ಸರ್ಫರಾಜ್‌ ಖಾನ್‌ ಹೇಳಿಕೆ

ಸಾವಯವ ಗೊಬ್ಬರ ಖರೀದಿಗೆ ಹೊಸ ನೀತಿ

ಕಸ ವಿಂಗಡಣೆ ಮತ್ತು ಕಸವನ್ನು ಗೊಬ್ಬರವನ್ನಾಗಿ ಪರಿವರ್ತಿಸುವ ವಿಧಾನಗಳ ಬಗ್ಗೆ ತಿಳಿಸಿಕೊಡಲು ಸಾವಯವ ಗೊಬ್ಬರ ಸಂತೆಯನ್ನು ಪ್ರತಿ ವಾರ್ಡ್‌ನಲ್ಲೂ ನಡೆಸಲಾಗುತ್ತಿದೆ. ಅಪಾರ್ಟ್‌ಮೆಂಟ್‌ಗಳ ಸಮುಚ್ಚಯಗಳಲ್ಲಿ ಉತ್ಪತ್ತಿಯಾಗುವ ಕಸದಿಂದ ಸಾವಯವ ಗೊಬ್ಬರ ತಯಾರಿಸುವುದನ್ನು ಕಡ್ಡಾಯ ಮಾಡಲಾಗಿದೆ.

ಕಾರ್ಯಾಗಾರವನ್ನು ಸರ್ಫರಾಜ್‌ ಖಾನ್‌ (ಎಡದಿಂದ ಎರಡನೆಯವರು) ಉದ್ಘಾಟಿಸಿದರು. ಮೇಘಾ ಶೆಣೈ, ಒಡಿಶಾದ ಭುವನೇಶ್ವರದ ಎಸ್‌.ಜಿ.ಆರ್‌ ಲಿಮಿಟೆಡ್‌ನ ನಿರ್ದೇಶಕ ಪಿ.ನರಸಿಂಗ ಹಾಗೂ ಮಹಾರಾಷ್ಟ್ರದ ಥಾಣೆಯ ನೇತ್ರತಜ್ಞೆ ಡಾ. ಲತಾ ಇದ್ದಾರೆ –ಪ್ರಜಾವಾಣಿ ಚಿತ್ರ

ಬೆಂಗಳೂರು: ‘ನಗರದಲ್ಲಿ ಕಸದಿಂದ ತಯಾರಾಗುವ ಸಾವಯವ ಗೊಬ್ಬರ ಖರೀದಿಗೆ ಸಂಬಂಧಪಟ್ಟಂತೆ ನೀತಿ ರೂಪಿಸಲು ಚಿಂತನೆ ನಡೆಸಲಾಗಿದೆ’ ಎಂದು ಬಿಬಿಎಂಪಿ ಜಂಟಿ ಆಯುಕ್ತ (ಆರೋಗ್ಯ ಮತ್ತು ಘನತ್ಯಾಜ್ಯ ನಿರ್ವಹಣೆ) ಸರ್ಫರಾಜ್‌ ಖಾನ್‌ ಹೇಳಿದರು.

ಅಶೋಕ ಪರಿಸರ ಸಂಶೋಧನಾ ಹಾಗೂ ಸಂರಕ್ಷಣಾ ಸಂಸ್ಥೆ (ಏಟ್ರಿ) ವತಿಯಿಂದ ನಗರದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ‘ಘನತ್ಯಾಜ್ಯ ನಿರ್ವಹಣೆ ನೀತಿ’ ಕುರಿತ ಕಾರ್ಯಾಗಾರವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

