<p>ಕಣ್ಣಿಗೆ ಕಾಣಿಸಿದ ಕಲಾತ್ಮಕ ವಸ್ತುಗಳನ್ನು ತಾವೂ ಮರು ರೂಪಿಸಲು ಯತ್ನಿಸುತ್ತಿದ್ದವರು ಪುಷ್ಪಾ ದೇವಿ. ಇವರ ಹವ್ಯಾಸಕ್ಕೆ ಹಲವು ಚಹರೆಗಳಿವೆ. ಮನಸ್ಸಿಗೆ ಖುಷಿ ನೀಡುವ ಕೆಲಸವನ್ನು ಹವ್ಯಾಸವಾಗಿ ರೂಢಿಸಿಕೊಂಡವರು ಇವರು.<br /> <br /> ಚಂದದ ಕಿವಿಯೋಲೆ, ಬಣ್ಣಬಣ್ಣದ ಮಣಿಗಳ ಸುಂದರ ಹಾರ, ಅಡಿಕೆಯಲ್ಲಿ ಗಣಪತಿ, ಕುಂಚದ ಸರಾಗ ನಡಿಗೆಯಲ್ಲಿ ಒಡಮೂಡಿದ ಬಗೆಬಗೆ ಕಲಾಕೃತಿಗಳು, ಹೀಗೆ ಇವರ ಸೃಜನಶೀಲತೆ ಹಲವು ಕವಲುಗಳಲ್ಲಿ ಚಿಗುರೊಡೆದಿವೆ.<br /> <br /> ಶಿಕ್ಷಕಿಯಾಗಿದ್ದ ಇವರು ಈಗ ನಿವೃತ್ತರಾಗಿದ್ದಾರೆ. ಉದ್ಯೋಗದಲ್ಲಿದ್ದಾಗಲೂ ತಮ್ಮ ಹವ್ಯಾಸಕ್ಕೆಂದು ಇವರು ಸಮಯವನ್ನು ಮೀಸಲಿಡುತ್ತಿದ್ದರು. ಜೊತೆಗೆ ತಾವು ಪರಿಣಿತಿ ಪಡೆದ ಈ ಕಲೆಯನ್ನು ಮಕ್ಕಳಿಗೂ ಹೇಳಿಕೊಡುತ್ತಿದ್ದರು. ‘ಓದಿನ ಜೊತೆಗೆ ಮಕ್ಕಳಿಗೆ ಸೃಜನಾತ್ಮಕ ಕಲೆಯ ಬಗ್ಗೆ ಅರಿವು ಬೆಳೆಸಿದಾಗ ಅವರ ಕೌಶಲ ಹೆಚ್ಚುತ್ತದೆ’ ಎಂಬುದು ಇವರ ಅನಿಸಿಕೆ.<br /> <br /> ‘ಉದ್ಯೋಗದಲ್ಲಿದ್ದಾಗ ಮನೆಯ ಜವಾಬ್ದಾರಿಯ ಜೊತೆಗೆ ಈ ಕಲೆಗೆ ಸಮಯ ಹೊಂದಿಸಿಕೊಳ್ಳುವುದು ಕಷ್ಟವಾಗುತ್ತಿತ್ತು. ಆದರೆ ಈಗ ಸಾಕಷ್ಟು ಸಮಯ ದೊರಕುತ್ತದೆ. ದಿನದ ಬಹುಪಾಲು ಈ ಹವ್ಯಾಸಕ್ಕೆಂದೆ ಮೀಸಲಿಟ್ಟಿದ್ದೇನೆ. ಸಮಯ ಕಳೆಯುವುದೇ ತಿಳಿಯುವುದಿಲ್ಲ’ ಎನ್ನುತ್ತಾರೆ ಇವರು. ಮಾರ್ಬಲ್ ರಂಗೋಲಿ, ಸುಂದರ ವಾದ ಹೂಕುಂಡಗಳನ್ನು ಮತ್ತಷ್ಟು ಚೆಂದವಾಗಿಸಿರುವ ಕುಂದನ್ ಕುಸುರಿಗಳು ಇವರ ಪ್ರತಿಭೆಗೆ ಸಾಕ್ಷಿ.