ರಜನಿಕಾಂತ್‌ ಜೊತೆ ನಟಿಸಬೇಕೆಂಬುದು ಬಹು ನಟಿಯರ ಕನಸು. ಈ ಕನಸು ನನಸಾದ ಹೆಮ್ಮೆಯಲ್ಲಿ ಬೀಗುತ್ತಿದ್ದಾರೆ ಹುಮಾ ಖುರೇಶಿ.
ರಜನಿಕಾಂತ್‌ ಮುಂದಿನ ಸಿನಿಮಾದಲ್ಲಿ ಹುಮಾಗೆ ಅವಕಾಶ ಸಿಕ್ಕಿರುವುದು ಪಕ್ಕಾ ಆಗಿದೆ ಎಂಬ ಸುದ್ದಿ ಟಾಲಿವುಡ್‌ನಲ್ಲಿ ಹರಿದಾಡುತ್ತಿದೆ.
ನಟಿ ವಿದ್ಯಾ ಬಾಲನ್‌ ಕಾರಣಾಂತರದಿಂದ ಈ ಸಿನಿಮಾ ಅವಕಾಶವನ್ನು ಕೈಚೆಲ್ಲಿದ್ದರಿಂದ ಹುಮಾಗೆ ಅದೃಷ್ಟ ಖುಲಾಯಿಸಿದೆ. ಆದರೆ ಹುಮಾ ಮಾತ್ರ ಈ ಬಗ್ಗೆ ತುಟಿ ಬಿಚ್ಚಿಲ್ಲ. ಅಧಿಕೃತವಾಗುವವರೆಗೂ ನಾನೇನು ಮಾತನಾಡುವುದಿಲ್ಲ ಎಂದಿದ್ದಾರೆ.
ಪಾ ರಂಜಿತ್‌ ಅವರು ಈ ಸಿನಿಮಾ ನಿರ್ದೇಶಿಸಲಿದ್ದು, ರಜನಿ ಮಗಳು ಐಶ್ವರ್ಯಾ ಸಿನಿಮಾದ ನಿರ್ಮಾಪಕಿ ಎನ್ನಲಾಗುತ್ತಿದೆ.
