<p>ಬೆಂಗಳೂರು: ‘ನನಗೆ ರಾಜಕೀಯ ಅಂಟಿಬಿಟ್ಟರೆ ಒಳಗಿನ ಸಾಹಿತಿ ಸತ್ತುಬಿಡುತ್ತಾನೆ ಎಂದು ಸಾಹಿತಿಯೊಬ್ಬರು ಧಾರವಾಡದಲ್ಲಿ ಅಪ್ಪಣೆ ಕೊಡಿಸಿದ್ದಾರೆ. ಕತ್ತಲಲ್ಲೇ ಉಳಿಯುತ್ತೇವೆ, ಬೆಳಕು ಬೇಡ ಎನ್ನುವ ವಾದ ಅದಾಗಿದೆ’ ಎಂದು ಚಿಂತಕ ಡಾ.ಜಿ.ರಾಮಕೃಷ್ಣ ಅಭಿಪ್ರಾಯಪಟ್ಟರು.<br /> <br /> ಕ್ರೈಸ್ಟ್ ವಿಶ್ವವಿದ್ಯಾಲಯದ ಕನ್ನಡ ಸಂಘದಿಂದ ಶುಕ್ರವಾರ ಏರ್ಪಡಿಸಲಾಗಿದ್ದ ‘ಕವಿದಿನ’ ಕಾರ್ಯಕ್ರಮದಲ್ಲಿ ಪುಸ್ತಕ ಬಿಡುಗಡೆ ಮಾಡಿ ಅವರು ಮಾತನಾಡಿದರು. ಇತ್ತೀಚೆಗೆ ನಡೆದ ಧಾರವಾಡ ಸಾಹಿತ್ಯ ಸಂಭ್ರಮದಲ್ಲಿ ಡಾ.ಎಸ್.ಎಲ್. ಭೈರಪ್ಪ, ‘ರಾಜಕೀಯ ಸೇರಿದರೆ ನಾನು ಸಾಹಿತಿಯಾಗಿ ಸಾಯುತ್ತೇನೆ’ ಎಂದಿದ್ದರು.<br /> <br /> ‘ಲಿಯೊ ಟಾಲ್ಸ್ಟಾಯ್, ವೀರಕೇಸರಿ ಸೀತಾರಾಮಶಾಸ್ತ್ರಿ ಅವರಂತಹ ಘಟಾನುಘಟಿಗಳು ಸಹ ರಾಜಕೀಯ ಹೋರಾಟ ನಡೆಸಿದವರು. ಸಾಹಿತ್ಯದ ತುಮುಲಕ್ಕೆ ಜೀವನದ ನೇರ ಸಂಬಂಧ ಇದೆ. ಸಾಹಿತ್ಯಕ್ಕೆ ಎಲ್ಲ ಕ್ಷೇತ್ರಗಳ ನಂಟು ಅತ್ಯಗತ್ಯ’ ಎಂದು ಪ್ರತಿಪಾದಿಸಿದರು.<br /> <br /> ಪ್ರಶಂಸೆ ಒಳ್ಳೆಯದಲ್ಲ: ‘ಯುವ ಕವಿಗಳಿಗೆ ಅತಿಯಾದ ಪ್ರಶಂಸೆ ಯಾವಾಗಲೂ ಒಳ್ಳೆಯದಲ್ಲ. ಇದರಿಂದ ಅಹಂಕಾರ ಬೆಳೆದು, ಮನಸ್ಸು ಕಲುಷಿತವಾಗುತ್ತದೆ’ ಎಂದು ವಿಮರ್ಶಕ ಎಚ್.ಎಸ್. ರಾಘವೇಂದ್ರ ರಾವ್ ಅಭಿಪ್ರಾಯಪಟ್ಟರು.<br /> ಕಥೆಗಾರ ಡಾ.ಕೆ. ಸತ್ಯನಾರಾಯಣ, ‘ನಮ್ಮ ವಿದ್ಯಾರ್ಥಿ ಜೀವನದಲ್ಲಿ ಕಾಲೇಜುಗಳಲ್ಲಿ ಸಿಗುತ್ತಿದ್ದ ಸಾಂಸ್ಕೃತಿಕ ಹಾಗೂ ಸಾಹಿತ್ಯಿಕ ವಾತಾವರಣ ಈಗಿಲ್ಲ’ ಎಂದು ವಿಷಾದಿಸಿದರು.<br /> <br /> ಮುಖ್ಯ ಅತಿಥಿಯಾಗಿದ್ದ ಚಿಂತಕ ಡಾ.ಜಿ.ರಾಮಕೃಷ್ಣ ಪುಸ್ತಕಗಳನ್ನು ಬಿಡುಗಡೆ ಮಾಡಿದರು. ಕ್ರೈಸ್ಟ್ ವಿಶ್ವವಿದ್ಯಾಲಯದ ಹಣಕಾಸು ಅಧಿಕಾರಿ ಡಾ. ಕೆ.