ಮಂಗಳೂರು

ನಿಷ್ಪಕ್ಷಪಾತ ತನಿಖೆ ನಡೆಸಿ: ಕುಮಾರಸ್ವಾಮಿ

‘ಖುರೇಶಿ ಪ್ರಕರಣಕ್ಕೆ ಸಂಬಂಧಿ ಸಿದಂತೆ ಅವರ ಕುಟುಂಬದವರ ಜತೆ ಮಾತನಾಡಿದ್ದೇನೆ. ಪೊಲೀಸ್‌ ಅಧಿಕಾರಿ ಗಳಿಂದಲೂ ಮಾಹಿತಿ ಪಡೆದಿದ್ದೇನೆ. ಈ ಕುರಿತು ಸಮಗ್ರ ತನಿಖೆ ನಡೆಸುವ ಮೂಲಕ ಸತ್ಯಾಂಶವನ್ನು ಜನರಿಗೆ ತಿಳಿ ಸುವ ಕೆಲಸವನ್ನು ಸರ್ಕಾರ ಮಾಡಬೇಕು

ಮಂಗಳೂರು: ‘ಅಹ್ಮದ್‌ ಖುರೇಶಿ ಮೇಲೆ ನಡೆದಿದೆ ಎನ್ನಲಾದ ಪೊಲೀಸ್‌ ದೌರ್ಜನ್ಯ ಕುರಿತು ಎಲ್ಲ ಮಾಹಿತಿಗಳನ್ನು ಸಂಗ್ರಹಿಸಿದ್ದೇನೆ. ಆದರೆ, ಪೊಲೀಸರ ಮಾಹಿತಿಗೂ, ಕುಟುಂಬದವರು ನೀಡು ತ್ತಿರುವ ವಿವರಗಳಿಗೂ ಸಾಮ್ಯತೆ ಇಲ್ಲ. ಇದರಲ್ಲಿ ಹಲವು ಅನುಮಾನಗಳಿವೆ. ಇದನ್ನು ನಿವಾರಿಸುವುದು ಸರ್ಕಾರದ ಜವಾಬ್ದಾರಿ. ಈ ಪ್ರಕರಣದ ಬಗ್ಗೆ ಸರ್ಕಾರ ನಿಷ್ಪಕ್ಷಪಾತ ತನಿಖೆ ನಡೆ ಸಬೇಕು’ ಎಂದು ಜೆಡಿಎಸ್‌ ರಾಜ್ಯ ಘಟ ಕದ ಅಧ್ಯಕ್ಷ ಎಚ್‌.ಡಿ. ಕುಮಾರಸ್ವಾಮಿ ಆಗ್ರಹಿಸಿದರು.

ನಗರದಲ್ಲಿ ಸೋಮವಾರ ಪತ್ರಿಕಾ ಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ ಅವರು, ‘ಖುರೇಶಿ ಪ್ರಕರಣಕ್ಕೆ ಸಂಬಂಧಿ ಸಿದಂತೆ ಅವರ ಕುಟುಂಬದವರ ಜತೆ ಮಾತನಾಡಿದ್ದೇನೆ. ಪೊಲೀಸ್‌ ಅಧಿಕಾರಿ ಗಳಿಂದಲೂ ಮಾಹಿತಿ ಪಡೆದಿದ್ದೇನೆ. ಈ ಕುರಿತು ಸಮಗ್ರ ತನಿಖೆ ನಡೆಸುವ ಮೂಲಕ ಸತ್ಯಾಂಶವನ್ನು ಜನರಿಗೆ ತಿಳಿ ಸುವ ಕೆಲಸವನ್ನು ಸರ್ಕಾರ ಮಾಡಬೇಕು’ ಎಂದರು.

