ಸರ್ಕಾರದ ಹಣ ಸದ್ಬಳಕೆಯಾದರೆ ಅಭಿವೃದ್ಧಿ

 

ತಾಲ್ಲೂಕಿನ ಹುಲಸೂರನಲ್ಲಿ ಕನ್ನಡ ಸಾಹಿತ್ಯ ಪರಿಷತ್ತಿನಿಂದ ಸೋಮವಾರ ನಡೆದ ಕಲ್ಯಾಣ ಕರ್ನಾಟಕ ಕನ್ನಡ ಸಾಹಿತ್ಯ ಸಮ್ಮೇಳನದ ಎರಡನೇ ದಿನದ ಪ್ರಾದೇಶಿಕ ಅಸಮಾನತೆ ಗೋಷ್ಠಿಯಲ್ಲಿ ಅವರು ಮಾತನಾಡಿದರು.

 

‘ರಾಜ್ಯದಲ್ಲಿ ಕೆಲವೆಡೆ ಅಭಿವೃದ್ಧಿಯಲ್ಲಿ ತಾರತಮ್ಯ ಆಗಿದೆ. ಇದಕ್ಕೆ ಜನಪ್ರತಿನಿಧಿಗಳ ನಿರ್ಲಕ್ಷವೂ ಕಾರಣವಾಗಿದೆ. ನಾಡಿನ ಸಮಗ್ರ ಅಭಿವೃದ್ಧಿ ಆಗಬೆಕು. ನಿರುದ್ಯೋಗಿಯಾದ ಕನ್ನಡಿಗರಿಗೆ ಉದ್ಯೋಗ ದೊರಕಬೇಕು ಎಂಬ ಕೂಗು ಮೊದಲಿನಿಂದಲೂ ಇದೆ. ಇದಕ್ಕಾಗಿ ಸರೋಜನಿ ಮಹಿಷಿ ಸಮಿತಿ ರಚಿಸಲಾಗಿತ್ತು. ಆ ವರದಿ ಜಾರಿ ಆಗುವುದು ಅತ್ಯಂತ ಅವಶ್ಯಕವಾಗಿದೆ’ ಎಂದರು.

 

‘ಕೈಗಾರಿಕೋದ್ಯಮಗಳಲ್ಲಿ ಕನ್ನಡಿಗರಿಗೆ ಮೊದಲ ಆದ್ಯತೆ ನೀಡಬೇಕು. ಉದ್ಯಮಗಳನ್ನು ಬರೀ ಅನ್ಯರೆ ಸ್ಥಾಪಿಸುತ್ತಿದ್ದಾರೆ. ಕನ್ನಡಿಗರು ಇದಕ್ಕಾಗಿ ಮುಂದೆ ಬಂದರೆ ಸರ್ಕಾರ ಸಕಲ ಸೌಲಭ್ಯಗಳನ್ನು ನೀಡಬೇಕು. ಇದಕ್ಕಾಗಿ ವಿವಿಧ ಸಂಘಟನೆಯವರು ಪ್ರಯತ್ನಿಸಬೇಕಾಗಿದೆ’ ಎಂದರು.

 

ಗುಲಬರ್ಗಾ ವಿಶ್ವವಿದ್ಯಾಲಯದ ವಿದ್ಯಾವಿಷಯಕ ಸಮಿತಿ ಸದಸ್ಯ ಡಾ.ರಝಾಕ್ ಉಸ್ತಾದ್ ಮಾತನಾಡಿ, ‘ಸಂವಿಧಾನದ 371(ಜೆ) ಕಲಂ ಅನುಷ್ಠಾನದಲ್ಲಿ ಅನೇಕ ಅಡೆತಡೆಗಳಿವೆ. ಇದನ್ನು ಸರಿಪಡಿಸಿ ಜನರಿಗೆ ಹೆಚ್ಚಿನ ಅನುಕೂಲ ಆಗುವಂತೆ ನೋಡಿಕೊಳ್ಳಬೇಕಾಗಿದೆ. ಶೈಕ್ಷಣಿಕ, ಸಾಮಾಜಿಕ ಮತ್ತು ರಾಜಕೀಯವಾಗಿ ಬೆಳೆಯಲು ಈ ಭಾಗದವರಿಗೆ ಸಹಕರಿಸುವ ಅಗತ್ಯವಿದೆ’ ಎಂದು ಹೇಳಿದರು.

