ನವದೆಹಲಿ (ಪಿಟಿಐ): ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಮೇನಕಾ ಗಾಂಧಿ ಅವರು ತಮ್ಮ ಸಚಿವಾಲಯದೊಂದಿಗೆ ಜನಸಾಮಾನ್ಯರು ಸುಲಭವಾಗಿ ಸಂಪರ್ಕಿಸಲು ಸಾಧ್ಯವಾಗುವಂತೆ ಇ–ಮೇಲ್ ಹಾಗೂ ಫೇಸ್ಬುಕ್ ಖಾತೆ ತೆರೆದಿದ್ದಾರೆ.
ಮೇನಕಾ ಅವರ ಇ–ಮೇಲ್ ಖಾತೆ minwcd@nic.in. ಹಾಗೂ ಸಚಿವಾಲಯದ ಖಾತೆ helpwcd@nic.in ಫೇಸ್ಬುಕ್ ಖಾತೆ ಸಂಪರ್ಕಿಸಲು www.facebook.com/ministry WCD. ಎಂದು ಮೂಲಗಳು ತಿಳಿಸಿವೆ.
ಮಹಿಳೆಯರಿಗೆ ಪ್ರಶಸ್ತಿ: ಮಹಿಳಾ ಸಬಲೀಕರಣಕ್ಕೆ ಕೊಡುಗೆ ನೀಡಿದ ಮಹಿಳೆಯರನ್ನು ಗುರುತಿಸಿ ಪ್ರತಿ ಜಿಲ್ಲೆಯಲ್ಲೂ ಒಬ್ಬ ಮಹಿಳೆಗೆ ಪ್ರಶಸ್ತಿ ನೀಡುವುದಾಗಿ ಸಚಿವೆ ಮೇನಕಾ ಗಾಂಧಿ ಹೇಳಿದ್ದಾರೆ.
ಪ್ರಶಸ್ತಿ ಜತೆ 25,000 ಹಣ ನೀಡಲಾಗುವುದು. ಮಾರ್ಚ್ 8 ಅಂತರರಾಷ್ಟ್ರೀಯ ಮಹಿಳಾ ದಿನ ಈ ಪ್ರಶಸ್ತಿಯನ್ನು ನೀಡಲು ನಿರ್ಧರಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ.