ಕೆರೆಗಳ ಹೂಳಿನಲ್ಲಿದೆ ₹2 ಸಾವಿರ ಕೋಟಿ!

ಬೆಂಗಳೂರು: ಬೆಳ್ಳಂದೂರು ಹಾಗೂ ವರ್ತೂರು ಕೆರೆಗಳ ಹೂಳು ಹಾಗೂ ನೊರೆ ಸಮಸ್ಯೆ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳಿಗೆ ಕಗ್ಗಂಟಾಗಿದೆ. ಇದಕ್ಕೆ ಹೆಚ್ಚು ತಲೆ ಕೆಡಿಸಿಕೊಳ್ಳಬೇಕಿಲ್ಲ. ಒಂದು ವೇಳೆ ಈ ಹೂಳನ್ನು ವಾಣಿಜ್ಯ ಉದ್ದೇಶದಿಂದ ಬಳಕೆ ಮಾಡಿಕೊಂಡರೆ ₹2 ಸಾವಿರ ಕೋಟಿ ಆದಾಯ ಗಳಿಸಬಹುದು! ನಗರದ ಭಾರತೀಯ ವಿಜ್ಞಾನ ಸಂಸ್ಥೆಯ ವಿಜ್ಞಾನಿ ಪ್ರೊ.ಟಿ.ವಿ.ರಾಮಚಂದ್ರ ಅವರ ಸಲಹೆ ಇದು.

. ಭಾರತೀಯ ವಿಜ್ಞಾನ ಸಂಸ್ಥೆ ಹಾಗೂ ಮದ್ರಾಸ್ ಎಂಜಿನಿಯರಿಂಗ್ ಗ್ರೂಪ್ನ ಸದಸ್ಯರನ್ನು ಒಳಗೊಂಡ ತಂಡವು ಎರಡು ಕೆರೆಗಳ ಬಯೋಮೆಟ್ರಿಕ್ ಸಮೀಕ್ಷೆ ಸಮೀಕ್ಷೆ ನಡೆಸಿದೆ. ತಂಡವು ವರ್ತೂರು ಕೆರೆಯಲ್ಲಿ ಏಪ್ರಿಲ್ 4ರಂದು ಸಮೀಕ್ಷೆ ಆರಂಭಿಸಿತು. ಬೆಳ್ಳಂದೂರು ಕೆರೆಯಲ್ಲಿ ಅಧ್ಯಯನ ಮಂಗಳವಾರ ಕೊನೆಗೊಂಡಿತು.

. ಐಐಎಸ್ಸಿಯ ಆರು ಮಂದಿ ತಜ್ಞರು ಹಾಗೂ ಎಂಇಜಿಯ 13 ಮಂದಿ ಸಮೀಕ್ಷೆಯಲ್ಲಿ ಪಾಲ್ಗೊಂಡರು. ವೈಟ್ಫೀಲ್ಡ್ ರೈಸಿಂಗ್ ಸಂಘಟನೆಯ ಸದಸ್ಯರು ಹಾಗೂ ಕೆ.ಕೆ. ಆಂಗ್ಲ ಮಾಧ್ಯಮ ಶಾಲೆಯವರು ಸಮೀಕ್ಷೆಗೆ ಅಗತ್ಯ ನೆರವು ನೀಡಿದರು.

. ‘ಉಭಯ ಕೆರೆಗಳ ಆಳ ಅರಿಯುವ ಉದ್ದೇಶದಿಂದ ಬಯೋಮೆಟ್ರಿಕ್ ಸಮೀಕ್ಷೆ ನಡೆಸಲಾಯಿತು. ಕೆರೆಗಳ ಹೂಳಿನ ಪ್ರಮಾಣದ ಬಗ್ಗೆ ವಿವರ ಲಭ್ಯವಾಯಿತು. ಕೆರೆಯ ಪುನಶ್ಚೇತನಕ್ಕೆ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆಯೂ ಇದು ದಿಕ್ಸೂಚಿಯಾಗಲಿದೆ’ ಎಂದು ರಾಮಚಂದ್ರ ತಿಳಿಸಿದರು.

