ಲಿಂಬೋ ಸ್ಕೇಟಿಂಗ್‌: ದಾಖಲೆ ಬರೆದ ಪ್ರಿಯದರ್ಶಿನಿ

ಕಾರವಾರ: ಕಣ್ಣಿಗೆ ಕಪ್ಪುಪಟ್ಟಿ ಕಟ್ಟಿಕೊಂಡು ಹಿಮ್ಮುಖವಾಗಿ ಲಿಂಬೋ ಸ್ಕೇಟಿಂಗ್ ಮಾಡುವ ಮೂಲಕ 5 ವರ್ಷದ ಬಾಲಕಿ ಪ್ರಿಯದರ್ಶಿನಿ ಎಂ. ಹಿರೇಮಠ ಹೊಸ ದಾಖಲೆ ಬರೆದಳು.

. ಬುಧವಾರ ಕೈಗಾದ ವಸತಿ ಸಂಕೀರ್ಣದ ಸ್ಕೇಟಿಂಗ್ ರಿಂಕ್ನಲ್ಲಿ ಹಮ್ಮಿಕೊಂಡಿದ್ದ ವಿಶೇಷ ಪ್ರದರ್ಶನದಲ್ಲಿ ಪ್ರಿಯದರ್ಶಿನಿ ಈ ಸಾಧನೆ ಮಾಡಿದಳು. 50 ಮೀಟರ್ ದೂರದವರೆಗೆ ನೆಲದಿಂದ 6.50 ಇಂಚು ಎತ್ತರದಲ್ಲಿ ಒಟ್ಟು 40 ಬಾರ್ಗಳನ್ನು ಅಡ್ಡಲಾಗಿ ಇಡಲಾಗಿತ್ತು. ಈ ಬಾರ್ಗಳ ಅಡಿಯಲ್ಲಿ ಹಿಮ್ಮುಖವಾಗಿ ನುಸುಳಿ ಕೇವಲ 22 ಸೆಕೆಂಡ್ಗಳಲ್ಲಿ ಗುರಿ ಮುಟ್ಟಿದಳು.

. ನಂತರ ಕಣ್ಣಿಗೆ ಕಪ್ಪುಪಟ್ಟಿ ಕಟ್ಟಿಕೊಂಡು ಅದೇ ರೀತಿಯಲ್ಲಿ ನುಸುಳಿ ನೆರೆದಿದ್ದವರ ಮನಗೆದ್ದಳು. ಮೂರು ಸುತ್ತುಗಳನ್ನೂ ಯಶಸ್ವಿಯಾಗಿ ಪೂರೈಸಿ, ಎಲ್ಲರ ಚಪ್ಪಾಳೆಗಿಟ್ಟಿಸಿದಳು.

. ದಾಖಲೆ ಘೋಷಣೆ: ವೀಕ್ಷಕರಾಗಿ ಬಂದಿದ್ದ ದೆಹಲಿಯ ರೆಕಾರ್ಡ್ ಹೋಲ್ಡರ್ಸ್ ರಿಪಬ್ಲಿಕ್ ಇಂಡಿಯಾ ಮಾರ್ಕೆಟಿಂಗ್ ಮುಖ್ಯಸ್ಥ ಪ್ರಮೋದ್ ರೂಹಿಯಾ ದಾಖಲೆಯನ್ನು ಘೋಷಿಸಿದರಲ್ಲದೇ ಪ್ರಿಯದರ್ಶಿನಿಗೆ ಪ್ರಮಾಣ ಪತ್ರ ವಿತರಿಸಿದರು. ಇಂಡಿಯನ್ ಬುಕ್ ಆಫ್ ರೆಕಾರ್ಡ್ನ ಮಾರಿಯಾ ಗೋಮ್ಸ್ ಸಹ ವೀಕ್ಷಕರಾಗಿ ಬಂದಿದ್ದರು. ‘ಲಿಂಬೋ ಸ್ಕೇಟಿಂಗ್ನಲ್ಲಿ ಪ್ರಿಯದರ್ಶಿನಿಯ ಈ ಸಾಧನೆ ವಿಶ್ವದಾಖಲೆಯಾಗಲಿದೆ’ ಎಂದು ಪ್ರಮೋದ್ ರೂಹಿಯಾ ಸುದ್ದಿಗಾರರಿಗೆ ತಿಳಿಸಿದರು.

