ಮಸೂದೆಯ ಕರಡು ದಹಿಸಿ ಪ್ರತಿಭಟನೆ

ರಾಷ್ಟ್ರೀಯ ಕಾನೂನು ಆಯೋಗದ ಶಿಫಾರಸಿನಂತೆ ‘ಭಾರತೀಯ ವಕೀಲರ ಕಾಯ್ದೆ’ಗೆ ತಿದ್ದುಪಡಿ ತರಲು ಕೇಂದ್ರ ಸರ್ಕಾರ ಮುಂದಾಗಿದೆ. ಈಗಾಗಲೇ ಕರಡು ಮಸೂದೆಯನ್ನು ಸಿದ್ಧಪಡಿಸಿದ್ದು, ಪರಿಶೀಲನಾ ಹಂತದಲ್ಲಿದೆ. ಕರಡು ಮಸೂದೆ ದೇಶದ ವಕೀಲರ ಹಿತಾಸಕ್ತಿಗೆ ವಿರುದ್ಧವಾಗಿದೆ ಎಂದು ಆರೋಪಿಸಿದ ಪ್ರತಿಭಟನಾಕಾರರು, ಮಸೂದೆಯ ಪ್ರತಿಗೆ ಬೆಂಕಿ ಹಚ್ಚಿ ಸುಟ್ಟು ಹಾಕಿದರು.

 

ಪ್ರತಿಭಟನೆಯನ್ನುದ್ದೇಶಿಸಿ ಮಾತ ನಾಡಿದ ಮಂಗಳೂರು ವಕೀಲರ ಸಂಘದ ಕಾರ್ಯದರ್ಶಿ ದಿನಕರ ಶೆಟ್ಟಿ, ‘ರಾಷ್ಟ್ರೀಯ ಕಾನೂನು ಆಯೋಗದ ಶಿಫಾರಸಿನಂತೆ ಸಿದ್ಧಪಡಿಸಿರುವ ಕರಡು ಮಸೂದೆಯು ದೇಶದ ವಕೀಲರ ಹಕ್ಕುಗ ಳನ್ನು ದಮನ ಮಾಡಲಿದೆ.

 

ವಿದೇಶಿ ವಕೀಲರಿಗೆ ಅವಕಾಶ ನೀಡುವುದರಿಂದ ದೇಶದ ವಕೀಲರಿಗೆ ದುಡಿಮೆಯ ಅವಕಾಶಗಳು ಕಡಿಮೆಯಾಗುತ್ತವೆ. ಸಂವಿಧಾನ ವಿರೋಧಿ ಅಂಶಗಳನ್ನು ಒಳಗೊಂ ಡಿರುವ ಈ ಮಸೂದೆಯನ್ನು ವಕೀಲ ಸಮುದಾಯವು ಒಪ್ಪಿಕೊಳ್ಳುವುದಿಲ್ಲ’ ಎಂದರು.

 

‘ದೇಶದ ವಕೀಲರ ವಿರೋಧಿಯಂತೆ ನಡೆದುಕೊಳ್ಳುತ್ತಿರುವ ರಾಷ್ಟ್ರೀಯ ಕಾನೂನು ಆಯೋಗದ ಅಧ್ಯಕ್ಷ ಬಿ.ಎಸ್‌. ಚೌಹಾಣ್ ತಕ್ಷಣವೇ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಬೇಕು, ಕರಡು ಮಸೂದೆಯನ್ನು ಕೈಬಿಡುವ ನಿರ್ಧಾರ ವನ್ನು ಮೇ 1ರ ಒಳಗೆ ಕೇಂದ್ರ ಸರ್ಕಾರ ಪ್ರಕಟಿಸಬೇಕು.

 

ತಪ್ಪಿದರೆ ಮೇ 2ರಿಂದ ದೆಹಲಿಯ ಪಟಿಯಾಲ ನ್ಯಾಯಾಲಯದ ಆವರಣದಲ್ಲಿ ಬೃಹತ್‌ ಪ್ರತಿಭಟನೆ ಆರಂಭಿಸಲಾಗುವುದು’ ಎಂದು ಹೇಳಿದರು. ಮಂಗಳೂರು ವಕೀಲರ ಸಂಘದ ಉಪಾಧ್ಯಕ್ಷೆ ಪುಷ್ಪಲತಾ ಮಾತನಾಡಿ, ‘ಈ ತಿದ್ದುಪಡಿ ಮಸೂದೆ ಜಾರಿಗೆ ಬಂ ದರೆ ವಕೀಲರಿಗೆ ಅನ್ಯಾಯವಾಗಲಿದೆ. 

 

ವಕೀಲರು ಅನಿವಾರ್ಯ ಕಾರಣಗಳಿಂದ ನ್ಯಾಯಾಲಯದ ಕಲಾಪಕ್ಕೆ ಹಾಜರಾ ಗದೇ ಇದ್ದ ಸಂದರ್ಭದಲ್ಲೂ ಅವರು ನ್ಯಾಯಾಲಯಕ್ಕೆ ಪರಿಹಾರ ಪಾವತಿಸ ಬೇಕೆಂಬ ಪ್ರಸ್ತಾವ ಈ ಮಸೂದೆಯಲ್ಲಿದೆ. ವಕೀಲರ ವಿರುದ್ಧವಾದ ಇಂತಹ ಅನೇಕ ಅಂಶಗಳು ಮಸೂದೆಯಲ್ಲಿದ್ದು, ವಕೀ ಲರ ಹಕ್ಕುಗಳನ್ನು ದಮನ ಮಾಡುವ ಪ್ರಯತ್ನವಿದು’ ಎಂದರು.

 

ದಿನೇಶ್ ಹೆಗ್ಡೆ ಉಳೇಪಾಡಿ, ಸುಜಿತ್ ಕುಮಾರ್, ಡೇನಿಯಲ್, ನಾರಾಯಣ, ಪ್ರಮೋದ್, ಕಿಶೋರ್, ಶ್ರೀಕುಮಾರ್, ರೂಪಾ, ಪ್ರಫುಲ್ಲಾ ಕುಮಾರಿ ಸೇರಿದಂತೆ ಹಲವು ವಕೀಲರು ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದರು.