ಹವ್ಯಾಸದ ಗರಿ ಮೂಡಿಸಿದ ಹಳೆಯ ನಾಣ್ಯ

ಮನಸ್ಸಿಗೆ ಖುಷಿ ನೀಡುವ ಯಾವುದೇ ಕೆಲಸವನ್ನು ಹವ್ಯಾಸ ಎನ್ನಬಹುದು. ಮನೆಯಲ್ಲಿ ಎಂದೋ ಸಿಕ್ಕ ಹಳೇ ನಾಣ್ಯಗಳು ಪುರಾತನ ಹಾಗೂ ವಿದೇಶಿ ನಾಣ್ಯಗಳ ಸಂಗ್ರಹಕ್ಕೆ ಸ್ಫೂರ್ತಿಯಾಯಿತು.

ಅಮೆರಿಕ ಸಂಯುಕ್ತ ಸಂಸ್ಥಾನ, ಬ್ರಿಟನ್‌, ಸಿಂಗಪುರ, ಇಂಡೋನೇಷ್ಯಾ, ಮಲೇಷ್ಯಾ, ನೇಪಾಳ, ಶ್ರೀಲಂಕಾ, ಪಾಕಿಸ್ತಾನ, ಕಜಕಿಸ್ತಾನ, ಸೌದಿ ಅರೇಬಿಯಾ, ಇರಾನ್‌, ಒಮಾನ್‌, ಕತಾರ್‌,  ವೆಸ್ಟ್‌ಇಂಡೀಸ್‌, ಟ್ರಿನಿಡಾಡ್‌ ಮತ್ತು ಟೊಬಾಗೋ, ಕೀನ್ಯಾ, ಇಟಲಿ, ಚೀನಾ, ಬ್ರೆಜಿಲ್‌, ರಷ್ಯಾ, ರೊಮೆನಿಯಾ, ಆಸ್ಟ್ರೇಲಿಯಾ ಮುಂತಾದ ವಿದೇಶಗಳ ನಾಣ್ಯ, ಕರೆನ್ಸಿ ನೋಟುಗಳನ್ನು ಸಂಗ್ರಹಿಸಿದ್ದಾರೆ. 

ನಗರದ ಗಿರಿನಗರದ ನಿವಾಸಿಯಾಗಿರುವ ಎನ್‌.ಗಣೇಶ ಶರ್ಮ ಅವರು ವೃತ್ತಿಯಲ್ಲಿ ಪುರೋಹಿತರು. ವಿಜಯನಗರ ಸಾಮ್ರಾಜ್ಯದ ಕಾಲದಿಂದ ಬ್ರಿಟಿಷರ ಈಸ್ಟ್‌ ಇಂಡಿಯಾ ಕಂಪೆನಿ ಕಾಲದವರೆಗೆ ದೇಶದಲ್ಲಿ ಚಲಾವಣೆಯದಲ್ಲಿದ್ದ ನಾಣ್ಯಗಳು, ಕರೆನ್ಸಿ ನೋಟುಗಳು ಸೇರಿದಂತೆ 50ಕ್ಕೂ ಹೆಚ್ಚು ರಾಷ್ಟ್ರಗಳ ನಾಣ್ಯಗಳು ಇವರ ಸಂಗ್ರಹದಲ್ಲಿವೆ. ಅಂದರೆ, ಸುಮಾರು ಒಂದು ಸಾವಿರಕ್ಕೂ ಹೆಚ್ಚು ದೇಶಿ –ವಿದೇಶಿ ನಾಣ್ಯಗಳ ಸಂಗ್ರಹವನ್ನು ಇವರು ‘ಕಾಯಿನ್‌ ಆಲ್ಬಂ’ ಮಾಡಿ ಜೋಪಾನ ಮಾಡಿದ್ದಾರೆ.