದ ಹಿಮ ಇದಾಗಿರಬಹುದು ಎಂದು ವಿಜ್ಞಾನಿಗಳು ಊಹಿಸಿದ್ದಾರೆ.