. ‘ಪ್ರಿಯಾದರ್ಶಿನಿಯ ಈ ಸಾಧನೆಯ ಪ್ರದರ್ಶನವನ್ನು ಸಂಪೂರ್ಣವಾಗಿ ಚಿತ್ರೀಕರಿಸಲಾಗಿದ್ದು, ಅದನ್ನು ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಸ್ ಸಂಸ್ಥೆಗೆ ಕಳುಹಿಸಿಕೊಡಲಾಗುವುದು’ ಎಂದು ತರಬೇತುದಾರ ದಿಲೀಪ್ ಹಣಬರ ಹೇಳಿದರು.

. * 6 ತಿಂಗಳಿಂದ ಸತತ ಅಭ್ಯಾಸ: ಪ್ರಿಯದರ್ಶಿನಿ ಕೈಗಾ ಅಣುವಿದ್ಯುತ್ ಸ್ಥಾವರದ ವೈಜ್ಞಾನಿಕ ಸಹಾಯಕ ಮಹಾಂತೇಶ ಹಿರೇಮಠ ಹಾಗೂ ಭಾರತಿ ದಂಪತಿ ಪುತ್ರಿ. ಈಕೆ ಕೈಗಾ ಕೇಂದ್ರೀಯ ವಿದ್ಯಾಲಯದ ಯುಕೆಜಿಯಲ್ಲಿ ಓದುತ್ತಿದ್ದು, ಕೈಗಾ ರೋಲರ್ ಸ್ಕೇಟಿಂಗ್ ಕ್ಲಬ್ನ ತರಬೇತುದಾರ ದಿಲೀಪ್ ಹಣಬರ ಗರಡಿಯಲ್ಲಿ ತರಬೇತಿ ಪಡೆದಿದ್ದಾಳೆ.

. ‘ಮಕ್ಕಳು ಸ್ಕೇಟಿಂಗ್ ಮಾಡುವುದನ್ನು ಕಂಡ ಪ್ರಿಯದರ್ಶಿನಿ ತಾನು ಸ್ಕೇಟಿಂಗ್ ಕಲಿಯುವುದಾಗಿ ತಿಳಿಸಿದಳು. ಬಳಿಕ ಮಗಳನ್ನು ಕೈಗಾ ರೋಲರ್ ಸ್ಕೇಟಿಂಗ್ ಕ್ಲಬ್ಗೆ ತಂದು ಸೇರಿಸಿದೆ. ಕಳೆದ ಎರಡು ವರ್ಷಗಳಿಂದ ತರಬೇತಿ ಪಡೆಯುತ್ತಿದ್ದಳು. ದಾಖಲೆ ನಿರ್ಮಿಸಲು ಕಳೆದ 6 ತಿಂಗಳಿಂದ ಕಠಿಣ ಪರಿಶ್ರಮ ಹಾಕಿದ್ದಳು.

. ಬೆಳಿಗ್ಗೆ 5 ರಿಂದ 6.30 ಹಾಗೂ ಸಂಜೆ 5ರಿಂದ 7 ಹೀಗೆ ನಿತ್ಯ ಸ್ಕೇಟಿಂಗ್ ರಿಂಕ್ನಲ್ಲಿ ಅಭ್ಯಾಸ ಮಾಡುತ್ತಿದ್ದಳು. ಮಗಳ ಸಾಧನೆಯು ನಮಗೆ ಹಮ್ಮೆ ತಂದಿದ್ದು, ಇದಕ್ಕೆ ಕೈಗಾ ಸ್ಕೇಟಿಂಗ್ ಕ್ಲಬ್ ಸದಸ್ಯರು ಹಾಗೂ ಗೆಳೆಯರ ಸಹಕಾರ ಸ್ಮರಣೀಯ’ ಎಂದು ಮಹಾಂತೇಶ ಹಿರೇಮಠ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಲಿಂಬೋ ಸ್ಕೇಟಿಂಗ್‌: ದಾಖಲೆ ಬರೆದ ಪ್ರಿಯದರ್ಶಿನಿ

