ಚಿಕ್ಕಬಳ್ಳಾಪುರ: ಈ ಬಾರಿಯ ಎಸ್ಸೆಸ್ಸೆಲ್ಸಿ ಫಲಿತಾಂಶ ಜಿಲ್ಲೆ ಪಾಲಿಗೆ ಆಶಾ ದಾಯಕವಾಗಿಲ್ಲ. ಕಳೆದ ವರ್ಷ ಶೇ 81.5ರಷ್ಟು ಫಲಿತಾಂಶ ಗಳಿಸಿ13ನೇ ಸ್ಥಾನದಲ್ಲಿ ಜಿಲ್ಲೆ ಈ ಬಾರಿ ಶೇ 70.13 ರಷ್ಟು ಫಲಿತಾಂಶ ಪಡೆಯುವ ಮೂಲಕ 28ನೇ ಸ್ಥಾನ ಕುಸಿದಿದೆ.
ಏಕಾಏಕಿ ಎಸ್ಸೆಸ್ಸೆಲ್ಸಿ ಫಲಿತಾಂಶದಲ್ಲಿ ಜಿಲ್ಲೆ 15 ಸ್ಥಾನಗಳಷ್ಟು ಕೆಳಗೆ ಕುಸಿದಿರುವುದು ಜಿಲ್ಲೆಯ ಶಿಕ್ಷಣಪ್ರಿಯರಲ್ಲಿ ಬೇಸರ ಮತ್ತು ಆತಂಕ ಮೂಡಿಸಿದೆ. ಶುಕ್ರವಾರ ಮಧ್ಯಾಹ್ನ 1 ಗಂಟೆಯ ನಂತರ ವಿವಿಧ ಜಾಲತಾಣಗಳಲ್ಲಿ ಫಲಿತಾಂಶ ಪ್ರಕಟವಾಗಿದೆ.
ಶಾಲೆಗಳಲ್ಲಿ ಅಧಿಕೃತವಾಗಿ ಶನಿವಾರ ಲಭ್ಯವಾಗಲಿದೆ. ಆ ಬಳಿಕವಷ್ಟೇ ಜಿಲ್ಲೆಯ ಒಟ್ಟಾರೆ ಫಲಿತಾಂಶದ ಚಿತ್ರಣ ಲಭ್ಯವಾಗಲಿದೆ.