. ಈ ಹಿಂದೆ ವರ್ತೂರು ಕೆರೆಯ ಆಳ 30 ಅಡಿ ಇತ್ತು. ಆದರೆ, ದಶಕಗಳಿಂದ ಕೆರೆಯ ಆಳ ಕುಗ್ಗುತ್ತಾ ಬಂದಿದೆ. ಕೆಲವು ಕಡೆಗಳಲ್ಲಿ ಆಳ 1 ಮೀಟರ್ನಷ್ಟು ಇದೆ. ಎರಡೂ ಕೆರೆಗಳಲ್ಲಿ ಒಟ್ಟು 73 ಲಕ್ಷ ಕ್ಯೂಬಿಕ್ ಮೀಟರ್ ಹೂಳು ಇದೆ. ಇದನ್ನು ಗೊಬ್ಬರಕ್ಕಾಗಿ, ಕಟ್ಟಡ ನಿರ್ಮಾಣಕ್ಕೆ ಇಟ್ಟಿಗೆ ನಿರ್ಮಾಣಕ್ಕೆ ಬಳಸಿಕೊಂಡರೆ ₹2 ಸಾವಿರ ಕೋಟಿ ಗಳಿಸಬಹುದು ಎಂದು ಅವರು ಮಾಹಿತಿ ನೀಡಿದರು.

. ಕೆರೆಗಳ ಹಿನ್ನೆಲೆ: ಕೆಲವು ದಶಕಗಳ ಹಿಂದೆ ಈ ಕೆರೆಗಳ ನೀರನ್ನು ಜನರು ಕುಡಿಯಲು ಬಳಸುತ್ತಿದ್ದರು. ಸಾವಿರಾರು ಕೃಷಿಕರಿಗೆ ನೀರಿನ ಮೂಲಗಳಾಗಿದ್ದವು. ಸುತ್ತಮುತ್ತಲ ಗ್ರಾಮಗಳ ಕೃಷಿಕರು ಪ್ರತಿ ಎರಡು ವರ್ಷಕ್ಕೊಮ್ಮೆ ಕೆರೆಗಳ ಹೂಳು ತೆಗೆಯುತ್ತಿದ್ದರು. ಹೂಳನ್ನು ಗದ್ದೆಗಳಿಗೆ ಹಾಕುತ್ತಿದ್ದರು. ಅದು ಅವರಿಗೆ ಗೊಬ್ಬರದ ಮೂಲವಾಗಿತ್ತು.

. 1970ರಲ್ಲಿ ಕೊನೆಯ ಬಾರಿಗೆ ಹೂಳು ತೆಗೆಯಲಾಗಿತ್ತು. ನಗರೀಕರಣದ ಫಲವಾಗಿ ಕೆರೆ ಮಲೀನಗೊಳ್ಳುತ್ತಾ ಬಂತು. ಆಸುಪಾಸಿನಲ್ಲಿ ಕಟ್ಟಡಗಳು ತಲೆ ಎತ್ತಿದವು. ಕಳೆದ ವರ್ಷ ಬೆಳ್ಳಂದೂರು ಕೆರೆಯ ನೊರೆಯಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು.

. ‘ಕೆರೆಯ ಹೂಳು ತೆಗೆಯುವಂತಹ ಅತ್ಯಾಧುನಿಕ ತಂತ್ರಜ್ಞಾನ ಲಭ್ಯ ಇದೆ. ಗುಣಮಟ್ಟದ ಕೆಲಸ ಮಾಡಿದರೆ ಫಲಿತಾಂಶ ಶೀಘ್ರದಲ್ಲಿ ಲಭ್ಯವಾಗಲಿದೆ. 24 ತಿಂಗಳಲ್ಲಿ ಕೆರೆಯ ಹೂಳನ್ನು ತೆಗೆಯಬಹುದು’ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.

. ಹೂಳು ತೆಗೆದರೆ ಏನು ಲಾಭ *ಎರಡು ಕೆರೆಗಳ ಆಸುಪಾಸಿನಲ್ಲಿ ಅಂತರ್ಜಲದ ಮಟ್ಟ ಏರಲಿದೆ. *ಕೆರೆಯ ಸುತ್ತಮುತ್ತಲಿನ ನೂರಾರು ಕೊಳವೆಬಾವಿಗಳು ಬತ್ತಿ ಹೋಗಿವೆ. ಹೂಳು ತೆಗೆದರೆ ಇವುಗಳಲ್ಲಿ ನೀರು ಉಕ್ಕಲಿದೆ. ಜಕ್ಕೂರು ಕೆರೆಯಲ್ಲೂ ಈ ಹಿಂದೆ ಹೂಳು ತುಂಬಿಕೊಂಡಿತ್ತು. ಕೆಲವು ವರ್ಷಗಳ ಹಿಂದೆ ಸ್ಥಳೀಯರ ನೆರವಿನಿಂದ ಅಭಿವೃದ್ಧಿಪಡಿಸಲಾಯಿತು. ಈಗ ಕೆರೆಯ ಸುತ್ತಮುತ್ತಲಿನ ಕೊಳವೆಬಾವಿಗಳಲ್ಲಿ ಸಾಕಷ್ಟು ನೀರು ಇದೆ. *ಬೆಳ್ಳಂದೂರು ಕೆರೆಯ ಪುನಶ್ಚೇತನಕ್ಕೆ ಜಲಮಂಡಳಿ ಐದು ಹಂತದ ಯೋಜನೆ ರೂಪಿಸಿದೆ. ಇದಕ್ಕಾಗಿ ₹700ರಿಂದ ₹900 ಕೋಟಿ ಬೇಕಿದೆ ಎಂಬುದು ಮಂಡಳಿಯ ಲೆಕ್ಕಾಚಾರ. ಹೂಳಿನ ರೂಪದಲ್ಲಿರುವ ‘ನಿಧಿ’ಯನ್ನು ಬಳಸಿಕೊಂಡರೆ ಕೆರೆಯ ಪುನಶ್ಚೇತನಕ್ಕೆ ಸರ್ಕಾರದ ನೆರವಿಗೆ ಕಾಯಬೇಕಿಲ್ಲ.

