ತಮಗಿಷ್ಟವಾದ ಚಿತ್ರ ನಟ ನಟಿಯರ ಅಭಿನಯ ಕಲೆಯನ್ನು ಮೆಚ್ಚಿ, ತಮ್ಮ ಹೃದಯ ಮಂದಿರದಲ್ಲಿ ಆರಾಧಿಸುವ ಸಾಕಷ್ಟು ಅಭಿಮಾನಿಗಳು ಕರ್ನಾಟಕದಲ್ಲಿದ್ದಾರೆ. ಆದರೆ ನಟ ಸುದೀಪ್ ಅವರನ್ನು ನೋಡಬೇಕೆಂದು ಬೆಳಗಾವಿಯ ಇಬ್ಬರು ಯುವಕರು ಇತ್ತೀಚೆಗೆ ಆತ್ಮಹತ್ಯೆ ಪ್ರಯತ್ನ, ಉಪವಾಸದಂತಹ ಹುಚ್ಚಾಟಗಳಿಗೆ ಮುಂದಾಗಿರುವುದು ದುರದೃಷ್ಟಕರ.
ಚಿತ್ರನಟರಿಗೂ ಅವರದೇ ಆದ ಜೀವನ, ಶೂಟಿಂಗ್‌ನಂತಹ ಕೆಲಸ ಕಾರ್ಯಗಳಿರುತ್ತವೆ. ಪ್ರತಿಯೊಬ್ಬ ಅಭಿಮಾನಿಯನ್ನೂ ಕಂಡು ವಿಚಾರಿಸುವಷ್ಟು ವ್ಯವಧಾನ ಅವರಿಗಿರುವುದಿಲ್ಲ. ಬಿಡುಗಡೆಯಾಗುವ ಅವರ ಚಿತ್ರಗಳನ್ನು ಚಿತ್ರಮಂದಿರಗಳಲ್ಲಿ ನೋಡುವ ಮೂಲಕ ಕನ್ನಡ ಭಾಷೆಗೆ ಹಾಗೂ ನಟರಿಗೆ ಗೌರವ, ಅಭಿಮಾನ ಸಲ್ಲಿಸಬೇಕೇ ಹೊರತು, ಅಂಧಾಭಿಮಾನ ಪ್ರದರ್ಶಿಸುವುದಲ್ಲ. ಇಂತಹ ಮಕ್ಕಳಿಗೆ ಪಾಲಕರು ಮತ್ತು ಶಿಕ್ಷಕರ ಸೂಕ್ತ ಮಾರ್ಗದರ್ಶನ, ಸಲಹೆ ಅತ್ಯವಶ್ಯ.
ಅಶೋಕ ಜಿ. ಕಮತಗಿ
ಮದ್ಲೂರ, ಸವದತ್ತಿ ತಾಲ್ಲೂಕು