‘ಅಹ್ಮದ್‌ ಖುರೇಶಿಯನ್ನು ಮಾರ್ಚ್‌ 21 ರಂದು ನ್ಯಾಯಾಲಯದ ಆವರಣ ದಿಂದ ವಶಕ್ಕೆ ಪಡೆದಿರುವ ಪೊಲೀಸರು, 27ರವರೆಗೆ ನ್ಯಾಯಾಲಯಕ್ಕೆ ಏಕೆ ಹಾಜ ರುಪಡಿಸಲಿಲ್ಲ? ಗಾಯಗೊಂಡಿದ್ದ ಖುರೇ ಶಿಯನ್ನು ನ್ಯಾಯಾಲಯಕ್ಕೆ ಹಾಜರು ಪಡಿಸಿದ ಸಂದರ್ಭದಲ್ಲಿ, ಅಪಘಾತದಲ್ಲಿ ಗಾಯಗೊಂಡಿರುವುದಾಗಿ ವರದಿ ನೀಡ ಲಾಗಿದೆ. ಇದರರ್ಥ ಪೊಲೀಸ್‌ ಕಸ್ಟಡಿ ಯಲ್ಲಿದ್ದಾಗಲೇ ಅಪಘಾತವಾಗಿದೆಯೇ ಅಥವಾ ಅಂದು ಅಹ್ಮದ್‌ ಖುರೇಶಿ ಯನ್ನು ಬಿಡುಗಡೆ ಮಾಡಲಾಗಿತ್ತೇ ಎಂ ಬುದು ತಿಳಿಯುತ್ತಿಲ್ಲ. ಅಲ್ಲದೇ ಪೊಲೀ ಸರು ಹಾಕಿರುವ ಎಫ್‌ಐಆರ್‌ನಲ್ಲಿ ಅಹ್ಮದ್‌ ಖುರೇಶಿ ವಿರುದ್ಧ ಯಾವುದೇ ಗಂಭೀರ ಆರೋಪಗಳಿಲ್ಲ. ಇದೆಲ್ಲವನ್ನು ನೋಡಿದರೆ, ಕಾನೂನಿನ ಹೆಸರಿನಲ್ಲಿ ದೌರ್ಜನ್ಯ ನಡೆಸಲಾಗುತ್ತಿದೆಯೇ ಎಂಬ ಸಂಶಯ ಮೂಡುತ್ತದೆ’ ಎಂದು ಹೇಳಿದರು.

‘ಕುಟುಂಬದವರ ಪ್ರಕಾರ, ಅಹ್ಮದ್‌ ಖುರೇಶಿಯನ್ನು ಬಂಧಿಸಿದಾಗಲೇ, ಕಿಡ್ನಿ ಸಮಸ್ಯೆ ಇರುವುದನ್ನು ತಿಳಿಸಲಾಗಿತ್ತು. ಆದರೆ, ಪೊಲೀಸರು ಅದನ್ನು ಏಕೆ ದಾಖ ಲಿಸಿಲ್ಲ’ ಎಂದು ಪ್ರಶ್ನಿಸಿದ ಅವರು, ‘ಇಂತಹ ಹಲವಾರು ಗೊಂದಲಗಳಿದ್ದು, ಅವೆಲ್ಲವನ್ನೂ ಪರಿಹರಿಸಲು ನಿಷ್ಪಕ್ಷಪಾತ ತನಿಖೆ ನಡೆಸಬೇಕು’ ಎಂದು ಆಗ್ರಹಿಸಿದರು.

ಬರ ನಿರ್ವಹಣೆಯಲ್ಲಿ ವಿಫಲ: ‘ರಾಜ್ಯದಲ್ಲಿ ತೀವ್ರ ಬರದ ಸ್ಥಿತಿ ಇದೆ. ಕುಡಿ ಯುವ ನೀರು, ಜಾನುವಾರುಗಳಿಗೆ ಮೇವು ಇಲ್ಲದಾಗಿದೆ. ಇಂತಹ ಪರಿಸ್ಥಿ ತಿಯಲ್ಲಿ ರಾಜ್ಯದ ಜನರ ನೆರವಿಗೆ ಧಾವಿಸ ಬೇಕಿದ್ದ ಇಡೀ ಸರ್ಕಾರ ಉಪಚುನಾವಣೆ ಪ್ರಚಾರದಲ್ಲಿ ಮುಳುಗಿತ್ತು’ ಎಂದು ಆರೋಪಿಸಿದರು.‘ಉಪಚುನಾವಣೆಯನ್ನು ಪ್ರತಿಷ್ಠೆ ಯಾಗಿ ಮಾಡಿಕೊಂಡ ಸರ್ಕಾರ, ಇಡೀ ಸಚಿವ ಸಂಪುಟವನ್ನೇ ಚುನಾವಣೆಗೆ ನಿಯೋಜಿಸಿತ್ತು. ಇದೀಗ ಮತದಾರರು ಕಾಂಗ್ರೆಸ್‌ಗೆ ಬೆಂಬಲ ನೀಡಿದ್ದಾರೆ. ಆದರೂ, ಎಚ್ಚೆತ್ತುಕೊಳ್ಳದ ಸರ್ಕಾರ, ವರಿಷ್ಠರಿಗೆ ಸಾಧನೆ ವಿವರಿಸುವ ನೆಪದಲ್ಲಿ ದೆಹಲಿ ಯಾತ್ರೆ ಮಾಡಲಾಗುತ್ತಿದೆ’ ಎಂದು ಟೀಕಿಸಿದರು.

