ಇಂದೋರ್‌ (ಪಿಟಿಐ): ಗೂಗಲ್ ಕ್ಯಾಂಪಸ್‌ ಸಂದರ್ಶನದಲ್ಲಿ ಆಯ್ಕೆಯಾದ ಇಲ್ಲಿನ ಐಐಟಿ ವಿದ್ಯಾರ್ಥಿ ಗೌರವ್‌ ಅಗರವಾಲ್‌ ಅವರಿಗೆ ಸಂಸ್ಥೆ ಬರೋಬ್ಬರಿ ವಾರ್ಷಿಕ ರೂ1.70 ಕೋಟಿ ವೇತನ ಪ್ಯಾಕೆಜ್‌ ನೀಡಲು ಒಪ್ಪಿದೆ. ಕಂಪ್ಯೂಟರ್‌ ಸೈನ್ಸ್‌ ಮತ್ತು ಎಂಜಿನಿಯರಿಂಗ್‌ನಲ್ಲಿ ಬಿ.ಟೆಕ್‌ ಕೊನೆಯ ವರ್ಷ ಅಭ್ಯಸಿಸುತ್ತಿರುವ ಗೌರವ್‌ ಅಗರವಾಲ್‌ ದೇಶದ ಎಲ್ಲಾ ಐಐಟಿಗಳಲ್ಲಿ ನಡೆದ ಕ್ಯಾಂಪಸ್‌ ಸಂದರ್ಶನಗಳಲ್ಲೇ ಅತಿ ಹೆಚ್ಚು ವೇತನ ಪ್ಯಾಕೆಜ್‌ ಪಡೆದ ಮೊದಲ ವಿದ್ಯಾರ್ಥಿ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.
ಛತ್ತೀಸಗಡದ ಬಿಲೈನಲ್ಲಿ ಮಧ್ಯಮ ವರ್ಗದ ಕುಟುಂಬದಲ್ಲಿ ಜನಿಸಿರುವ ಗೌರವ್‌ ಅವರು ಕ್ಯಾಲಿಫೋರ್ನಿಯಾದ ಮಾಹಿತಿ ತಂತ್ರಜ್ಞಾನದ ದೈತ್ಯ ಗೂಗಲ್ ಸಂಸ್ಥೆಯಲ್ಲಿ ಕೆಲಸ ಮಾಡಲಿದ್ದಾರೆ.