‘ಕಸ ವಿಂಗಡಣೆ ಮತ್ತು ಕಸವನ್ನು ಗೊಬ್ಬರವನ್ನಾಗಿ ಪರಿವರ್ತಿಸುವ ವಿಧಾನಗಳ ಬಗ್ಗೆ ತಿಳಿಸಿಕೊಡಲು ಸಾವಯವ ಗೊಬ್ಬರ ಸಂತೆಯನ್ನು ಪ್ರತಿ ವಾರ್ಡ್‌ನಲ್ಲೂ ನಡೆಸಲಾಗುತ್ತಿದೆ. ಅಪಾರ್ಟ್‌ಮೆಂಟ್‌ಗಳ ಸಮುಚ್ಚಯಗಳಲ್ಲಿ ಉತ್ಪತ್ತಿಯಾಗುವ ಕಸದಿಂದ ಸಾವಯವ ಗೊಬ್ಬರ ತಯಾರಿಸುವುದನ್ನು ಕಡ್ಡಾಯ ಮಾಡಲಾಗಿದೆ. ನಗರದಲ್ಲಿ ತಯಾರಾಗುವ ಗೊಬ್ಬರವನ್ನು ಬಿಬಿಎಂಪಿ ಖರೀದಿಸಲಿದೆ. ಹೀಗಾಗಿ ಬೆಲೆ ನಿಗದಿ ಹಾಗೂ ಖರೀದಿ ಕುರಿತು ನೀತಿ ರೂಪಿಸಲು ಚರ್ಚೆ ನಡೆಸಲಾಗುತ್ತಿದೆ’ ಎಂದರು.

‘ಅಪಾರ್ಟ್‌ಮೆಂಟ್‌ಗಳ ಸಮುಚ್ಚಯಗಳಲ್ಲಿ ಅಗತ್ಯ ಉಪಕರಣಗಳನ್ನು ಅಳವಡಿಸಿಕೊಂಡು ಗೊಬ್ಬರ ತಯಾರಿಸಬಹುದು. ಇಲ್ಲವೇ ಈ ಹೊಣೆಯನ್ನು ಏಜೆನ್ಸಿಗಳಿಗೆ ವಹಿಸಬಹುದು. ಒಟ್ಟಿನಲ್ಲಿ ಅಲ್ಲಿನ ಕಸ ಅಲ್ಲೇ ಗೊಬ್ಬರವಾಗಿ ಪರಿವರ್ತನೆಯಾಗಬೇಕು’ ಎಂದು ಹೇಳಿದರು.

ಏಟ್ರಿ ಸಂಸ್ಥೆಯ ಮೇಘಾ ಶೆಣೈ ಮಾತನಾಡಿ, ‘2012ರಲ್ಲಿ ಜಾರಿಗೊಂಡ ಘನತ್ಯಾಜ್ಯ ನಿರ್ವಹಣೆ ನೀತಿಯ ಅನುಷ್ಠಾನ ಕುರಿತು 2016ರ ಮಾರ್ಚ್‌ನಲ್ಲಿ  ಅಧ್ಯಯನ ಆರಂಭಿಸಲಾಯಿತು. ಈ ಅಧ್ಯಯನ ತಂಡದಲ್ಲಿ ಐವರು ಸದಸ್ಯರಿದ್ದಾರೆ.  50ಕ್ಕಿಂತ ಹೆಚ್ಚಿನ ಫ್ಲ್ಯಾಟ್‌ಗಳನ್ನು ಒಳಗೊಂಡ ಅಪಾರ್ಟ್‌ಮೆಂಟ್‌ಗಳ ಸಮುಚ್ಚಯಗಳನ್ನು ಗುರಿಯಾಗಿಸಿಕೊಂಡು ಈ ಅಧ್ಯಯನ ನಡೆಸಲಾಗಿದೆ’ ಎಂದರು.

‘ಕೋರಮಂಗಲ, ಜಯನಗರ, ಮಲ್ಲೇಶ್ವರ ಹಾಗೂ ಚಲ್ಲಘಟ್ಟದಲ್ಲಿ ಅಧ್ಯಯನ ನಡೆಸಿದ್ದು, ಅಪಾರ್ಟ್‌ಮೆಂಟ್‌ ನಿವಾಸಿಗಳು, ಗುತ್ತಿಗೆದಾರರು ಹಾಗೂ ಬಿಬಿಎಂಪಿ ಅಧಿಕಾರಿಗಳನ್ನು ಮಾತನಾಡಿಸಲಾಗಿದೆ. ಈ ಬಗ್ಗೆ ಪ್ರಶ್ನಾವಳಿ ಸಿದ್ಧಪಡಿಸಿ ಮಾಹಿತಿ ಸಂಗ್ರಹಿಸಲಾಗಿದೆ. 74 ಜನರ ಸಂದರ್ಶನ ನಡೆಸಲಾಗಿದೆ’ ಎಂದರು.

