‘ಸುಶಾಂತ್‌ಸಿಂಗ್‌ ಅವರನ್ನು ನೀವು ಇಂಪ್ರೆಸ್‌ ಮಾಡಬೇಕಾ ಹಾಗಿದ್ದರೆ ಅವನಿಗೊಂದು ಚಾಕೊಲೇಟ್‌ ಕೊಡಿ’... ಹೀಗೆಂದು ಸುಶಾಂತ್‌ ರಹಸ್ಯವನ್ನು ಬಿಚ್ಚಿಟ್ಟವರು ನಟಿ ಕೀರ್ತಿ ಸೆನನ್‌.
‘ರಬ್ತಾ’ ಸಿನಿಮಾದ ಟ್ರೇಲರ್‌ ಬಿಡುಗಡೆ ಸಂದರ್ಭದಲ್ಲಿ ಅವರು ತಮ್ಮ ಸಹನಟನ ಇಷ್ಟ–ಕಷ್ಟಗಳ ಕುರಿತು ಮಾತನಾಡಿದರು. ‘ಸುಶಾಂತ್‌ಗೆ ಇಂಪ್ರೆಸ್‌ ಮಾಡುವುದು ಸುಲಭದ ಕೆಲಸ. ಚಾಕೊಲೇಟ್‌ ನೀಡಿದರೆ ಸಾಕು ಅವನ ಮನಸ್ಸು ಮಂಜಿನಂತೆ ಕರಗುತ್ತದೆ’ ಎಂದು ನಗೆ ಚೆಲ್ಲಿದರು ಕೀರ್ತಿ.
‘ಸಿನಿಮಾ ಚಿತ್ರೀಕರಣ ಮುಗಿದಿದ್ದರೂ, ಸುಶಾಂತ್‌ ಪಾತ್ರದೊಳಗೆ ಇದ್ದಾನೆ. ಪಾತ್ರ ನಿರ್ವಹಣೆಯಲ್ಲಿ ಆತ ಅಷ್ಟು ತಲ್ಲೀನನಾಗಿದ್ದ’ ಎಂದು ಸುಶಾಂತ್‌ ಬಗ್ಗೆ ಅವರು ಮೆಚ್ಚುಗೆ ವ್ಯಕ್ತಪಡಿಸಿದರು.
ಸದ್ಯ ಬಾಲಿವುಡ್‌ನಲ್ಲಿ ಬಹು ಚರ್ಚೆಯಲ್ಲಿರುವ ಜೋಡಿ ಇದು. ರಬ್ತಾ ಸಿನಿಮಾದಲ್ಲಿ ಇವರಿಬ್ಬರ ಬಾಡಿ ಕೆಮೆಸ್ಟ್ರಿ ಸಖತ್‌ ಆಗಿ ಕೆಲಸ ಮಾಡಿದೆ ಎನ್ನುತ್ತಿದ್ದಾರೆ ಬಾಲಿವುಡ್‌ ಮಂದಿ.
