ಅಂತರಿಕ್ಷ ಘಟಕದ ವೆಬ್‌ ತಾಣವನ್ನು ಹ್ಯಾಕ್‌ ಮಾಡಲಾಗಿದೆ ಎಂಬ ಸುದ್ದಿ ಭಾನುವಾರ ಹರಡಿತ್ತು. ಕೂಡಲೇ ಈ ತಾಣವನ್ನು ಸ್ಥಗಿತಗೊಳಿಸಲಾಗಿತ್ತು. ನಂತರ ಸಮಸ್ಯೆಯ ಮೂಲ ಪತ್ತೆ ಹೆಚ್ಚಿದ ಅಧಿಕಾರಿಗಳು ಸಂಜೆಯ ವೇಳೆಗೆ ಇದನ್ನು ಸರಿಪಡಿಸಿದ್ದರು.
ಸೋಮವಾರ ಬೆಳಿಗ್ಗೆ ಈ ಕುರಿತು ಸ್ಪಷ್ಟನೆ ನೀಡಿರುವ ಇಸ್ರೊದ ಹಿರಿಯ ಅಧಿಕಾರಿಯೊಬ್ಬರು, ವೆಬ್ಸೈಟ್ ಹ್ಯಾಕ್‌ ಆಗಿಲ್ಲ. ಇದರಿಂದ ದೇಶದ ಭದ್ರತೆಗೆ ಯಾವುದೇ ಹಾನಿ ಇಲ್ಲ, ಯಾವುದೇ ದತ್ತಾಂಶ ಕಳುವಾಗಿಲ್ಲ. ಯಾರೋ ಉದ್ದೇಶಪೂರ್ವಕವಾಗಿಯೇ ಈ ಕೃತ್ಯ ಎಸಗಿದ್ದಾರೆ. ಇದಕ್ಕೆ ಕಾರಣ ಏನು? ಇದನ್ನು ಮಾಡಿದವರು ಸಂಸ್ಥೆಯ ಒಳಗಿನವರೇ ಅಥವಾ ಹೊರಗಿನವರೇ ಎನ್ನುವುದರ ಕುರಿತು ತನಿಖೆ ನಡೆಯುತ್ತಿದೆ. ಸದ್ಯಕ್ಕಂತೂ ಯಾವುದೇ ಅಪಾಯವಿಲ್ಲ ಎಂದು ಹೇಳಿದ್ದಾರೆ.
