ಸಾರ್ವಜನಿಕ ವಲಯದಲ್ಲಿ ನಡೆಯುವ ಯಾವುದೇ ನಾಮಕರಣದ ಸಂದರ್ಭದಲ್ಲಿ ಪುರಾಣ, ಇತಿಹಾಸ ಪ್ರಸಿದ್ಧರಾದ ವ್ಯಕ್ತಿಗಳ ಹೆಸರಿಡುವುದು ಸಂಪ್ರದಾಯ. ನಮ್ಮ ರೈಲುಗಳ ನಾಮಕರಣವೂ ಈ ಸಂಪ್ರದಾಯಕ್ಕೆ ಹೊರತಲ್ಲ. ಮುಂಬೈ- ಬೆಂಗಳೂರು ನಡುವೆ ಸಂಚರಿಸುವ ‘ಉದ್ಯಾನ್ ಎಕ್ಸ್ಪ್ರೆಸ್’, ಹುಬ್ಬಳ್ಳಿ- ವಿಜಯಪುರ ನಡುವೆ ಸಂಚರಿಸುವ ‘ಗೋಲ್ಗುಂಬಜ್ ಎಕ್ಸ್ಪ್ರೆಸ್’, ಬೆಂಗಳೂರು- ಮೈಸೂರು ನಡುವಿನ ‘ಚಾಮುಂಡಿ ಎಕ್ಸ್ಪ್ರೆಸ್’, ಸಿಕಂದರಾಬಾದ್- ನವದೆಹಲಿ ನಡುವೆ ಸಂಚರಿಸುವ ‘ನಿಜಾಮುದ್ದೀನ್ ಎಕ್ಸ್ಪ್ರೆಸ್’, ನವದೆಹಲಿ- ಸಿಕಂದರಾಬಾದ್ ನಡುವೆ ಸಂಚರಿಸುವ ‘ಡೆಕ್ಕನ್ ಎಕ್ಸ್ಪ್ರೆಸ್’ ಹೀಗೆ... ಈ ನಿಟ್ಟಿನಲ್ಲಿ, ಈಗಿನ ಯಶವಂತಪುರ- ಹಾಸನ ಇಂಟರ್ಸಿಟಿ ರೈಲಿಗೆ ಇಡಲು ಬಯಸಿರುವ ‘ಹಾಸನಾಂಬ ಎಕ್ಸ್ಪ್ರೆಸ್’ ಹೆಸರು ಸಮಂಜಸವಾಗಿದೆ.