ವಿವರಣೆ ಕೋರಿ ಖಾತೆದಾರರಿಗೆ ಪತ್ರ

ನೋಟು ರದ್ದತಿಯ ಪರಿಣಾಮವಾಗಿ ಸರ್ಕಾರಿ ಸ್ವಾಮ್ಯದ ನೋಟು ಮುದ್ರಣ ಮತ್ತು ನಾಣ್ಯ ಟಂಕಿಸುವ ನಿಗಮವು (ಎಸ್‌ಪಿಎಂಸಿಐಎಲ್) ಸಂಪೂರ್ಣವಾಗಿ ಲಾಭದ ಹಾದಿಗೆ ಬಂದಿದೆ. ನಿಗಮವು ತನ್ನ ಮೇಲಿದ್ದ ಎಲ್ಲ ಸಾಲಗಳನ್ನು ತೀರಿಸಿದೆ.

 

ನಿಗಮವು ಲಾಭಾಂಶ ಪಾವತಿ ಮೂಲಕ ಕೇಂದ್ರದ ಬೊಕ್ಕಸಕ್ಕೆ ಈ ವರ್ಷ ಹಣ ಪಾವತಿ ಮಾಡಿದೆ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರು ಸರ್ಕಾರಿ ಮುದ್ರಣಾಲಯದ ಸಂಸ್ಥಾಪನಾ ದಿನಾಚರಣೆಯಲ್ಲಿ ಹೇಳಿದರು.

 

₹ 500 ಹಾಗೂ ಅದಕ್ಕಿಂತ ಕಡಿಮೆ ಮುಖಬೆಲೆಯ ನಾಣ್ಯಗಳನ್ನು ಎಸ್‌ಪಿಎಂಸಿಐಎಲ್‌ ಮುದ್ರಿಸುತ್ತದೆ. ₹ 2000 ಮುಖಬೆಲೆಯ ನೋಟುಗಳನ್ನು ಆರ್‌ಬಿಐ ಮುದ್ರಣಾಲಯದಲ್ಲಿ ಮುದ್ರಿಸಲಾಗುತ್ತದೆ.

 

‘ಈ ವರ್ಷ ಬಾಂಡ್‌ಗಳನ್ನು ಹೊರಡಿಸುವ ಆಲೋಚನೆ ಇದೆ’ ಎಂದು ಎಸ್‌ಪಿಎಂಸಿಐಲ್‌ ಅಧ್ಯಕ್ಷ ಪ್ರವೀಣ್ ಗರ್ಗ್ ತಿಳಿಸಿದರು.

 

ಸ್ವದೇಶಿ ಕಾಗದ: ಮೈಸೂರು ಮತ್ತು ಹೋಶಂಗಬಾದ್‌ನಲ್ಲಿರುವ ಕೇಂದ್ರ ಸರ್ಕಾರದ ನೋಟು ಮುದ್ರಣಾಲಯಗಳಲ್ಲಿ, ನೋಟುಗಳನ್ನು ಮುದ್ರಿಸಲು ಶೇ 50ರಷ್ಟು ಸ್ವದೇಶಿ ಕಾಗದಗಳನ್ನೇ ಬಳಸಲಾಗುತ್ತಿದೆ. ಮೊದಲು ಈ ಪ್ರಮಾಣ ತೀರಾ ಕಡಿಮೆ ಇತ್ತು. ಹೊಸ ನೋಟುಗಳ ವಿನ್ಯಾಸಕ್ಕೆ ಸ್ವದೇಶಿ ಕಾಗದ ಸರಿಯಾಗಿ ಹೊಂದಿಕೊಳ್ಳುತ್ತದೆ. ಹೀಗಾಗಿ ಸ್ವದೇಶಿ ಕಾಗದದ ಬಳಕೆ ಪ್ರಮಾಣವನ್ನು ಮತ್ತಷ್ಟು ಹೆಚ್ಚಿಸಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ.

ಮೊತ್ತ ಎಷ್ಟು

ಗರಿಷ್ಠ ಮುಖಬೆಲೆಯ ನೋಟು ರದ್ದತಿಯ ನಂತರದ 50 ದಿನಗಳಲ್ಲಿ ಒಂದೇ ಖಾತೆಗೆ ₹ 2 ಲಕ್ಷಕ್ಕಿಂತ ಹೆಚ್ಚು ಜಮೆ ಆಗಿರುವುದರ ಮೊತ್ತ ₹10 ಲಕ್ಷ ಕೋಟಿ. ಒಟ್ಟು ಒಂದು ಕೋಟಿ ಖಾತೆಗಳಲ್ಲಿ ಈ ಮೊತ್ತ ಜಮೆಯಾಗಿದೆ. ಅದರ ಪೈಕಿ ಅನುಮಾನಕ್ಕೆ ಕಾರಣವಾದ  18 ಲಕ್ಷ ಖಾತೆದಾರರಿಂದ ವಿವರಣೆ ಕೋರಲಾಗಿದೆ.

ತೆರಿಗೆ ವಂಚನೆಗೆ ಯತ್ನಿಸುತ್ತಿದ್ದಾರೆ ಎಂಬ ಖಚಿತ ಸಾಕ್ಷ್ಯ ಇದ್ದರೆ ಮಾತ್ರ ಅಂಥವರ ವಿರುದ್ಧ ತನಿಖೆ ಮತ್ತು ಶೋಧ ನಡೆಸಲಾಗುವುದು.

-ಆದಾಯ ತೆರಿಗೆ ಇಲಾಖೆ