<br /> <br /> ‘ಹಬ್ಬಗಳು ಸಾಲು ಸಾಲಾಗಿ ಬರುತ್ತವೆ. ವಸ್ತುಗಳ ಬೆಲೆಗಳು ಗಗನಕ್ಕೇರುತ್ತಿದೆ. ಈ ಸಮಯದಲ್ಲಿ ಹೂಗಳ ಬೆಲೆ ಮೂರು ಪಟ್ಟು ಹೆಚ್ಚಾಗುತ್ತದೆ. ಹೂಗಳು ಒಂದೆರಡು ದಿನದಲ್ಲಿ ಬಾಡಿ ಹೋಗುತ್ತವೆ. ಹಾಗಾಗಿ ನಾವು ತಯಾರಿಸುವ ಬಾಡದ ಹೂವಿನ ಮಾಲೆ ನಿಮ್ಮ ಹಣವನ್ನು ಉಳಿಸುತ್ತದೆ’ ಎನ್ನುತ್ತಾರೆ ಇವರು.<br /> ಇವರ ಮನೆಯೊಳಗೆ ಕಾಲಿಟ್ಟರೆ ನಿಮ್ಮನ್ನು ಸ್ವಾಗತಿಸುವುದು ಕಸದಿಂದ ತಯಾರಿಸಿದ ಅಲಂಕಾರಿಕ ವಸ್ತುಗಳು, ಹತ್ತಿ, ತಾಂಬೂಲ ಚೀಲ, ಉಳಿದ ಉಲ್ಲನ್ ದಾರಗಳಿಂದ ತಯಾರಾದ ಹೂವುಗಳು, ತೋರಣಗಳು, ಹಾರಗಳು, ಆರತಿ ತಟ್ಟೆ ಮತ್ತು ಬೆಂಡಿನ ಮಂಟಪ ಇತ್ಯಾದಿ.<br /> <br /> ಹೆಚ್ಚೇನೂ ಕಷ್ಟಕೊಡದೆ ಸುಲಭದಲ್ಲಿ ತಯಾರಾಗುವ ಈ ಅಲಂಕಾರಿಕ ವಸ್ತುಗಳನ್ನು ತಯಾರಿಸುವ ಬಗೆಯನ್ನು ಸುಲಭವಾಗಿ ವಿವರಿಸುತ್ತಾರೆ ಪುಷ್ಪಾ.<br /> ‘ಚಮಕಿ, ಕುಂದನ್ಗಳಿಂದ ಮನೆಯ ಅಲಂಕಾರಿಕ ಸಾಮಗ್ರಿಗಳನ್ನು ಮತ್ತಷ್ಟು ಚೆಂದವಾಗಿಸಬಹುದು. ಸಾಮಾನ್ಯವಾಗಿ ಹಣತೆಗಳನ್ನು ನೆಲದ ಮೇಲೆ ಇರಿಸಲಾಗುತ್ತದೆ. ನಾವು ಅದನ್ನು ಇಡುವ ಸಲುವಾಗಿಯೇ ಸ್ಟ್ಯಾಂಡ್ಗಳನ್ನು ವಿನ್ಯಾಸ ಮಾಡಿದ್ದೇವೆ. ಸ್ಟ್ಯಾಂಡ್ಗಳು ದೀಪಗಳ ಸೌಂದರ್ಯವನ್ನು ಹೆಚ್ಚಿಸುತ್ತವೆ’ ಎನ್ನುತ್ತಾರೆ ಪುಷ್ಪಾ.<br /> <br /> ‘ಮದುವೆ, ನಾಮಕರಣ, ಪೂಜೆ... ಹೀಗೆ ಬಹುತೇಕ ಕಾರ್ಯಕ್ರಮಗಳಿಗೆ ಹೊಂದಿಕೆಯಾಗುವ ಉಡುಗೊರೆಗಳನ್ನು ನಾನೇ ಸಿದ್ಧಪಡಿಸಿಕೊಡುತ್ತೇನೆ. ಕಡಿಮೆ ಖರ್ಚಿನಲ್ಲಿ ಮನೆಗೆ ಉಪಯೋಗವಾಗುವ ವಸ್ತುಗಳು ಸಿಕ್ಕಂತೆ ಆಗುತ್ತದೆ’ ಎನ್ನುತ್ತಾರೆ ಪುಷ್ಪಾ.<br /> <br /> ಕಲಾಕೃತಿ ನಿರ್ಮಾಣ ಪ್ರಕ್ರಿಯೆಯನ್ನು ಪ್ರತ್ಯಕ್ಷವಾಗಿ ಯಾರಿಂದಲೂ ಕಲಿತಿಲ್ಲ. ಟಿ.