‘ಗುತ್ತಿಗೆದಾರರ ಮಾಫಿಯಾದಿಂದ ಕಸ ವಿಂಗಡಣೆ ಹಾಗೂ ವಿಲೇವಾರಿ ಸಮರ್ಪಕವಾಗಿ ಆಗುತ್ತಿಲ್ಲ. ಅವರು ಒಣ ಹಾಗೂ ಹಸಿ ಕಸವನ್ನು ಮಿಶ್ರಣ ಮಾಡುತ್ತಾರೆ. ಅಪಾರ್ಟ್‌ಮೆಂಟ್‌ಗಳ ಸಮುಚ್ಚಯಗಳಲ್ಲಿ ಹಸಿ ಹಾಗೂ ಒಣಕಸ ವಿಂಗಡಣೆ ಸಮರ್ಪಕವಾಗಿ ಮಾಡಲಾಗುತ್ತಿದೆ. ಆದರೆ, ಸ್ಯಾನಿಟರಿ ತ್ಯಾಜ್ಯ ವಿಂಗಡಣೆ ಹಾಗೂ ವಿಲೇವಾರಿ ಸಮರ್ಪಕವಾಗಿ ಆಗುತ್ತಿಲ್ಲ’ ಎಂದರು.

ಅಧ್ಯಯನ ತಂಡದ ಸದಸ್ಯರು: ಚೀನಾದ ಸಿಚುವಾನ್ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕಿ ಕ್ಸುವಾ ಜಾಂಗ್‌, ಏಟ್ರಿ ಸಂಸ್ಥೆಯ ಮೇಘಾ ಶೆಣೈ, ಡಾ.ಶ್ವೇತ್‌ಮಾಲಾ ಕಶ್ಯಪ್‌, ಡಾ.ಕೆ. ಪೂರ್ಣಿಮಾ ವಾಸ್ದಾನಿ, ಅಭಿಷೇಕ್‌ ವಿಜಯ್‌ ಗೋಪಾಲ್‌ ಅಧ್ಯಯನ ತಂಡದಲ್ಲಿದ್ದಾರೆ.

**

ಚೀನಾದಲ್ಲಿ ಜಾರಿ
ಕ್ಸುವಾ ಜಾಂಗ್‌ ಅವರು ಚೀನಾದಿಂದ ‘ಸ್ಕೈಪ್‌’ ಮೂಲಕ ಮಾತನಾಡಿ, ‘ಚೀನಾದಲ್ಲಿ ಕಸವನ್ನು ಸುಡಲಾಗುತ್ತಿದೆ. ಬೆಂಗಳೂರಿನಲ್ಲಿ ನಡೆಸಿದ್ದ ಘನತ್ಯಾಜ್ಯ ನಿರ್ವಹಣೆ ನೀತಿ ಕುರಿತ ಅಧ್ಯಯನದ ವರದಿಯನ್ನು ಚೀನಾದಲ್ಲಿ ಜಾರಿಗೊಳಿಸಲು ಸಿದ್ಧತೆ ಮಾಡಿಕೊಳ್ಳಲಾಗಿದೆ.

ಈ ಬಗ್ಗೆ ಎನ್‌ಜಿಒಗಳೊಂದಿಗೆ ಮಾತುಕತೆ ನಡೆಸಲಾಗಿದ್ದು, ಮುಂದಿನ ವಾರದಿಂದ ಕಸ ವಿಂಗಡಣೆ ಹಾಗೂ ಸಾವಯವ ಗೊಬ್ಬರ ತಯಾರಿಕೆಗೆ ಚಾಲನೆ ನೀಡಲಾಗುತ್ತದೆ’ ಎಂದರು.