ಜೆ. ವರ್ಗಿಸ್ ಅಧ್ಯಕ್ಷತೆ ವಹಿಸಿದ್ದರು. ಕನ್ನಡ ವಿಭಾಗದ ಮುಖ್ಯಸ್ಥೆ ಡಾ.ಎಂ.ಟಿ. ರತಿ ಹಾಜರಿದ್ದರು.<br /> <br /> ಡಾ. ದ.ರಾ. ಬೇಂದ್ರೆ ಸ್ಮೃತಿ ಅಂತರ ಕಾಲೇಜು ಕವನ ಸ್ಪರ್ಧೆ ಮತ್ತು ಡಾ.ಅ.ನ.ಕೃ ಸ್ಮಾರಕ ಅಂತರ ಕಾಲೇಜು ಕಥಾ ಸ್ಪರ್ಧೆ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.<br /> <br /> ಎಚ್.ಎಸ್.ರಾಘವೇಂದ್ರರಾವ್ ಅನುವಾದಿತ ಕೃತಿ ಹತ್ತು ದಿಕ್ಕಿನ ಬೆಳಕು (ಪುಟಗಳು: 254, ಬೆಲೆ ₨ 200) ಮತ್ತು ಕನಸ ಬೆನ್ನತ್ತಿ ನಡಿಗೆ (ಬಹುಮಾನಿತ ಕವನಗಳು, ಪುಟಗಳು: 52), ಡಾ.ಅ.ನ.ಕೃ ಸ್ಮಾರಕ ಬಹುಮಾನಿತ ಕಥೆಗಳು (ಪುಟಗಳು: 50) ಈ ಸಂದರ್ಭದಲ್ಲಿ ಬಿಡುಗಡೆಯಾದ ಕೃತಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು: ‘ನನಗೆ ರಾಜಕೀಯ ಅಂಟಿಬಿಟ್ಟರೆ ಒಳಗಿನ ಸಾಹಿತಿ ಸತ್ತುಬಿಡುತ್ತಾನೆ ಎಂದು ಸಾಹಿತಿಯೊಬ್ಬರು ಧಾರವಾಡದಲ್ಲಿ ಅಪ್ಪಣೆ ಕೊಡಿಸಿದ್ದಾರೆ. ಕತ್ತಲಲ್ಲೇ ಉಳಿಯುತ್ತೇವೆ, ಬೆಳಕು ಬೇಡ ಎನ್ನುವ ವಾದ ಅದಾಗಿದೆ’ ಎಂದು ಚಿಂತಕ ಡಾ.ಜಿ.ರಾಮಕೃಷ್ಣ ಅಭಿಪ್ರಾಯಪಟ್ಟರು.<br /> <br /> ಕ್ರೈಸ್ಟ್ ವಿಶ್ವವಿದ್ಯಾಲಯದ ಕನ್ನಡ ಸಂಘದಿಂದ ಶುಕ್ರವಾರ ಏರ್ಪಡಿಸಲಾಗಿದ್ದ ‘ಕವಿದಿನ’ ಕಾರ್ಯಕ್ರಮದಲ್ಲಿ ಪುಸ್ತಕ ಬಿಡುಗಡೆ ಮಾಡಿ ಅವರು ಮಾತನಾಡಿದರು. ಇತ್ತೀಚೆಗೆ ನಡೆದ ಧಾರವಾಡ ಸಾಹಿತ್ಯ ಸಂಭ್ರಮದಲ್ಲಿ ಡಾ.ಎಸ್.ಎಲ್. ಭೈರಪ್ಪ, ‘ರಾಜಕೀಯ ಸೇರಿದರೆ ನಾನು ಸಾಹಿತಿಯಾಗಿ ಸಾಯುತ್ತೇನೆ’ ಎಂದಿದ್ದರು.