ವಿ ಕಾರ್ಯಕ್ರಮಗಳನ್ನು ಗಮನಿಸುತ್ತಾ ತಾವೂ ಪ್ರಯೋಗ ಆರಂಭಿಸಿದರು. ಸಂಬಂಧಿಕರ ಮನೆಗಳಲ್ಲಿ ಕಾಣಿಸಿದ ಕಲಾತ್ಮಕ ವಸ್ತುಗಳನ್ನು ಕೇಳಿ ಪಡೆದು ಮನೆಗೆ ತರುತ್ತಿದ್ದರು. ಅದರಂತೆಯೇ ತಾವೂ ಕಲಾಕೃತಿಗಳನ್ನು ರೂಪಿಸಲು ಯತ್ನಿಸುತ್ತಿದ್ದರು. ಪ್ರಯತ್ನವಿಂದಲೇ ಕಲೆಯನ್ನು ಒಲಿಸಿಕೊಂಡರು.<br /> <br /> ಇವರ ಹವ್ಯಾಸಕ್ಕೆ ಈಗ ಮಗಳೂ ಸಹ ಜೊತೆಯಾಗಿದ್ದಾರೆ. ಇಬ್ಬರೂ ಸೇರಿ ರೇಷ್ಮೆ ದಾರಗಳಲ್ಲಿ ಬಳೆ, ಜುಮುಕಿ ಮಾಡುವುದನ್ನು ಕರಗತ ಮಾಡಿಕೊಂಡಿದ್ದಾರೆ. ಸಿಲ್ಕ್ ಆಭರಣಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಮುಂದೆ ಇವುಗಳಿಂದ ಸರಗಳನ್ನು ಮಾಡುವ ಯೋಜನೆಯಿದೆ ಎನ್ನುತ್ತಾರೆ ಪುಷ್ಪಾ. <em><strong>(ಸಂಪರ್ಕ ಸಂಖ್ಯೆ– 9611224411). </strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಣ್ಣಿಗೆ ಕಾಣಿಸಿದ ಕಲಾತ್ಮಕ ವಸ್ತುಗಳನ್ನು ತಾವೂ ಮರು ರೂಪಿಸಲು ಯತ್ನಿಸುತ್ತಿದ್ದವರು ಪುಷ್ಪಾ ದೇವಿ. ಇವರ ಹವ್ಯಾಸಕ್ಕೆ ಹಲವು ಚಹರೆಗಳಿವೆ. ಮನಸ್ಸಿಗೆ ಖುಷಿ ನೀಡುವ ಕೆಲಸವನ್ನು ಹವ್ಯಾಸವಾಗಿ ರೂಢಿಸಿಕೊಂಡವರು ಇವರು.<br /> <br /> ಚಂದದ ಕಿವಿಯೋಲೆ, ಬಣ್ಣಬಣ್ಣದ ಮಣಿಗಳ ಸುಂದರ ಹಾರ, ಅಡಿಕೆಯಲ್ಲಿ ಗಣಪತಿ, ಕುಂಚದ ಸರಾಗ ನಡಿಗೆಯಲ್ಲಿ ಒಡಮೂಡಿದ ಬಗೆಬಗೆ ಕಲಾಕೃತಿಗಳು, ಹೀಗೆ ಇವರ ಸೃಜನಶೀಲತೆ ಹಲವು ಕವಲುಗಳಲ್ಲಿ ಚಿಗುರೊಡೆದಿವೆ.<br /> <br /> ಶಿಕ್ಷಕಿಯಾಗಿದ್ದ ಇವರು ಈಗ ನಿವೃತ್ತರಾಗಿದ್ದಾರೆ. ಉದ್ಯೋಗದಲ್ಲಿದ್ದಾಗಲೂ ತಮ್ಮ ಹವ್ಯಾಸಕ್ಕೆಂದು ಇವರು ಸಮಯವನ್ನು ಮೀಸಲಿಡುತ್ತಿದ್ದರು. ಜೊತೆಗೆ ತಾವು ಪರಿಣಿತಿ ಪಡೆದ ಈ ಕಲೆಯನ್ನು ಮಕ್ಕಳಿಗೂ ಹೇಳಿಕೊಡುತ್ತಿದ್ದರು. ‘ಓದಿನ ಜೊತೆಗೆ ಮಕ್ಕಳಿಗೆ ಸೃಜನಾತ್ಮಕ ಕಲೆಯ ಬಗ್ಗೆ ಅರಿವು ಬೆಳೆಸಿದಾಗ ಅವರ ಕೌಶಲ ಹೆಚ್ಚುತ್ತದೆ’ ಎಂಬುದು ಇವರ ಅನಿಸಿಕೆ.