‘ಕಸ ವಿಂಗಡಣೆ, ವಿಲೇವಾರಿಗೆ ಸಂಬಂಧಿಸಿದಂತೆ ಬೆಂಗಳೂರಿನಲ್ಲಿ ಇರುವಂತೆ ಚೀನಾದಲ್ಲೂ ಗುತ್ತಿಗೆದಾರ ಮಾಫಿಯಾ ಇದೆ. ಇದರಿಂದ ಕಸ ವಿಲೇವಾರಿ ದೊಡ್ಡ ಸವಾಲಾಗಿ ಪರಿಣಮಿಸಿದೆ’ ಎಂದರು.

Comments
ಈ ವಿಭಾಗದಿಂದ ಇನ್ನಷ್ಟು
ಪೂಜೆಗೆ ಸಿದ್ಧನಾಗುತ್ತಿದ್ದಾನೆ ಪಿಒಪಿ ಗಣಪ

ಉತ್ಸವ ಒಕ್ಕೂಟಗಳ ವಿರೋಧ
ಪೂಜೆಗೆ ಸಿದ್ಧನಾಗುತ್ತಿದ್ದಾನೆ ಪಿಒಪಿ ಗಣಪ

22 Jul, 2017

ಬಿಜೆಪಿಯಲ್ಲಿ ಮೂಲೆಗುಂಪು
ಮಾಜಿ ಸಚಿವ ಧನಂಜಯ ಕುಮಾರ್‌ ಕಾಂಗ್ರೆಸ್ ಸೇರ್ಪಡೆ

ಬಿಜೆಪಿಯಿಂದ 1983ರಲ್ಲಿ ಮೊದಲ ಬಾರಿಗೆ ಶಾಸಕರಾಗಿ ಆಯ್ಕೆ ಆದರು. ಬಳಿಕ 1991ರಿಂದ ನಾಲ್ಕು ಬಾರಿ ಮಂಗಳೂರು ಲೋಕಸಭಾ ಕ್ಷೇತ್ರವನ್ನು ಪ್ರತಿನಿಧಿಸಿದ್ದರು.

22 Jul, 2017
ಆ.15ಕ್ಕೆ 125 ವಾರ್ಡ್‌ಗಳಲ್ಲಿ ಇಂದಿರಾ ಕ್ಯಾಂಟೀನ್ ಆರಂಭ

ರಾಜ್ಯ ಸರ್ಕಾರ ನಿರ್ಧಾರ
ಆ.15ಕ್ಕೆ 125 ವಾರ್ಡ್‌ಗಳಲ್ಲಿ ಇಂದಿರಾ ಕ್ಯಾಂಟೀನ್ ಆರಂಭ

22 Jul, 2017
ಕಾನೂನು ಜಿಜ್ಞಾಸೆ ಪ್ರಕರಣ ಪೂರ್ಣಪೀಠದಿಂದ ವಿಚಾರಣೆ

ಭೂ ದಾಖಲೆ ತಕರಾರು
ಕಾನೂನು ಜಿಜ್ಞಾಸೆ ಪ್ರಕರಣ ಪೂರ್ಣಪೀಠದಿಂದ ವಿಚಾರಣೆ

22 Jul, 2017

ಬೆಂಗಳೂರು
ಮುದ್ರಣ ದೋಷ: ತಿದ್ದುಪಡಿ ಪಠ್ಯಪುಸ್ತಕ ಶಾಲೆಗಳಿಗೆ ರವಾನೆ

‘ಪಠ್ಯಪುಸ್ತಕಗಳಲ್ಲಿನ ಮುದ್ರಣ ದೋಷ ಕುರಿತು ವಿಷಯ, ಪಾಠ ಮತ್ತು ಪುಟ ಸಮೇತ ಪಟ್ಟಿ ಸಿದ್ಧಪಡಿಸಿ ಕ್ಷೇತ್ರ ಶಿಕ್ಷಣಾಧಿಕಾರಿ ಮೂಲಕ ಎಲ್ಲ ಶಾಲೆಗಳಿಗೆ ತಲುಪಿಸಲಾಗಿದೆ.

22 Jul, 2017