ಸಿಂಧುಗೆ ಬಿಡಬ್ಲ್ಯುಎಫ್‌ ಆಯೋಗದ ಸದಸ್ಯತ್ವ

ನಾಲ್ಕು ಸ್ಥಾನಗಳಿಗಾಗಿ ಆಸ್ಟ್ರೇಲಿಯಾದ ಗೋಲ್ಡ್ ಕೋಸ್ಟ್‌ನಲ್ಲಿ ಬುಧವಾರ ನಡೆದ ಮತದಾನದಲ್ಲಿ ಪಿ.ವಿ.ಸಿಂಧು 129 ಮತಗಳೊಂದಿಗೆ ಅಗ್ರ ಸ್ಥಾನ ಗಳಿಸಿದರು. ಜರ್ಮನಿಯ ಮಾರ್ಕ್‌ ಜ್ವಿಬ್ಲೆವರ್‌ (108 ಮತಗಳು), ಸ್ಕಾಟ್ಲೆಂಡ್‌ನ ಕ್ರಿಸ್ಟಿ ಗಿಲ್ಮರ್‌ (103) ಮತ್ತು ಲಿಥುವೇನಿಯಾದ ಅಕ್ವಿಲೆ ಸ್ಟಾಪುಸೈಟಿಟೆ (25) ಆಯ್ಕೆಯಾದ ಇತರ ಆಟಗಾರರು.

ಸಿಂಧು ಸೇರಿದಂತೆ ಮೊದಲ ಮೂವರು ನಾಲ್ಕು ವರ್ಷ ಸದಸ್ಯರಾಗಿ ಕಾರ್ಯ ನಿರ್ವಹಿಸಲಿದ್ದು ಸ್ಟಾಪುಸೈಟಿಟೆ ಅವರ ಅವಧಿ ಕೇವಲ ಎರಡು ವರ್ಷ. ಎರಡು ವರ್ಷ ಸೇವೆ ಸಲ್ಲಿಸಿ ನಿವೃತ್ತರಾದ ಚೀನಾದ ಟಾನ್ ಯುವಾಂಟಿಂಗ್‌ ಅವರ ಸ್ಥಾನವನ್ನು ಸ್ಟಾಪುಸೈಟಿಟೆ ತುಂಬಲಿದ್ದಾರೆ.
ಸಿಂಧು ಅವರನ್ನು ಭಾರತ ಬ್ಯಾಡ್ಮಿಂಟನ್ ಸಂಸ್ಥೆಯ ಅಧ್ಯಕ್ಷ ಹಿಮಾಂತ ಬಿಸ್ವ ಶರ್ಮಾ ಅಭಿನಂದಿಸಿದ್ದಾರೆ.