<br /> <br /> ‘ಉದ್ಯೋಗದಲ್ಲಿದ್ದಾಗ ಮನೆಯ ಜವಾಬ್ದಾರಿಯ ಜೊತೆಗೆ ಈ ಕಲೆಗೆ ಸಮಯ ಹೊಂದಿಸಿಕೊಳ್ಳುವುದು ಕಷ್ಟವಾಗುತ್ತಿತ್ತು. ಆದರೆ ಈಗ ಸಾಕಷ್ಟು ಸಮಯ ದೊರಕುತ್ತದೆ. ದಿನದ ಬಹುಪಾಲು ಈ ಹವ್ಯಾಸಕ್ಕೆಂದೆ ಮೀಸಲಿಟ್ಟಿದ್ದೇನೆ. ಸಮಯ ಕಳೆಯುವುದೇ ತಿಳಿಯುವುದಿಲ್ಲ’ ಎನ್ನುತ್ತಾರೆ ಇವರು. ಮಾರ್ಬಲ್ ರಂಗೋಲಿ, ಸುಂದರ ವಾದ ಹೂಕುಂಡಗಳನ್ನು ಮತ್ತಷ್ಟು ಚೆಂದವಾಗಿಸಿರುವ ಕುಂದನ್ ಕುಸುರಿಗಳು ಇವರ ಪ್ರತಿಭೆಗೆ ಸಾಕ್ಷಿ.<br /> <br /> ‘ಹಬ್ಬಗಳು ಸಾಲು ಸಾಲಾಗಿ ಬರುತ್ತವೆ. ವಸ್ತುಗಳ ಬೆಲೆಗಳು ಗಗನಕ್ಕೇರುತ್ತಿದೆ. ಈ ಸಮಯದಲ್ಲಿ ಹೂಗಳ ಬೆಲೆ ಮೂರು ಪಟ್ಟು ಹೆಚ್ಚಾಗುತ್ತದೆ. ಹೂಗಳು ಒಂದೆರಡು ದಿನದಲ್ಲಿ ಬಾಡಿ ಹೋಗುತ್ತವೆ. ಹಾಗಾಗಿ ನಾವು ತಯಾರಿಸುವ ಬಾಡದ ಹೂವಿನ ಮಾಲೆ ನಿಮ್ಮ ಹಣವನ್ನು ಉಳಿಸುತ್ತದೆ’ ಎನ್ನುತ್ತಾರೆ ಇವರು.<br /> ಇವರ ಮನೆಯೊಳಗೆ ಕಾಲಿಟ್ಟರೆ ನಿಮ್ಮನ್ನು ಸ್ವಾಗತಿಸುವುದು ಕಸದಿಂದ ತಯಾರಿಸಿದ ಅಲಂಕಾರಿಕ ವಸ್ತುಗಳು, ಹತ್ತಿ, ತಾಂಬೂಲ ಚೀಲ, ಉಳಿದ ಉಲ್ಲನ್ ದಾರಗಳಿಂದ ತಯಾರಾದ ಹೂವುಗಳು, ತೋರಣಗಳು, ಹಾರಗಳು, ಆರತಿ ತಟ್ಟೆ ಮತ್ತು ಬೆಂಡಿನ ಮಂಟಪ ಇತ್ಯಾದಿ.<br /> <br /> ಹೆಚ್ಚೇನೂ ಕಷ್ಟಕೊಡದೆ ಸುಲಭದಲ್ಲಿ ತಯಾರಾಗುವ ಈ ಅಲಂಕಾರಿಕ ವಸ್ತುಗಳನ್ನು ತಯಾರಿಸುವ ಬಗೆಯನ್ನು ಸುಲಭವಾಗಿ ವಿವರಿಸುತ್ತಾರೆ ಪುಷ್ಪಾ.