World Cup Ind VS Pak | ಪಾಕ್‌ ನಾಯಕಿಗೆ ಹಸ್ತಲಾಘವ ನಿರಾಕರಿಸಿದ ಹರ್ಮನ್‌ಪ್ರೀತ್

ಚಿನಕುರುಳಿ | ಭಾನುವಾರ 05, ಅಕ್ಟೋಬರ್ 2025

ವಾರ ಭವಿಷ್ಯ | ಅಕ್ಟೋಬರ್‌ 5ರಿಂದ 11ರ ವರೆಗೆ: ಪೂರ್ವಿಕರ ಆಸ್ತಿ ಖರೀದಿಗೆ ತಯಾರಿ

ನಮ್ಮ ಮೆಟ್ರೊಗೆ 'ಬಸವ ಮೆಟ್ರೊ' ಎಂದು ನಾಮಕರಣ | ಕೇಂದ್ರಕ್ಕೆ ಶಿಫಾರಸ್ಸು: ಸಿಎಂ

ಏಕದಿನ ಕ್ರಿಕೆಟ್: ಆಸ್ಟ್ರೇಲಿಯಾ ಎ ವಿರುದ್ಧ ಭಾರತ ಎ ತಂಡಕ್ಕೆ ಸರಣಿ

ರಾಜ್ಯ ರಸ್ತೆ ಸೈಕ್ಲಿಂಗ್‌ ಚಾಂಪಿಯನ್‌ಷಿಪ್‌: ಬಾಗಲಕೋಟೆ, ವಿಜಯಪುರ ಚಾಂಪಿಯನ್‌

Pro Kabaddi: ಟೈಟನ್ಸ್‌ಗೆ ಮಣಿದ ಯೋಧಾಸ್‌

ವಿಜಯ್ ಹಜಾರೆ ಟ್ರೋಫಿ ವಿಜೇತರಿಗೆ ಬಂಪರ್

ಒಳನೋಟ | ಉದ್ಯೋಗಕ್ಕೆ ನಿತ್ಯ ವಲಸೆ

ಒಳನೋಟ | ಮದ್ಯ ತಯಾರಿಕಾ ಉದ್ಯಮ ‘ಬಂದಿ’

ಒಳನೋಟ | ಶುಲ್ಕ ಹೆಚ್ಚಳ: ಹಗಲು ದರೋಡೆ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

World Cup Ind VS Pak | ಪಾಕ್‌ ನಾಯಕಿಗೆ ಹಸ್ತಲಾಘವ ನಿರಾಕರಿಸಿದ ಹರ್ಮನ್‌ಪ್ರೀತ್

ಚಿನಕುರುಳಿ | ಭಾನುವಾರ 05, ಅಕ್ಟೋಬರ್ 2025

ವಾರ ಭವಿಷ್ಯ | ಅಕ್ಟೋಬರ್‌ 5ರಿಂದ 11ರ ವರೆಗೆ: ಪೂರ್ವಿಕರ ಆಸ್ತಿ ಖರೀದಿಗೆ ತಯಾರಿ

ನಮ್ಮ ಮೆಟ್ರೊಗೆ 'ಬಸವ ಮೆಟ್ರೊ' ಎಂದು ನಾಮಕರಣ | ಕೇಂದ್ರಕ್ಕೆ ಶಿಫಾರಸ್ಸು: ಸಿಎಂ