<br /> <br /> ‘ಲಿಯೊ ಟಾಲ್ಸ್ಟಾಯ್, ವೀರಕೇಸರಿ ಸೀತಾರಾಮಶಾಸ್ತ್ರಿ ಅವರಂತಹ ಘಟಾನುಘಟಿಗಳು ಸಹ ರಾಜಕೀಯ ಹೋರಾಟ ನಡೆಸಿದವರು. ಸಾಹಿತ್ಯದ ತುಮುಲಕ್ಕೆ ಜೀವನದ ನೇರ ಸಂಬಂಧ ಇದೆ. ಸಾಹಿತ್ಯಕ್ಕೆ ಎಲ್ಲ ಕ್ಷೇತ್ರಗಳ ನಂಟು ಅತ್ಯಗತ್ಯ’ ಎಂದು ಪ್ರತಿಪಾದಿಸಿದರು.<br /> <br /> ಪ್ರಶಂಸೆ ಒಳ್ಳೆಯದಲ್ಲ: ‘ಯುವ ಕವಿಗಳಿಗೆ ಅತಿಯಾದ ಪ್ರಶಂಸೆ ಯಾವಾಗಲೂ ಒಳ್ಳೆಯದಲ್ಲ. ಇದರಿಂದ ಅಹಂಕಾರ ಬೆಳೆದು, ಮನಸ್ಸು ಕಲುಷಿತವಾಗುತ್ತದೆ’ ಎಂದು ವಿಮರ್ಶಕ ಎಚ್.ಎಸ್. ರಾಘವೇಂದ್ರ ರಾವ್ ಅಭಿಪ್ರಾಯಪಟ್ಟರು.<br /> ಕಥೆಗಾರ ಡಾ.ಕೆ. ಸತ್ಯನಾರಾಯಣ, ‘ನಮ್ಮ ವಿದ್ಯಾರ್ಥಿ ಜೀವನದಲ್ಲಿ ಕಾಲೇಜುಗಳಲ್ಲಿ ಸಿಗುತ್ತಿದ್ದ ಸಾಂಸ್ಕೃತಿಕ ಹಾಗೂ ಸಾಹಿತ್ಯಿಕ ವಾತಾವರಣ ಈಗಿಲ್ಲ’ ಎಂದು ವಿಷಾದಿಸಿದರು.<br /> <br /> ಮುಖ್ಯ ಅತಿಥಿಯಾಗಿದ್ದ ಚಿಂತಕ ಡಾ.ಜಿ.ರಾಮಕೃಷ್ಣ ಪುಸ್ತಕಗಳನ್ನು ಬಿಡುಗಡೆ ಮಾಡಿದರು. ಕ್ರೈಸ್ಟ್ ವಿಶ್ವವಿದ್ಯಾಲಯದ ಹಣಕಾಸು ಅಧಿಕಾರಿ ಡಾ. ಕೆ.ಜೆ. ವರ್ಗಿಸ್ ಅಧ್ಯಕ್ಷತೆ ವಹಿಸಿದ್ದರು. ಕನ್ನಡ ವಿಭಾಗದ ಮುಖ್ಯಸ್ಥೆ ಡಾ.ಎಂ.ಟಿ. ರತಿ ಹಾಜರಿದ್ದರು.<br /> <br /> ಡಾ. ದ.ರಾ. ಬೇಂದ್ರೆ ಸ್ಮೃತಿ ಅಂತರ ಕಾಲೇಜು ಕವನ ಸ್ಪರ್ಧೆ ಮತ್ತು ಡಾ.ಅ.ನ.ಕೃ ಸ್ಮಾರಕ ಅಂತರ ಕಾಲೇಜು ಕಥಾ ಸ್ಪರ್ಧೆ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.<br /> <br /> ಎಚ್.ಎಸ್.ರಾಘವೇಂದ್ರರಾವ್ ಅನುವಾದಿತ ಕೃತಿ ಹತ್ತು ದಿಕ್ಕಿನ ಬೆಳಕು (ಪುಟಗಳು: 254, ಬೆಲೆ ₨ 200) ಮತ್ತು ಕನಸ ಬೆನ್ನತ್ತಿ ನಡಿಗೆ (ಬಹುಮಾನಿತ ಕವನಗಳು, ಪುಟಗಳು: 52), ಡಾ.ಅ.ನ.ಕೃ ಸ್ಮಾರಕ ಬಹುಮಾನಿತ ಕಥೆಗಳು (ಪುಟಗಳು: 50) ಈ ಸಂದರ್ಭದಲ್ಲಿ ಬಿಡುಗಡೆಯಾದ ಕೃತಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