<br /> ‘ಚಮಕಿ, ಕುಂದನ್ಗಳಿಂದ ಮನೆಯ ಅಲಂಕಾರಿಕ ಸಾಮಗ್ರಿಗಳನ್ನು ಮತ್ತಷ್ಟು ಚೆಂದವಾಗಿಸಬಹುದು. ಸಾಮಾನ್ಯವಾಗಿ ಹಣತೆಗಳನ್ನು ನೆಲದ ಮೇಲೆ ಇರಿಸಲಾಗುತ್ತದೆ. ನಾವು ಅದನ್ನು ಇಡುವ ಸಲುವಾಗಿಯೇ ಸ್ಟ್ಯಾಂಡ್ಗಳನ್ನು ವಿನ್ಯಾಸ ಮಾಡಿದ್ದೇವೆ. ಸ್ಟ್ಯಾಂಡ್ಗಳು ದೀಪಗಳ ಸೌಂದರ್ಯವನ್ನು ಹೆಚ್ಚಿಸುತ್ತವೆ’ ಎನ್ನುತ್ತಾರೆ ಪುಷ್ಪಾ.<br /> <br /> ‘ಮದುವೆ, ನಾಮಕರಣ, ಪೂಜೆ... ಹೀಗೆ ಬಹುತೇಕ ಕಾರ್ಯಕ್ರಮಗಳಿಗೆ ಹೊಂದಿಕೆಯಾಗುವ ಉಡುಗೊರೆಗಳನ್ನು ನಾನೇ ಸಿದ್ಧಪಡಿಸಿಕೊಡುತ್ತೇನೆ. ಕಡಿಮೆ ಖರ್ಚಿನಲ್ಲಿ ಮನೆಗೆ ಉಪಯೋಗವಾಗುವ ವಸ್ತುಗಳು ಸಿಕ್ಕಂತೆ ಆಗುತ್ತದೆ’ ಎನ್ನುತ್ತಾರೆ ಪುಷ್ಪಾ.<br /> <br /> ಕಲಾಕೃತಿ ನಿರ್ಮಾಣ ಪ್ರಕ್ರಿಯೆಯನ್ನು ಪ್ರತ್ಯಕ್ಷವಾಗಿ ಯಾರಿಂದಲೂ ಕಲಿತಿಲ್ಲ. ಟಿ.ವಿ ಕಾರ್ಯಕ್ರಮಗಳನ್ನು ಗಮನಿಸುತ್ತಾ ತಾವೂ ಪ್ರಯೋಗ ಆರಂಭಿಸಿದರು. ಸಂಬಂಧಿಕರ ಮನೆಗಳಲ್ಲಿ ಕಾಣಿಸಿದ ಕಲಾತ್ಮಕ ವಸ್ತುಗಳನ್ನು ಕೇಳಿ ಪಡೆದು ಮನೆಗೆ ತರುತ್ತಿದ್ದರು. ಅದರಂತೆಯೇ ತಾವೂ ಕಲಾಕೃತಿಗಳನ್ನು ರೂಪಿಸಲು ಯತ್ನಿಸುತ್ತಿದ್ದರು. ಪ್ರಯತ್ನವಿಂದಲೇ ಕಲೆಯನ್ನು ಒಲಿಸಿಕೊಂಡರು.<br /> <br /> ಇವರ ಹವ್ಯಾಸಕ್ಕೆ ಈಗ ಮಗಳೂ ಸಹ ಜೊತೆಯಾಗಿದ್ದಾರೆ. ಇಬ್ಬರೂ ಸೇರಿ ರೇಷ್ಮೆ ದಾರಗಳಲ್ಲಿ ಬಳೆ, ಜುಮುಕಿ ಮಾಡುವುದನ್ನು ಕರಗತ ಮಾಡಿಕೊಂಡಿದ್ದಾರೆ. ಸಿಲ್ಕ್ ಆಭರಣಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಮುಂದೆ ಇವುಗಳಿಂದ ಸರಗಳನ್ನು ಮಾಡುವ ಯೋಜನೆಯಿದೆ ಎನ್ನುತ್ತಾರೆ ಪುಷ್ಪಾ. <em><strong>(ಸಂಪರ್ಕ ಸಂಖ್ಯೆ– 9611224411). </strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
