ಕಾಷ್ಠ ಶಿಲ್ಪ ಕಲಾ ಶಿಬಿರಕ್ಕೆ ಚಾಲನೆ

ಈಗ ಅವುಗಳು ಕಲಾಕೃತಿಗಳ ರೂಪ ಪಡೆಯಲಿವೆ. ಜೊತೆಗೇ ಪರಿಸರದಲ್ಲಿ ಇಂಗಾಲ ಹರಡುವುದು ತಪ್ಪಲಿದೆ’ ಎಂದು ಹೇಳಿದರು. ‘ಬರುವ ದಿನಗಳಲ್ಲಿ ಹಂತ ಹಂತವಾಗಿ ನಗರದ ಇತರ ಉದ್ಯಾನಗಳಲ್ಲಿಯೂ ಈ ರೀತಿಯ ಕಾರ್ಯಾಗಾರಗಳನ್ನು ನಡೆಸುವ ಯೋಚನೆ ಇದೆ’ ಎಂದು ತಿಳಿಸಿದರು.

ಪರಿಸರವಾದಿ ಎ.ಎನ್‌. ಯಲ್ಲಪ್ಪ ರೆಡ್ಡಿ ಮಾತನಾಡಿ, ‘ಬೆಂಗಳೂರಿನಲ್ಲಿ ಪ್ರತಿ ವರ್ಷ ಸಾವಿರಾರು ಮರಗಳು ಉರುಳಿ ಬೀಳುತ್ತವೆ. ಅವುಗಳನ್ನು ವೈಜ್ಞಾನಿಕ ರೀತಿಯಲ್ಲಿ ಕತ್ತರಿಸಿ ಒಂದೆಡೆ ಇಡಬೇಕು.  ಬಳಿಕ ಕಾರ್ಯಾಗಾರ ಆಯೋಜಿಸಿ ಅವುಗಳಲ್ಲಿ ಕಲಾಕೃತಿ ನಿರ್ಮಿಸಬೇಕು. ಇದಕ್ಕಾಗಿ ಬಿಬಿಎಂಪಿ ಪ್ರತ್ಯೇಕವಾದ ವಿಭಾಗವನ್ನೇ ಸ್ಥಾಪಿಸಬೇಕು’ ಎಂದು ಸಲಹೆ ಮಾಡಿದರು.

‘ಮಕ್ಕಳ ಆಟಿಕೆಗಳಲ್ಲಿ ಸೀಸ ಸೇರಿ ಇತರ ವಿಷಕಾರಕ ಅಂಶಗಳು ಇರುತ್ತವೆ. ಹಾಗಾಗಿ ಕಟ್ಟಿಗೆಯಲ್ಲಿ ಆಟಿಕೆಗಳನ್ನು ತಯಾರಿಸಿದರೆ ಮಕ್ಕಳನ್ನು ಅಪಾಯದಿಂದ ದೂರ ಇಡಬಹುದು’ ಎಂದರು.

15 ದಿನಗಳ ವರೆಗೆ ನಡೆಯಲಿರುವ ಈ ಶಿಬಿರದಲ್ಲಿ ರಾಜ್ಯದ ವಿವಿಧ ಭಾಗಗಳ 30 ಕಲಾವಿದರು ಪಾಲ್ಗೊಂಡಿದ್ದಾರೆ. ಕಬ್ಬನ್‌ ಉದ್ಯಾನದ ಆವರಣದಲ್ಲಿರುವ ಕರ್ನಾಟಕ ರಾಜ್ಯ ಲಾನ್ ಟೆನಿಸ್ ಅಸೋಸಿಯೇಷನ್ ಒಳಾಂಗಣ, ಬ್ಯಾಂಡ್‌ ಸ್ಟ್ಯಾಂಡ್‌, ಕೇಂದ್ರೀಯ ಗ್ರಂಥಾಲಯದ ಸಮೀಪ ತಲಾ 10 ಕಲಾವಿದರನ್ನು ಒಳಗೊಂಡಂತೆ 3 ಕಡೆ ಶಿಬಿರ ನಡೆಯಲಿದೆ.