‘ಬರದಿಂದಾಗಿ ರೈತರು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದಾರೆ. ಅವರಿಗೆ ಆತ್ಮ ಸ್ಥೈರ್ಯ ತುಂಬುವ ಕೆಲಸವನ್ನು ಸರ್ಕಾರ ವಾಗಲಿ, ಸಚಿವರಾಗಲಿ ಮಾಡುತ್ತಿಲ್ಲ. ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿರುವ ₹1,600 ಕೋಟಿ ಬರ ಪರಿಹಾರವನ್ನು ರೈತರಿಗೆ ವಿತರಿಸುವ ಕೆಲಸವನ್ನು ಈಗಷ್ಟೇ ಆರಂಭಿಸಲಾಗಿದೆ. ರಾಜ್ಯದಲ್ಲಿಬರದ ಸ್ಥಿತಿ ನಿರ್ವಹಣೆ, ಕಾನೂನು ಸುವ್ಯ ವಸ್ಥೆ ಪಾಲನೆಯಲ್ಲಿ ಸರ್ಕಾರ ಸಂಪೂರ್ಣ ವಿಫಲವಾಗಿದೆ’ ಎಂದು ದೂರಿದರು.ಶಾಸಕ ಬಿ.ಬಿ. ನಿಂಗಯ್ಯ, ಮುಖಂಡ ರಾದ ಕೆ. ಅಮರನಾಥ ಶೆಟ್ಟಿ, ಬಿ.ಎಂ. ಫಾರೂಕ್‌, ಹೈದರ್‌ ಪರ್ತಿಪಾಡಿ, ಎಂ.ಬಿ. ಸದಾಶಿವ, ವಿಟ್ಲ ಮಹಮ್ಮದ್‌ ಕುಂಞಿ, ಅಕ್ಷಿತ್‌ ಸುವರ್ಣ ಇದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
‘ಭಾರತ ಕಲೆ, ಸಂಸ್ಕೃತಿಯ ತವರೂರು’

ಮಂಗಳೂರು
‘ಭಾರತ ಕಲೆ, ಸಂಸ್ಕೃತಿಯ ತವರೂರು’

21 Nov, 2017

ಮಂಗಳೂರು
ಕಡಲ ತೀರಕ್ಕೆ ಬಂದ ನೌಕೆಗಳು

2008 ರಲ್ಲಿ ನಡೆದ ಮುಂಬೈ ಉಗ್ರರ ದಾಳಿಯ ನಂತರ ಕರಾವಳಿಯಲ್ಲಿ ಭದ್ರತೆಯನ್ನು ಹೆಚ್ಚಿಸಲಾಗಿದ್ದು, ಈ ಹಿನ್ನೆಲೆಯಲ್ಲಿ ಸಾಗರ ಕವಚ ಅಣಕು ಕಾರ್ಯಾಚರಣೆ ನಡೆಸಲಾಗುತ್ತಿದೆ.

21 Nov, 2017

ಮಂಗಳೂರು
‘ಭಕ್ತಿ ಪರಂಪರೆಗೆ ಚಲನಶೀಲ ಗುಣ’

ಭಕ್ತಿ ಚಾರಿತ್ರಿಕವಾಗಿ ಮತ್ತು ಸಾಮಾಜಿಕವಾಗಿ ನದಿ ಕೇಂದ್ರಿತ ಕೃಷಿ ವ್ಯವಸ್ಥೆಯ ಅಭಿವ್ಯಕ್ತಿ. ಇದು 10 ನೇ ಶತಮಾನದ ಪೂರ್ವದಲ್ಲಿ ಭಾರತದಲ್ಲಿದ್ದ ಸಾಮಾನ್ಯ ಸಂಸ್ಕೃತಿ.

21 Nov, 2017

ಮೂಡುಬಿದಿರೆ
ಪ್ರತಿಭಟನೆ, ಮತದಾನ ಬಹಿಷ್ಕಾರ ಎಚ್ಚರಿಕೆ

‘40 ವರ್ಷಗಳ ಹಿಂದೆ ಈ ರಸ್ತೆ ನಿರ್ಮಾಣವಾಗಿದ್ದು, ಇಲ್ಲಿ ರೈತರು, ಕೂಲಿ ಕಾರ್ಮಿಕರು ಹೆಚ್ಚಿನ ಸಂಖ್ಯೆಯಲ್ಲಿ ವಾಸವಾಗಿದ್ದಾರೆ. ಸೋಮಪ್ಪ ಸುವರ್ಣ ಅವರು ಶಾಸಕರಾಗಿದ್ದ ಸಂದರ್ಭದಲ್ಲಿ...

21 Nov, 2017
ಮೆರವಣಿಗೆಗೆ ಮೆರುಗು ನೀಡಿದ ‘ರಾಜಕೀಯ ನಾಯಕರ ಬೆಸುಗೆ’

ಬಂಟ್ವಾಳ
ಮೆರವಣಿಗೆಗೆ ಮೆರುಗು ನೀಡಿದ ‘ರಾಜಕೀಯ ನಾಯಕರ ಬೆಸುಗೆ’

20 Nov, 2017