 

ಹೈದರಾಬಾದ್ ಕರ್ನಾಟಕ ಹೋರಾಟ ಸಮಿತಿ ವಿಭಾಗೀಯ ಕಾರ್ಯದರ್ಶಿ ಅನಿಲಕುಮಾರ ಬೆಲ್ದಾರ ಮಾತನಾಡಿ, ‘ಈ ಭಾಗ ಹಿಂದುಳಿಯಲು ಇಲ್ಲಿನ ಜನಪ್ರತಿನಿಧಿಗಳೇ ಕಾರಣರಾಗಿದ್ದಾರೆ. ಇತ್ತೀಚಿಗೆ ನಡೆದ ಬೆಳಗಾವಿ ಅಧಿವೇಶನದಲ್ಲಿ ಇಲ್ಲಿನ ಯಾವೊಬ್ಬ ಶಾಸಕ ಕೂಡ ಜನರ ಸಮಸ್ಯೆಗಳ ಬಗ್ಗೆ ದನಿ ಎತ್ತದಿರುವುದು ದುರ್ದೈವದ ಸಂಗತಿ’ ಎಂದು ವಿಷಾದಿಸಿದರು.

 

‘371(ಜೆ) ಜಾರಿಗಾಗಿ ಯಾವುದೇ ಹಾನಿ ಮಾಡದೆ ಶಾಂತಿಯುತವಾಗಿ ಹೋರಾಟ ನಡೆಸಲಾಯಿತು. ಆದರೆ, ಇದಕ್ಕಾಗಿ ಹೋರಾಡಿದವರೇ ಬೇರೆ. ಸನ್ಮಾನ ಮಾಡಿಸಿಕೊಂಡು ಮೆರೆಯುತ್ತಿರುವವರೇ ಬೇರೆಯಾಗಿದ್ದಾರೆ’ ಎಂದರು.

 

ಸಮ್ಮೇಳನಾಧ್ಯಕ್ಷ ಡಾ.ಚನ್ನಣ್ಣ ವಾಲಿಕಾರ, ಶಿವಾನಂದ ಸ್ವಾಮೀಜಿ, ಸಾಯಗಾಂವ ಶಿವಾನಂದ ದೇವರು, ಕನ್ನಡ ಸಾಹಿತ್ಯ ಪರಿಷತ್ತಿನ ಬಳ್ಳಾರಿ ಜಿಲ್ಲಾ ಘಟಕದ ಅಧ್ಯಕ್ಷ ಸಿದ್ರಾಮ ಕಲ್ಮಠ, ರಾಜಶೇಖರ ಅಂಗಡಿ, ಸುರೇಶ ಚನ್ನಶೆಟ್ಟಿ, ಡಾ.ಬಸವರಾಜ ಬಲ್ಲೂರ, ಎಂ.ಎಸ್.ಮನೋಹರ, ರುದ್ರಮಣಿ ಮಠಪತಿ, ದೇವೀಂದ್ರ ಬರಗಾಲೆ , ಧನರಾಜ ರಾಜೋಳೆ ಉಪಸ್ಥಿತರಿದ್ದರು. ಡಾ.ಫಕಿರಪ್ಪ ವಜ್ರಬಂಡಿ, ಡಾ.ಶರಣಪ್ಪ ನಿಡಶೇಷಿ, ರೇವಣಪ್ಪ ಪಾಟೀಲ, ಶಕುಂತಲಾ ತಂಬಾಕೆ ಅವರನ್ನು ಸನ್ಮಾನಿಸಲಾಯಿತು. ಶಾಂತಲಿಂಗ ಮಠಪತಿ ನಿರೂಪಿಸಿ, ಕೆ.ಜಿ.ಶರಣಪ್ಪ ವಂದಿಸಿದರು.

 

**

ಬಸವಕಲ್ಯಾಣ: ತಾಲ್ಲೂಕಿನ ಹುಲಸೂರನಲ್ಲಿ ಕಲ್ಯಾಣ ಕರ್ನಾಟಕ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಕೆಪಿಸಿಸಿ ಕಾರ್ಯದರ್ಶಿ ಬಿ.ನಾರಾಯಣ ಅವರ ವಿರುದ್ಧ ಯುವಕರು ಧಿಕ್ಕಾರ ಕೂಗಿದ ಘಟನೆ ಭಾನುವಾರ ನಡೆದಿದೆ.

 

 

**

ಸಮ್ಮೇಳನದಲ್ಲಿ ಇಂದು

 

**

‘ಜಾತಿ ಉಳಿಸಲು ಪೀಠ ಸ್ಥಾಪನೆಯಾದವು...’