ಬಿಎಂಶ್ರೀ ಸ್ಮಾರಕ ಪ್ರತಿಷ್ಠಾನದ ವತಿಯಿಂದ ನಗರದಲ್ಲಿ ಶನಿವಾರ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಕುವೆಂಪು ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಪ್ರಾಧ್ಯಾಪಕ ಕೆ.ಕೇಶವ ಶರ್ಮ ಅವರಿಗೆ ‘ಪ್ರೊ.ಸೊ.ವೆಂ.ಆರಗ ವಿಮರ್ಶಾ ಪ್ರಶಸ್ತಿ’ ಪ್ರದಾನ ಮಾಡಿ ಮಾತನಾಡಿದರು.
‘ಕನ್ನಡ ಸಾಹಿತ್ಯ ಚರಿತ್ರೆಯಲ್ಲಿ ಹಲವು ವಿದ್ವಾಂಸರು ಮಹತ್ವದ ಕೃತಿಗಳನ್ನು ರಚಿಸಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ವಿದ್ವಾಂಸರಿಗೆ ಸರಿಯಾದ ಗೌರವ ಸಿಗುತ್ತಿಲ್ಲ. ಹೀಗಾಗಿ ವಿದ್ವಾಂಸರಿಂದ ಹೇಳಿಕೊಳ್ಳುವಂತಹ ಕೃತಿಗಳೂ ಬರುತ್ತಿಲ್ಲ. ಇಂತಹ ಸಂದರ್ಭದಲ್ಲೂ ಕೇಶವಶರ್ಮ ಉತ್ತಮ ಕೃತಿ ರಚಿಸಿದ್ದಾರೆ’ ಎಂದರು.
ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಕೆ.ಕೇಶವಶರ್ಮ, ‘ಸಂಶೋಧನಾ ವಿದ್ಯಾರ್ಥಿಗಳು ಯಾವ ಆಯಾಮದಲ್ಲಿ ಸಂಶೋಧನೆ ಕೈಗೊಳ್ಳಬೇಕು ಎಂದು ಕೇಳುತ್ತಿದ್ದರು. ಅವರಿಗೆ ಮಾರ್ಗದರ್ಶನ ನೀಡುವ ಹೊಣೆ ನನ್ನ ಮೇಲಿತ್ತು. ಕಳೆದ 10–15 ವರ್ಷಗಳಿಂದ ಮಾಡಿ ಕೊಂಡಿ ರುವ ಟಿಪ್ಪಣಿಗಳನ್ನು ಆಧರಿಸಿ ‘ತತ್ವಜ್ಞಾನದ ಪರಿಕಲ್ಪನೆಗಳು’ ಎಂಬ ಕೃತಿ ರಚಿಸಿದ್ದೇನೆ’ ಎಂದು ಹೇಳಿದರು.
‘ಹಲವು ಕಿರಿಯ ಸಾಹಿತಿಗಳಿಗೆ ಬಿಎಂಶ್ರೀ ಅವರು ರಾಜಮಾರ್ಗ ಹಾಕಿಕೊಟ್ಟಿದ್ದಾರೆ. ಅವರ ಹೆಸರಿನ ಪ್ರತಿಷ್ಠಾನದಿಂದ ಪ್ರಶಸ್ತಿ ಪಡೆದಿರುವುದು ಜವಾಬ್ದಾರಿ ಹೆಚ್ಚಿಸಿದೆ’ ಎಂದರು.
ನಿವೃತ್ತ ಪ್ರಾಧ್ಯಾಪಕ ಪ್ರೊ.ಕೆ.ಎಸ್. ಮಧುಸೂದನ ಅವರು ಮಾತನಾಡಿ, ‘ಆಧುನಿಕ ವಿಮರ್ಶಾ ಕ್ಷೇತ್ರಕ್ಕೆ ಕೇಶವ ಶರ್ಮ ಅವರ ‘ತತ್ವಜ್ಞಾನದ ಪರಿಕಲ್ಪನೆ ಗಳು’ ಎಂಬ ಉತ್ತಮ ಕೃತಿ ಸೇರ್ಪಡೆ ಯಾಗಿದೆ ಎಂದರು.
