ಈಗಂತೂ ಮನೆ ಮಂದಿಯೆಲ್ಲ ಒಂದೇ ರೀತಿಯ ಉಡುಪು ತೊಟ್ಟು ಸೇಮ್ ಪಿಂಚ್ ಎನ್ನುವ ಕಾಲ. ಆದರೆ ಇಲ್ಲೊಂದು ದಂಪತಿ ಮೂವತ್ತೇಳು ವರ್ಷಗಳಿಂದ ಒಂದೇ ತರಹದ ದಿರಿಸು ತೊಡುವ ಮೂಲಕ ಗಮನಸೆಳೆದಿದ್ದಾರೆ. ಜಪಾನಿನ ಬೋನ್ ಮತ್ತು ಪೋನ್ ಮದುವೆಯಾದ ದಿನದಿಂದಲೂ ಒಂದೇ ರೀತಿಯ ಬಟ್ಟೆ ತೊಡುತ್ತಿರುವ ದಂಪತಿ.
ಇವರಿಗೆ 60 ವರ್ಷವಾದರೂ ಇವರ ಮ್ಯಾಚಿಂಗ್ ಪ್ರೀತಿ ಮಾತ್ರ ಕಡಿಮೆಯಾಗಿಲ್ಲ. ಪ್ರೀತಿಸಿ ಮದುವೆಯಾಗಿರುವ ಇವರಿಬ್ಬರು ಒಟ್ಟಿಗೆ ಶಾಪಿಂಗ್ ಹೋಗಿ ಮನಮೆಚ್ಚುವ ಉಡುಪು ಕೊಂಡುಕೊಳ್ಳುತ್ತಾರೆ. ಇವರ ಜೀವನ ಪ್ರೀತಿಯನ್ನು ಕಂಡ ಮಂದಿ ಹೀಗೂ ಉಂಟೆ ಎಂದು ಮೂಗಿನ ಮೇಲೆ ಬೆರಳಿಟ್ಟುಕೊಳ್ಳುತ್ತಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ ಖಾತೆ ತೆರೆದ ಮೇಲಂತೂ ಇವರ ಜನಪ್ರಿಯತೆ ಮತ್ತಷ್ಟು ಹೆಚ್ಚಿದೆ. 75ಸಾವಿರಕ್ಕೂ ಹೆಚ್ಚು ಮಂದಿ ಈ ಜೋಡಿಯನ್ನು ಫಾಲೊ ಮಾಡುತ್ತಿದ್ದಾರೆ.