ಕೇರಳ: ಮಲಯಾಳಂನ ಸೂಪರ್‌ಸ್ಟಾರ್‌ ನಟ ಮೋಹನ್‌ ಲಾಲ್‌ ನಟನೆಯ ಆ್ಯಕ್ಷನ್‌ ತ್ರಿಲ್ಲರ್‌ ಸಿನಿಮಾ ‘ಪುಲಿಮುರುಗನ್‌’ ಸಿನಿಮಾ ‘ಅತಿದೊಡ್ಡ 3ಡಿ ಸ್ಕ್ರೀನಿಂಗ್‌’ ಸಿನಿಮಾ ಎನಿಸಿಕೊಳ್ಳುವ ಮೂಲಕ ವಿಶ್ವ ದಾಖಲೆ ಬರೆಯಲು ಸಜ್ಜಾಗಿದೆ.
ಸದ್ಯ ಹಾಲಿವುಡ್‌ ಚಿತ್ರ ‘ಮೆನ್‌ ಇನ್‌ ಬ್ಲಾಕ್‌ 3’ ಹೆಸರಿನಲ್ಲಿರುವ ಆ ದಾಖಲೆಯನ್ನು ಅಳಿಸಲು ಈಗಾಗಲೇ ವೇದಿಕೆ ಸಜ್ಜಾಗಿದ್ದು, ಕೇರಳದ ಅಂಗಮಾಲಿಯಲ್ಲಿರುವ ಎಡಿಎಲ್‌ಯುಎಕ್ಸ್‌ ಕನ್ವೆನ್ಷನ್‌ ಹಾಲ್‌ನಲ್ಲಿ ಇದೇ ಏಪ್ರಿಲ್ 12ಕ್ಕೆ ಸಿನಿಮಾ ಪ್ರದರ್ಶನ ಕಾಣಲಿದೆ.
ಭಾರತದ ಅತಿದೊಡ್ಡ ಡಿಜಿಟಲ್‌ ಸಿನಿಮಾ ವಿತರಕ ಸಂಸ್ಥೆಯಾಗಿರುವ ಯುಎಫ್‌ಒ(ಅನ್ಐಡೆಂಟಿಫೈಡ್‌ ಫ್ಲೈಯಿಂಗ್‌ ಆಬ್ಜೆಕ್ಟ್‌) ಮೂವೀಸ್‌ ಪ್ರದರ್ಶನದ ಹೊಣೆ ಹೊತ್ತಿದೆ.
ಈ ಹಿಂದೆ ಬರ್ಲಿನ್‌ನ ಒ2 ವರ್ಲ್ಡ್‌ನಲ್ಲಿ ಪ್ರದರ್ಶಿಸಲಾಗಿದ್ದ ‘ಮೆನ್‌ ಇನ್‌ ಬ್ಲಾಕ್‌ 3’ ಸಿನಿಮಾವನ್ನು 6819 ಜನರು ವೀಕ್ಷಿಸಿದ್ದರು. ಪುಲಿ ಮುರುಗನ್‌ ಚಿತ್ರವನ್ನು 10000 ಸಿನಿಪ್ರಿಯರು ಕುಳಿತು ವೀಕ್ಷಿಸಲು ಅವಕಾಶ ಕಲ್ಪಿಸಲಾಗುತ್ತಿದೆ.