. * ವರ್ತೂರು ಕೆರೆಯ ಆಳ ಕೆಲವು ಕಡೆಗಳಲ್ಲಿ 1 ಮೀಟರ್ ಮಾತ್ರ ಇದೆ ಪ್ರೊ.ಟಿ.ವಿ. ರಾಮಚಂದ್ರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೆರೆಗಳ ಹೂಳಿನಲ್ಲಿದೆ ₹2 ಸಾವಿರ ಕೋಟಿ!

ಚಿನಕುರುಳಿ: ಗುರುವಾರ, 25 ಸೆಪ್ಟೆಂಬರ್ 2025

Asia Cup: ಬಾಂಗ್ಲಾಕ್ಕೆ ಸೋಲು: ಫೈನಲ್‌ನಲ್ಲಿ ಭಾರತಕ್ಕೆ ಪಾಕಿಸ್ತಾನ ಎದುರಾಳಿ

ಮಕ್ಕಳು ಅಂತ್ಯಕ್ರಿಯೆ ನಡೆಸುವಂತಿಲ್ಲವೆಂದು S.L. ಭೈರಪ್ಪ ವಿಲ್ : ಗೊಂದಲದ ವಾತಾವರಣ

ಚುರುಮುರಿ: ನೀವೂ ಗಿಫ್ಟ್ ಕೊಡಿ

ಕ್ರಿಕೆಟರ್‌ಗಳ ಪರಿಶ್ರಮವೇ ನನ್ನ ಸಾಧನೆಗೆ ಸ್ಫೂರ್ತಿ: ಉಸೇನ್‌ ಬೋಲ್ಟ್‌

Asia Cup: ಪಾಕಿಸ್ತಾನ ವಿರುದ್ಧದ ಸೋಲಿಗೆ ಕಾರಣ ಬಹಿರಂಗಪಡಿಸಿದ ಬಾಂಗ್ಲಾ ಕೋಚ್

ನಮ್ಮದು ವಿಶೇಷ ತಂಡ, ಭಾರತ ಸೇರಿ ಯಾರನ್ನಾದರೂ ಸೋಲಿಸುವ ಸಾಮರ್ಥ್ಯವಿದೆ: ಪಾಕ್ ನಾಯಕ

ಏಷ್ಯಾಕಪ್ | 41 ವರ್ಷ, 17 ಆವೃತ್ತಿ: ಮೊದಲ ಬಾರಿಗೆ ಭಾರತ vs ಪಾಕಿಸ್ತಾನ ಫೈನಲ್

ಒಳನೋಟ | ಶುಲ್ಕ ಹೆಚ್ಚಳ: ಹಗಲು ದರೋಡೆ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಚಿನಕುರುಳಿ: ಗುರುವಾರ, 25 ಸೆಪ್ಟೆಂಬರ್ 2025

Asia Cup: ಬಾಂಗ್ಲಾಕ್ಕೆ ಸೋಲು: ಫೈನಲ್‌ನಲ್ಲಿ ಭಾರತಕ್ಕೆ ಪಾಕಿಸ್ತಾನ ಎದುರಾಳಿ

ಮಕ್ಕಳು ಅಂತ್ಯಕ್ರಿಯೆ ನಡೆಸುವಂತಿಲ್ಲವೆಂದು S.L. ಭೈರಪ್ಪ ವಿಲ್ : ಗೊಂದಲದ ವಾತಾವರಣ

ಚುರುಮುರಿ: ನೀವೂ ಗಿಫ್ಟ್ ಕೊಡಿ